太平館餐廳

营业中

休息中

8年前朋友請客第一次步入太平館，被佢既超巨大梳乎厘吸引！今日心血來潮再次向呢度共進晚餐，呢間餐廳擁有過百年歷史，但依然屹立不倒，自有佢既原因，好老實講食物其實不過不失，好多新餐廳無論向環境裝修、食物質素、性價比都比呢到好，但太平館往往比人一種懷舊既感覺，小編無特別去搜尋佢哋既歷史，但相信想當年向香港會係一間「高級餐廳」，直到現今佢地都依然保留佢地既特色由接聽電話果一位侍應開始，都流露出年代感，係一位上左年紀既嬸嬸接聽，到食飯既時候，所有侍應都著住整齊既西服，官仔骨骨咁既款，相信佢地向呢度工作左有超過十年以上今日小編2個人叫左5樣佢地既特色菜式，埋單$765，總括黎講，黎太平館食既係一份情懷，值得推薦既一間餐廳

環境好懷舊，係香港老店，令人感覺溫暖舒適。我更喜歡侍應的服務，全部都係有經歷的，有種親切感。太平館瑞士雞翼 $95/4隻 比起牛河個瑞士汁，雞翼的瑞士汁甜少少，個人覺得更加正，唔會好甜，個雞皮好入味，上色靚，但雞翼肉唔算好入味，而且肉質唔夠嫩滑，係個種老港式的鹵雞翼咁，個讚係俾個汁嘅。太平館瑞士汁炒牛河 $128個牛河超讚，牛肉極嫩滑軟腍，口感好又入味，用同樣的瑞士汁炒河唔會好甜，也不太油，食完唔會膩，炒河唔算好爽，但已經做得好，唔會炒到爛哂，連個菜芯沾左瑞士汁都特別好味。太平館式焗梳乎厘 $148超級極大的梳乎厘，仲大過個頭，好似藍球咁大，今次食空氣都飽，梳乎厘好輕盈，充滿蛋香，口感軟綿綿好似食空氣與綿花糖咁，重點係放到我地食完，都唔會因出爐後的溫度影響而縮細，放耐左都仍然保持脹卜卜大大個。