永利威酒業有限公司

营业中

休息中

今晚，老豆加餸，買了大閘蟹！大閘蟹來自太湖，每隻約4両重，每隻盛惠糿＄60－＄70！回家洗淨紫蘇葉和蟹，然後將蟹放在葉上，蒸20分鐘就食得！唔識煮都可以做大廚！先吃公蟹。打開蟹蓋，就見到黃澄澄的蟹羔，約有2支砂糖小匙般大小，口感甘香柔軟！除了蟹蓋，蟹身也有相約份量的蟹羔！品嚐蟹羔之餘，也欣賞蟹肉，肉質鮮甜結實，每隻蟹腳也挺肥美的！再吃蟹乸。雌蟹的羔是橙紅色，質地和密度比起雄蟹的要結實得多！羔味更香濃！打個比喻，雄蟹羔似未煮熟嘅雞蛋黃，雌蟹羔似熟嘅咸蛋黃。蟹羔填滿蟹蓋兩端的「角」，名符其實的「頂角」羔！至於蟹肉，雌蟹比雄蟹鬆散一㸃，但差別不太大，味道也鮮甜。吃畢2隻大閘蟹已經十分滿足（我想2隻剛剛好，再多就會滯膩）。再嘆杯薑茶，消滯驅寒！正！

中秋剛過，又開始踏入品味大閘蟹的時節。筆者有三數好友是蟹痴，每年吃蟹不計其數，剛聽聞第一批蟹到港，已急不及代搶先試吃。今次買蟹的店家是老字號永利威，提供的大閘蟹勻是產自太湖或陽澄湖，來源可靠有保證。因這批蟹算是比較早的一批，大蟹相對數量少，蟹膏還雖多一點時間累積才夠肥美，所以集中選上中型的太湖四兩蟹。所謂九月圓臍十月尖，相信雌蟹暫時會吸引一點。 黃毛金爪青背白肚是選蟹的基本要決，當然，眼仔碌碌，蟹爪結實，也反映蟹身的鮮度熟度。粗略目視一眾大閘蟹，質素上應有一定水準，可放心選購。 以紫蘇葉蒸蟹約二十分鐘，橙黃奪目的太湖大閘蟹便隆重登場。吃蟹要趁熱，但滾熱的蟹身又是十分燙手，心情十分矛盾。在雞手鴨腳下，好不容易才揭開蟹蓋，頓時漏油蟹膏便盡現眼前。始終是首批到港的中型蟹，蟹膏份量只可算合理。味道方面，蟹膏甘香豐腴，相比雄蟹蟹膏，口感上結實一點。蟹肉方面，味道清甜富蟹香，空口吃或輕輕蘸上店家自家調較的蟹醋皆宜。 品蟹寒涼，紫蘇葉能幫其一，薑茶能幫其二，再來一杯甜美敦厚的廿年花雕酒，頓時寒意全消，唯一美中不足的是欠缺一只話梅及一隻雅緻酒具，否則味道更為完美！