Ocio (積存街) (已結業)

大圍最外圍的小街之中，有呢家OCIO，之前同朋友來過，都念念不忘，因為D野都真係好食，而且坐得都幾舒服，喜歡佢小店的氣氛，所以久唔久都會番來再食。晚餐有SET DINNER，都有各式的粉麵飯扒、漢堡等等，總有一款O岩食。而且價錢都可接受，包湯及飲料。我次次都好想食佢的包，因為好有HOME MADE既感覺，好軟又好香，唔係一般好HEA的餐包，由呢個小節已經知道食店好用心。香草鮮露荀花蜯炒扁意粉$88炒得好香，而又唔會太油，呢個粉既量都好多，同埋有黑椒味，比較開胃。奧斯芝士和牛漢堡$108，賣相好好，麵包本身好飽滿，和牛漢堡扒都好厚，肉味非常之濃。咬下去肉汁也多，中間的菜夾埋扒的香味，呢個就係漢堡的神奇、吸引、令人著迷的地方了~!西餐一定要飲咖啡，呢個泡沬咖啡是FREE的，真係令人有D難以置信，因為味道真係好好。絕對係高質咖啡~!!!朋友話要消滯，的確個奧斯芝士和牛漢堡真係幾飽，整番個熱檸水都係最O岩架LA.好滿足的晚上，每人$100左右，的確好抵。

係屋企咁多日，真係唔想再食外賣或自己煮野食，所以今天跟友人來到大圍這間西餐廳吃個午餐。星期日下午時間都很多人，需要等位!星期日這個時間也有lunch set，而且也有多款可以選擇!lunch set除了有主食，也有湯和飲品。餐湯為甘筍湯，甘筍味濃郁，質感creamy!奧斯芝士和牛漢堡，這個漢堡都幾大份，包邊焙到有點脆口，和牛漢堡非常厚身，不是全熟，所以肉質鬆軟，外層煎到有點脆口，牛肉味濃。漢堡還配有生菜、蕃茄、芝士和醬汁，感覺很fresh!而薯條是粗薯條，外脆內軟，十分惹味!OCIO全日窩夫早餐，這裡的全日早餐份量十足，包括有炒蛋、香腸、雞扒、煙三文魚、沙律、薯條、茄汁豆和窩夫。炒蛋嫩滑，份量很多。雞扒煎得香口又juicy，雞肉嫩滑。窩夫再配上蜜糖，香口又美味!另外薯條份量很多，食得很飽很滿足!茶飲點了凍檸茶，茶底夠澀身，檸檬也很夠。lunch時間來吃實在不錯，有機會想再來試試他們的甜品!

難得今日放假，同男朋友去左大圍踩單車！出發前梗係要醫下個肚先！呢間Ocio之前食過旺角嗰間嘅窩夫覺得不錯，就諗住試下佢嘅午餐！呢排仲要經OpenRice book位有九折優惠！內裡嘅環境好relax，岩哂放假嘅節奏去享受一下悠閒！Lunch set有成15種食物比你揀，超級多選擇！每個lunch set都會有是日餐湯，今日咁岩就係我鍾意飲嘅粟米湯🔥Ocio 窩夫全日早餐 $79呢個全日早餐有成八種嘢食，有窩夫、雞蛋、雞扒、煙三文魚、沙律、薯條、香腸、茄汁豆。超級抵食！！！窩夫即叫即整外脆內軟，薯條係粗身嘅薯條仲要熱騰騰，煙三文魚沙律雞扒茄汁豆都好好食！個炒蛋好滑溜而且好大份，估計有2-3隻蛋！雖然炒滑蛋就冇咩味，但係枱上提供左鹽同黑椒，加左調味之後即刻好好味🔥奧斯芝士和牛漢堡 $79芝士溶哂係個漢堡入面，和牛漢堡雖然冇得揀成數，但係好juicy！