炳記茶檔

营业中

休息中

食過好多次唔係好想食咁飽嘅話，想食平啲我就會過嚟，但一定係冬天先會去呢度食，星期一係唔開嘅！千祈唔好嚟呀豬扒同雞翼都凍嘅，因為一早整定豬扒其實食落唔知點解冇乜肉質纖維，感覺似雞扒😂但我幾鍾意食，而且我中意個黑椒汁，想飽肚少少我都揀豬扒再揀多個餸，得麵同米粉揀嘅姐，通常我就揀米粉，米粉都分好多種，呢度嘅米粉唔係好索水又唔係銀絲米粉，食落去係有少少嚡口，不過我更唔鍾意索水浸到脹哂果種米粉。餐肉煎過正常發揮，叫咸牛肉加蛋，就係撈埋嚟煎嘅蛋牛。紅腸出面比較少有，所以都會叫下嚟食。而且你叫咩都有幾條菜比你🥹個人比較推介呢度嘅多士，烘得好平均👍🏻我就唔飲奶茶又唔會叫野飲，所以價錢真係好平，唔洗等下午茶又唔洗迫自己飲野。留意返，3點last order,要食都唔好太遲呀！

約咗朋友一齊食，就由荃灣嚟到大坑呢度。見到排晒長龍，排到我嘅時候，有個阿叔行埋嚟，問我哋食咩，但係其實我連餐牌都未睇，佢又冇俾我，個餐牌又要喺入面。🙄🙄。而且佢嘅每人最低消費都要$20 ，我不如自己整。🤥😑個阿叔又好唔耐煩啦，就喺度吹💨💨，又揼晒腳咁樣。之後就快快咁嗌左一杯凍奶茶同埋一個油多同奶油多。首先佢就俾咗杯就寫嘅凍奶茶 🧋，「揼」！一聲，好驚佢倒瀉係我身上面。之後過咗陣就嚟咗嗰兩個多士。

又再一次黎炳記食早餐，今日好好彩，即刻有位，平時要等好耐！！炳記已經食過無數次，次次都會指定叫蛋牛豬扒麵，今次食雞翼蛋麵雞翼霖夠味，凍奶茶茶味夠，好有茶檔feel,奶油多士必食，實在太好食，麵包烘到好鬆脆，加埋牛油奶太正@大家去前記得上ig 睇有無開門

唔知由幾時開始每逢星期六都要去一去呢個老地方其實大排檔都已經買少見少㗎啦 ，係因為大坑比我嘅感覺太正 而大排檔又別有一翻風味 ，價錢又相宜又有人情味 ，所以特別鍾意去。雖然無可避免一定要排隊 ，不過都無阻我哋去嘅意欲 ，每逢星期六上晝去完之後先開始一日嘅活動。的而且確佢嘅奶茶真係同出邊飲嘅好唔同 茶香奶滑 茶水部姐姐應記一功。另外豬扒同滷水雞翼都係鎮店之寶 不過我自己呢就反而欣賞雞翼多少少 可能因為次次食豬扒面嘅黑椒汁浸左落湯度就冇晒 ，所以如果鍾意食豬扒嘅可以選擇食豬扒烘 ，咁啲黑椒汁就可以保留響個包入面啦而出面茶記食開嘅火腿 、餐肉 、紅腸 、腸仔、炒蛋等等當然唔少得啦！我最鍾意嘅呢就係食佢嘅奶油多喇 真係百吃不厭 唔知點解屋企係整唔到架呢 除咗奶油重可以叫奶Jam 、Jam 醬、等等 ⋯總有一款啱你口味 普通麵包之外仲可以選擇麥包 簡簡單單一碗麵一件多士兩人share就飽晒啦埋單都係幾十蚊另外要讚一讚佢個面又唔會過淋 其實要多得老細同所有員工你地日日做到冇停手 ，所以有陣時大家燥底左都在所難免嘅🤪佢哋其實全部嘅記性都非常好。而家秋高氣爽佢哋就舒服d ，但係大熱天時嘅日子佢地仍然

星期二的下午剛好在附近工作 順路過來試試馳名的豬扒 幸好午餐時間不用排隊就有位了秋涼的天氣坐在露天茶檔吹吹風很舒服 如果夏天應該已經汗流浹背了難得來到當然要試試馳名的豬扒 送上枱時豬扒沾滿醬汁的顏色好吸引 不過吃下去有點嚡口和乾身 沒想像中那麼好吃; 另外配上米粉的湯底也偏淡 沒甚麼味道 可能配麵加上麻油會比較好; 反而雞蛋煎得剛剛好 微脆的蛋邊 裡面充滿蛋汁 為整碗米粉加了不少分數飲品點了熱奶茶 ($16) 茶比較苦澀 不太香滑 和友人再點了一客邪惡的奶油多 厚厚的奶油多烘得外脆內軟 一口咬落去甚有驚喜 和友人都好喜歡總括而言 非繁忙時間經過附近可以一試的

這個週日我下了決心要去一嚐大坑的炳記，只因好幾趟駕車來到大坑， 不是找不到車位，就是炳記排著超長的人龍。炳記是港島區其中一個著名的鐵皮屋排檔，歷史悠久，是個本土飲食歷程的活文化見證。尤其大排檔文化近年被傳媒一次又一次報道，因為大家都害怕數年後，連現在碩果僅存的二十八個大排檔都會「煙消雲散」。幸好，政府凍結大排檔牌照三十多年後，近年終於決定解凍，牌照可由子女承繼，令這個本土飲食文化得以流傳。原來鐵皮檔髹上的翡翠綠色，雖然不是人見人愛，當年以此顏色作為主色，只因易於記認，又襟污糟，染上油煙也看不出。清一色的原因是當年市政局為了易於規管，對檔口外形有劃一規定的原故。星期天的大坑近年成了一個覓食熱門地點，大大小小的車輛在窄小的街上轉來轉去，為的只是找上一個車位。幸好這天很快先找到車位，繼而炳記的人龍不算太長。我們約約等了十來分鐘，可是等位的時候看著身旁的枱上的食物，只好把垂涎的口水吞回肚裡去 店員很有秩序的安排客人就座，我們最後坐到巷裡的位置，正好對著劃上了以茶檔為主題的有趣漫畫。檔裡提供的食物項目清楚列明貼在牆壁上，名物是豬扒及多士。貪心的我點了個【豬扒併紅腸麵】($30)，掌門人則叫

見各位食家俾炳記咁多笑臉，難得去到大坑當然要一試！先嚟個奶油多，香脆多奶再嚟馳名豬扒麵～唔係我叫ge，不過我食咗幾舊，整得好稔好入味！難怪咁出名！我ge雞翼蛋米！我見坐我對面ge食客隻蛋係金黃色的，是炒蛋嗎？那個吸引好多....雞翼都煮得好入口，但我最憎雞翼斷骨，我果隻就出現呢個問題了...正常茶餐廳水準~

書時有兩位同學都住大坑，佢地兩個成日異口同聲話大坑間炳記啲野好食，但我自己一直未去過炳記食野，咁岩嗰日要去中央圖書館. 咁我就同理個同學仔一齊去左大坑搵炳記. 哈哈, 可能眼大睇過龍啦, 明明去岩條街, 但又搵唔到炳記. 咁我見到間菜檔, 老細指住炳記話:"哈哈!! 咁大間炳記你都見唔到?" 一去到炳記門口, 就冇諗過原本炳記係咁既形式既鋪. 原本炳記唔係鋪, 係檔黎. 好似蘭芳園O個種Feel. 勁得意.....一去到炳記門口就有一個呀姐示指我同理個朋友去邊度坐. 可能佢地唔知我地2個係第1次黎, 因為一坐黎, 就有個男人拎住塊紙皮同marker, 諗住幫我地寫野. 咁又見唔到張檯有menu, 之後望望下原來有張大menu 貼左o係炳記既中間, 所以我都要行過去睇食咩.最後, 我就同朋友一齊叫左2碗豬扒雞翼面同理奶油多. 原來d 豬扒雞翼同理d 面係分開上. 唔洗整到我d 豬扒雞翼淋曬! 碗豬扒面有好多生菜, d 生菜都好好味, 好爽呀. d 雞翼同豬扒有好濃既黑椒味, 好"yeah"味呀.個湯底清清地, 但又有味道, 唔識講o個湯底係咩味...唔似出前一丁, 又唔係福面味. (總知