周記點心

营业中

休息中

去完HKU做嘢，順路行落西營盤搵食。周記門口都排多幾個人。決定排埋一份，會一會依個邪惡奶皇流沙西多士😍店面不大，十個有八個都食緊流沙西多士。除咗西多士，仲有其他點心。最後叫咗4樣。奶皇流沙西多士 ($30)XO醬炒腸粉 ($36)芝麻蝦多士 ($38)鴛鴦燒賣(黑松露&蟹籽) ($26)😋奶皇流沙西多士 ($30)色香味齊晒，夠晒邪惡。切開嗰下啲奶皇流晒出嚟，好誘人。好香蛋黃味，不過略為甜咗少少，同埋個流沙略為稀咗少少，如果杰少少，沾埋個包就perfect. XO醬炒腸粉 ($36)好惹味，雖然係炒腸粉，但係唔會油膩。芝麻蝦多士 ($38)多士中間夾住滿滿的蝦肉，好飽滿，咬落有點彈牙。多士沾滿芝麻，好香，好滋味，令人食唔停口。依個好有驚喜。鴛鴦燒賣(黑松露&蟹籽) ($26)一口一件剛剛好。燒賣好足料。反而芝麻蝦多士有驚喜，其他就不過不失。

天氣太熱、由於驚去到間餐廳要排好耐隊，係平日下晝兩點半去～果然係唔洗排隊既！不過間舖陸陸續續都有人出出入入，生意keep住做首先食既係奶皇流沙西多士流心奶皇無想像中多，不過奶皇整得好香，入面有細細粒既蛋黃，令到個成個味道好平衡唔會太漏之後到蝦多士呢個蝦多士簡直係surprise～d蝦肉餡好香，配上出面煎得好香既芝麻正！多士邊鬆鬆脆脆，一定要食建議3-4人一齊去，因為一份多士雖然唔大，但都幾漏，多d人去可以嗌多啲其他野食！小編下次去要試個鴛鴦燒賣

周記雖然早於20年前就在香港仔開了點心茶餐廳，以懷舊作賣點，但食客一直都多是附近的老街坊，但自從上年在西環開業，在菜式和裝潢加入了新派元素，當中的流沙西多更是成名之作，當時FB牆上都被金黃色的流沙西多洗板，亦幫周記吸納了很多區外和年輕的食客。而我也是當時被FB牆上的黃金海吸引而來，食過翻尋味，今次適逢星仔的家人來港，就大伙兒光顧好多試幾款美食。＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊周記就位於西營盤和香港大學港鐵站之間的水街，距離兩個港鐵站都要約十分鐘步程，不過如果在香港大學站出會比較方便，因為沿著皇后大道西一直走便是，少過幾條馬路。上次到周記是星期日的中午，店外大堆等枱的食客，最後要待上半小時才可入座，今次雖然同為星期日，但由於一來時間尚早，二來又天氣寒冷加上毛毛細雨，所以即使店內已座無虛席，但起碼店外已沒有人輪候，所以只消等約5分鐘即能入座。作為一間點心店，周記雖然只有三十多款選擇，不算多，但當中有不少創意點心，如芝麻蝦多士、流沙西多士、鴛鴦燒賣、黑松露湯餃等等。價錢由$10至$26不等，屬合理水平。 芝麻蝦多士($26)蝦多士一碟有四件，每件為三角形，四件合

剛嘆完翁記，轉兩個彎又到嚟到朋友們指定嘅＂周記㸃心＂下午茶。雖然要等一段時間，但絕對不負所望，又可以有時間落一落格今日重點試咗芝麻蝦多士，炸多士滿滿的芝麻表面十分香脆，裏面夾著彈牙嘅蝦肉，唔油膩口感一流。再嚟奶黃流沙西多士，一上枱見到金黃色，香噴噴已經好想試～切開後奶黃湧住出嚟，食落麵包鬆軟，奶黃味好香又唔太甜！簡直滿足了視覺，嗅覺和味覺嘅享受！從美味嘅小食當中完全感覺到這小店嘅心思

位於西環既周記點心茶餐廳自從比新假期介紹完之後就客似雲來，星期日已經一早去，但係都係仲要等位…仲要等成幾廿張枱…費時等啦所以我地買左外賣係門口食。上網見佢個奶皇流沙西多士好出名，岩晒啦就叫左呢個!睇樣就好似無乜特別，西多士樣咁。點知一界開之後D奶皇流晒出黎，仲聞到好香既奶皇味!!!!! 雖然係炸左既麵包，但佢仲保留住一陣麵包香味!熱騰騰既西多士，裡面流出金黃的奶皇，實在太好味喇！好多人可能怕奶皇甜，但係我就覺得呢個西多士絕對無呢個問題，一D都唔甜，又唔係好油膩，女仔食完應該都可以食多一份!下次有機會再試埋其他味先!

一條上下貫通、糾斜的行人路上，以梯級劃分為三小段，每一段均安裝了長椅子。使我聯想到老伯和婆婆坐下乘涼的畫面；又或是初中生放學後聚集在一起喧鬧的情景。若然在剛過的星期天路經此處的話，您會看到一男一女在長椅開餐。揭開發泡膠盒蓋，誘人蝦香隨即散發，說不定您是那刻被分心的某一位過路人！芝麻蝦多士，一客四件，表層鋪滿了白芝麻，兩邊露出了粉紅飽滿的小蝦。一咬鬆香甘脆的麵包，溢出濃濃的芝麻香氣；繼而咀嚼到嫩滑如河蝦仁的蝦餡，蝦味出奇地突出，相較其他的蝦多士，層次既分明，口感又較多元化！吃第二件也不感膩意，可嘗試沾上沙律醬同吃的效果，但似乎沙律醬未能搶去芝麻蝦多士絲毫的風頭。嚐畢鹹點，隨後而來是甜的奶黃流沙西多士，當天還備有綠茶紅豆作餡的西多士！輕輕在表層一切，馬上滲出橙黃如流沙的奶黃。一邊切，澎湃的奶黃不斷流出，盡顯流沙的美妙境界！對不太好甜的我，甜度可以接受，奶黃也來得香濃，最妙的是在西多內找到了鹹蛋黃，證明真材實料，絕不欺場！在長椅坐了好一會，那裡有著小社區的寧靜和閒逸。三張長椅中，果然坐有一對老人，還包括一位外藉女士和一名在抽煙的年青人！原來昔日為方便附近一帶的居民，這三張長椅是固定菜檔的所在