大榮華酒樓

早幾日男友話想飲茶，而我又bookmark左呢間老字號好一陣子，一於去試吓～禮拜六12點去到兩個人等咗20分鐘左右先有位～我哋叫咗三樣嘢發覺全部都係飽肚野😂 所以諗住唔夠先再加～❤️雞蛋煎年糕💰2️⃣9️⃣我地突然好想食年糕😅雖然我地都prefer無雞蛋，但無呢個選擇🙈年糕口感煙韌，甜度適中，非常唔錯👍⭐️奶皇馬拉糕 💰2️⃣9️⃣聽講係招牌，但係失望🙈糕係鬆軟，但基本上只食到超級輕微既奶皇味…..只係一件超普通既糕點….(之後屋企人同我講夜晚好似係原籠一大盤蒸會好食啲🧐)⭐️避風塘炒麵 💰6️⃣2️⃣說好的避風塘呢？！😫極其量佢只係一個黑椒炒麵….完全零避風塘味….如果抱住食黑椒炒麵既心態去食佢味道正常，但如果係避風塘炒麵就完全唔掂😑整體失望….可能夜晚圍村菜先係佢地招牌😶有機會搵晚都會再黎試下既～…Read More

第一次嚟元朗總店幫襯，下午茶時間，下午一點九去等位，排第四個，等左十分鐘就入坐。點左八樣食物，米粉賣晒，生菜唔肯定係家人畫漏左定酒樓漏單。見無菜到，我地無追。所以嚟左六碟嘢。六款食物都係好味呀。鴨腳紮：好多酒樓都無賣，時時都恨食，逢响酒樓見到有都必點蝦餃：四粒大大粒有兩粒爆開左，賣相衰D，但味道依然咁好味。沙薑雞腳：沙薑汁和雞腳超正，食唔晒回家再蒸翻熱食，更加好味五味雞：以為係有五個味道，食到豉油味，唔錯呀。薑汁雞飽仔：熱辣辣，係中間嘅包嘅位置濕左D味道OK。奶皇馬拉糕：夠熱甜道可以，香濃幾好味。美食滿意呀，期待好快又再嚟晚飯或嘆吓其他點心…Read More

週五再因公事入咗元朗，朝早去完第一個倉後，因要等待第二個倉準備好先入得去，所以就搵咗元朗通T哥帶路去區內一家老字號「大榮華酒樓」度飲茶。門外貼紙式餐牌所示，閒日早茶、下午茶時間，所有點心一律$19。行上多級樓梯後終於抵達酒樓o既大堂，雖然早茶時段已過，但擠得密麻麻o既散座仍坐滿食客，真係好旺。等位o既時間細佬就走咗去周圍八吓；喺牆上先見到車胎人連續七年推介o既銀碟奬賞。暗角位則掛出香港名食家韜哥o既相片及卡通畫像，細問下先知原來佢就係酒樓o既大老闆，失覺哂！午市茶錢每位$8、小點$19、中點$23、大點$27、特點$31、頂點$37，另收加一服務費。除咗有點心飯麵之外，餐店前方仲設有個大排檔區，食客可以直接點選燒味、餃子、油菜等食品。咖哩魚蛋豬皮：豬皮過腍，魚蛋尚算彈牙，兩者均唔夠入味，不吃也吧！陳皮牛肉飯（$35）：盅頭飯面o既菜心偏老難咬，陳皮牛肉同白飯底雖然都幾乾吓，幸好點上甜豉油食都補救得到，總算勉強合格。芝士蝦春卷（$27）：金黃色o既春卷層炸皮又薄又脆，芝士蝦餡爽脆美味，係咁多味點心中最正o既一款。切肉燒賣皇（$27）：燒賣大隻就夠大隻，不過其外觀好似被漂白過咁，個人覺得不甚討好，食落亦略欠調味。雞絲滑粉卷（$27）：粉卷皮層又嚡又乾，雞絲餡心同燒賣一樣欠缺味道。榮華腊腸卷（$31）：腊腸卷一客兩條，每條一開二都只可以分俾四個人食，一向唔多食腊腸o既小肥當然係敬老地自己舉手唔食啦！聽見各人都大讚腊腸卷鬆軟香濃，估計應該都唔會差得去邊。蒜茸蒸鮮魷（$27）：熱辣辣o既鮮魷白滑爽脆，蒜香惹味濃郁，唔錯。白灼芥蘭（$23）：芥蘭粗壯翠綠，脆口帶甜。蠔油薑蔥辦麵（$50）：辦麵濕潤帶爽，簡單以蠔油薑蔥煮製已夠香口，不過$50一碟就好似貴咗少少！水餃湯米線（$27）：水餃皮薄餡爽脆，無奈米線唔係細佬杯茶。奶皇馬拉糕（$23）：微甜o既馬拉糕好鬆，但因中間夾入咗奶皇，食落似係蛋糕多啲；XO仔始終鍾情傳統o既馬拉糕多啲。韜哥開設o既元朗老字號「大榮華酒樓」格局同一般酒樓無異，服務不過不失，午飯時間又嘈又迫，食物質素較為參差，基於價格唔算便宜，又冇套餐或特價點心可選，如果細佬要再入元朗飲茶，相信會情願另覓食肆。…Read More

傳統中式圍村菜一向不是我杯茶. 成班friends山長水遠入元朗, 大家都想食D地道食物. 第一時間諗起大榮華. 雖然九龍灣有分店, 始終都係想試總店, 食一定要去老字號!6PM到大榮華, 等大約30分鐘入座. 我地十分buy time, 在等位時已search下有乜推介點定餸! 主菜大部份$80一碟, 價錢簡單清楚寫明, 不錯!5人叫了7餸+豬油撈飯. 以招牌菜為主.奶皇馬拉糕 - 一籠有八件. 新鮮蒸起, 很熱很香很鬆軟! 平時食的馬拉糕中間沒有料.這馬拉糕中間夾著奶皇, 幾好味! 奶皇比較淡, 可以再甜點會更好味.圍頭五味雞 - 同其他食家意見一致, 外表和味道基本上同豉油雞一樣. 食唔到'五味'. 應該係雪雞沒有雞味, 加上上菜時又唔熱, 沒有驚喜.註: 我地最後打包了半碟, 不是因為好味, 只是不想浪費.金沙蟹粉扖西蘭花 - 大路野, 不過不失. 可以多點蛋皇同蟹粉.雞蛋焗魚腸 - 新鮮蒸起, 外面焗得很香脆, 很多魚腸, 朋友十分欣賞. 我只食左一小口, 魚腸不是我杯茶.鳳凰蟹肉炒長遠 - 炒長遠即是炒粉絲. 炒得都乾身, 有蛋, 韭菜, 粉絲, 很少蟹肉. 講真很普通, 沒有驚喜, 談不上招牌菜.陳皮豆豉蝦- 很香很濃陳皮豆豉味! 蝦是基圍蝦size, 不是很大隻但新鮮. D蝦都好入味, 份量很多, 不錯.南乳香脆骨- 很濃南乳味, 排骨幾腍入味. 都係個句, 大路野, 一般酒樓貨色.豬油撈飯 - 名菜一定要食. 份量是一人前. 上菜時有支頭抽同豬油, 用來撈白飯. 大家都唔想食咁肥, 所以我地跟指示只落半匙豬油+1匙頭抽. 唔知係咪唔夠熱, D飯都幾硬, 有一陣臘鴨味, 真係唔識欣賞, 我只係食左一啖, 已經唔想再食.其實這裡服務不錯, 飯後有免費紅豆沙, 價錢實惠. 但菜色十分普通又油又肥, 很多酒樓做得比較出色. 下次入元朗可以食其他好味有特色的餐廳.…Read More

對上一次食已經係三四年前, 今日咁岩黎到, 就決定再食, 因為真係好鍾意豬油撈飯 ~得三個人, 唔可以叫太多味我們盡量叫番招牌菜~鳳凰蟹肉炒長遠本身我唔知咩係長遠, 個待應話我知係炒粉絲咁就試下啦不過我覺得好一般, 好淡, 好似好普通咁…唔…我唔會再叫~第二味就係南乳燒雞(半隻), 本身想試五味雞, 但得一隻, 我估一定食唔曬, 唯有試呢個~D皮好脆~ 幾好味~但三個人食都係有D溜~通菜鮮魷~好好食, 無論菜定鮮魷都正, 下次值得再叫~!之後當然到我至愛, 豬油撈飯, 但因為知有個炒粉絲, 就只係叫左一個大家SHARE食, UM~~~好好味^V^比起鳳凰蟹肉炒長遠~我寧願食2碗豬油撈飯~ (當然咁就會好肥 )然後上甜品~~~奶皇馬拉糕~好鬆軟, 正! 3個人食曬8件都唔算溜, 因為真係好味 同埋我地仲叫左天地1號蘋果醋飲好飲^^ 較少係HK 酒樓有得叫, 次次都係大陸必飲不過好似大陸既再好飲D~食到咁上下, 待應過黎同我地講話有糖水送Nice~~~~紅豆沙同八寶….啊, 我唔係好記得另一個叫咩…我就係要左紅豆沙, 都幾好味, 至少唔會太淡.每人一百三十蚊, 不過不失~正正常常Good~!…Read More

好日都唔去一次元朗，難得去到大榮華，竟然壞冷氣成層封左？！！被安排到上二樓尾房坐，該層約有十多間房，其餘差不多全都是榮華集團的辦公室，環境全無酒樓氣氛:(週末沒有下午茶優惠，小點至大點$15-$18元不等來大榮華還是吃圍村菜好了，點心？免問！…Read More

印象中, 對上一次幫襯元朗大榮華酒樓係小學四年班... 即係幾多年? 哈哈... 秘密!!!到底大榮華酒樓在此鋪位屹立了多少年呢? 連長輩也答不出來!!! 上網搜集資料... 1975年於元朗安寧路開設大榮華酒樓, 即是... 37年!!! 嘩!!! 利害!!!出發前致電家住元朗的朋友, 了解一下等位的情況... 朋友說很難搵位, 經常也很多人, 只會跟熟客去, 因為酒樓有位會先給熟客... 聽後有點擔心... 到達後, 原來是派籌的, 要等十數張枱... 最後等了半小時便有位了!!! 但是一定要搭枱!!! 酒樓內環境頗光潔, 與小四的記憶完全兩樣...在點心紙「奶皇馬拉糕」上方畫了箭嘴, 寫道"要中間", 勤快有禮的服務員跟我說"要中間"3個字下單時入不到電腦, 還建議我到大排檔自取... 大排檔?!! 戰戰兢兢地走到入口旁邊, 收銀櫃再向前行... 不明白為何自己會向那個方向行, 但是真的找到了... 拿回座位後, 服務員又再奉上, 也是中間位置的, 明明已在點心紙上取消了的... 奶皇馬拉糕 (中) -- 三層高的馬拉糕, 每層之間夾著薄薄的奶皇, 頂層與中層有很多氣孔, 發酵得好, 非常鬆軟, 奶皇味道略淡... 底部有點濕... 豉汁蒸鳳爪 (中) -- 豉汁味道濃郁, 鳳爪入味得來很爽口, 比坊間的出色得多...豉汁蒸排骨 (中) -- 份量十足, 豉汁味道濃淡適中, 排骨軟腍, 肉味重, 好味... 蒜蓉蒸鮮魷 (大) -- 蒜蓉超級多, 蒜味超級強勁, 強勁程度是第一口有點招架不住... 魷魚非常鮮味彈牙, 大大片的, 很好吃, 做的很出色!!!點了榮華腊味煲仔飯接近1小時仍未奉上, 向服務員問個究竟, 她說一早便售罄, 一般會在出爐後半小時內售罄... 最後我們隨便點多一個點心... 紫薯沙水晶包 (小) -- 好像沒有人推介過, 但超級好味!!! 很有驚喜!!! 用澄麵和生粉搓成粉糰的水晶皮超薄, 包著的紫薯沙顏色很吸引, 而且這樣巨型的水晶包實在前所未見...咬了一口, 看, 皮居然如此透薄... 紫薯沙更是填滿了整個水晶包, 紫芯番薯的香味濃郁, 清甜味百分百天然, 若不是比原個紫薯幼滑, 合上眼睛真的分不出是紫薯沙, 還以為是原個紫薯... 剛到來搭枱的女士一看到這個紫薯沙水晶包, 都不禁問我"是否甜的? 好不好吃?"... 我用閃閃眼睛猛點頭說"好味", 哈哈, 她點了的點心還未到已經心癢難耐說要點這個紫薯沙水晶包, 連與她一起前來的男士也好奇地探頭一看究竟... 我們離開時這位女士還主動和我說Bye Bye... 這就是老店的魔力, 完全不相識的人, 都可以消除隔膜, 傾談起來, 香港人, 就是需要增加多點人情味...與我們一同入座, 搭枱的嫲孫更是溫情洋溢, 令人羨慕不已, 事緣同枱少年與嫲嫲爭著找數, 最後還是嫲嫲勝出, 場面一度Sweet爆... 樹欲靜而風不息, 子欲養而親不在... 希望少年可以保持這份孝心一直落去...雖然要搭枱, 但大家都很有修養, 很自律, 不會滋擾到同枱有緣人, 這一頓午餐吃得很自在, 這一點是有點始料不及...每次去親大榮華(九龍灣 & 灣仔)都會遇到食神滔滔, 不過今日就見唔到, 有點失落, 我可是滔滔的"粉絲"哦...冷氣有點不足, 比較焗...連續3年獲選米豬蓮精選食肆, 必定有它的原因... 點心份量十足, 食物質數味道皆好, 價錢便宜, 服務不差, 環境比蓮香樓衛生, 若然你也想感受一下老店那一份情懷, 我強烈推介你來元朗大榮華!!!.…Read More

2月4日, 是日元朗天水圍一日遊行程亮點之一, 絕對係一行十人拖行馬嚟搵滔滔食大榮華! 呢度係無得訂位嘅~ 我地又咁多人, 所以未夠6點就剷上去霸位喇! 哈~ 又好彩喎, 睇其他食評話5點幾已經要等位, 我地又唔洗等即刻有枱!::: 拖地叉燒 ::: $68何解叫拖地叉燒呢, 難度因為賣相似地拖? 不過我地就自己解讀成因為太多汁滴到一地都係所以食親呢個叉燒都要拖地而命名. 而呢個解釋與事實亦相乎~ 叉燒蜜汁豐膩, 肉質偏肥, 所以油同肥糕都頗多~ 不過無可否認係好軟好嫩好入味嘅.::: 家鄉蒸蠔缽 ::: $68比個名吸引咗~用缽仔作盛器, 蠔仔加蛋加蔥粒一齊蒸, 個賣相又真係幾特別的! 不過味道就一般, 蛋味比較淡, 蠔味亦唔重, 蔥粒又唔係太香… 普通普通.::: 鄉村南乳煎米鴨 ::: $68鴨皮唔夠脆, 同埋有d肥… 不過鴨肉就幾瘦, 都燒得幾嫩, 南乳味都幾香~ ok 啦!::: 麵醬豆卜蒸肉根 ::: $68典型圍頭菜, 無咩賣相可言~ 肉眼根肉質偏實, 但豬肉味都幾濃! 豆卜本身無乜味, 不過索咗d肉味同麵醬味道又唔錯~::: 瑤柱扒豆苗 ::: $68不論瑤柱同豆苗份量都相當多, 瑤柱絲有粗有幼睇得出師傅手工不俱小節… 不過因為瑤柱落得慷慨, 豆苗又夠嫩~ 正!::: 金沙蟹粉扒西蘭花 ::: $68金沙蟹粉獻雖然都係好多但味道都有d偏淡, 唔多覺有鹹蛋黃沙沙嘅口感, 蟹粉味亦唔多. 西蘭花又切得太大棵… 唔夠豆苗正.::: 陳皮豆豉蝦 ::: $68陳皮豆豉蝦用嘅蝦唔算太大隻, 不過蝦殼又充滿豆豉香~ 都係有風味嘅一味菜.::: 大馬站豆腐煲 ::: $68簡簡單單一個煲仔菜, 其實類似豆腐火腩~ 豆腐外皮仲保留少少微脆, 大大舊夠咬口~ 好好味!::: 豬油撈飯 ::: $9@嚟大榮華潮聖又點少得滔滔最愛嘅頭抽豬油撈飯! 飯以砵仔蒸熟已經好有風味~ 加上豬油同豉油, 豬油係似燒豬或者炸豬皮滴出嚟嗰d油, 而唔係細個喺屋企擺一兜兜嗰隻白色膏狀豬油… 雖然係唔健康但就真係好好味! 記得細個久唔久都會食下豬油豉油撈飯, 而家大個咗講究健康咗仲邊會擺d豬油喺屋企丫~ 所以今次都喚起咗我d童年回憶~::: 奶皇馬拉糕::: $68大榮華另一必試招牌菜~ 好大個! 一定要夠多人先好叫~ 馬拉糕十分鬆軟, 奶皇味都幾重, 但甜度適中, 算係唔錯~ 不過我個人都係鐘意深啡色嗰隻古法馬拉糕!::: 壽包 ::: 因為有朋友生日, 所以亦order咗一打壽包同佢賀壽~ 壽包個賣相其實唔多靚仔, 但包皮軟熟, 蓮蓉餡料香甜不膩, 幾ok~::: 糖水 ::: 奉送食完咁多甜品仲有糖水送! 仲係好大方地有紅豆沙同甜豆粥兩款任君選擇~ 仲要碗碗都係勁滿! 試咗紅豆沙, 夠沙, 紅豆唔大但粉腍, 甜度適中~ 好味!終於一試滔滔嘅大榮華~ 雖然菜式賣相唔係好講究, 但係菜式選擇多, 當中不乏特式菜~ 碟碟份量重手足料, 價錢又抵~ 仲要讚下佢地嘅服務態度! 我地去雖然嗰晚雖然早入座, 但因為要等齊人先開飯所以好無公德地足足坐咗成兩粒鐘先落order… 門口等位人客超多, 但侍應們都無比過壓力我地, 到落單時又會就菜式或份量比下意見, 真係為圍村人爭光呀!…Read More

位於元朗一間著名的舊式茶樓口碑很好深受各方面好評這天來了下午茶價錢算抵:)下午茶大中小點一律$11這個是推介的雖然黃色的馬拉糕不是我喜歡的那種但這個有很香奶皇味道卻是我喜歡的:)唯不夠熱早知要下面果層啦....絕讚軟綿綿既透明皮包著滑滑溜既香奶皇極品好吃大大件彈牙的粉果透明皮裡面有一絲絲蘿蔔絲,蝦米,瑤柱好少地方有得吃這個涵料唔油又夠香較大件入味又夠熱另外符有沙薑醬自由點…Read More

第三次食大榮華,今次是時候要跟大家分享下.等位方面,今次比我之前嚟的好好多,由於平日的關係人流唔系好多,我跟友人一入到去就有位,勁開心. 回想起之前兩次去食,加上是星期六日,要等位:( 三次都會食的家鄉焗煎醸鯪魚,每次食果陣,都覺得它巧奪天工.仲有豬油撈飯,每次嚟,除左必叫之外,仲覺得好玩,因為無諗過食一個飯要左撈右撈XD仲有雞蛋焗魚腸，每次嚟系必叫，不過上次嚟系因為太多人，加上8點幾先叫菜，而且呢味菜賣完，最後食唔到.今次食到,正如食評所寫,依然保持水準.另外仲叫左渣特飲,$20一大支,幾底飲.不過鮑汁扒茹覓菜就差D,D菇有一股怪味,加上覓菜一般,下次唔會叫.今次可惜的是未能跟友人分享奶皇馬拉糕. 第二次嚟食果陣就知佢好野,中間果層奶皇好香,加上系熱食.好甜,好暖. 不過當時太飽,加上想帶友人到元朗嘗試其他元朗小吃,最後都系不了了之,如果友人下次再嚟的話,一定會同佢ORDER奶皇馬拉糕,仲有其他小菜,HAHA~…Read More

剛過去的星期二是爸爸正日生日, 一家人相約到大榮華酒樓慶祝, 為免去到要等, 所以先行訂位。 7:00pm去到, 約七至八成滿, 比想像中少人呢! 或許是平日的關係吧! 點菜全由家人作主, 菜單是每月轉款的, 大多數都是$52。 波士頓龍蝦(芝士焗) $160: 另加伊麵底$20, 約一斤四兩重, 落單後會拿過來給你過目。 見到價錢都會擔心質素問題, 因為少見如此便宜。 一上檯果然有驚喜, 有咁上下件頭, 很厚肉, 鮮甜爽彈:), 但就不太覺有芝士味, 伊麵沾汁吃還不錯, 不會過稔。 麵醬蒸寶石魚 $5x: 見侍應如此落力推介, 一試無妨啦! 別說未吃過, 連見也未見過。 魚已分開兩邊, 已去掉幼骨, 肉質爽身, 一片片的, 嚐過後才發現用麵醬蒸魚效果甚佳。 瑤柱扒豆苗 $52: 每頓飯都要點些蔬菜來平衡一下。 豆苗炒得不會過老, 少許油膩。 乳香酥炸生蠔 $52: 數過有十隻, 當然不會是珍寶蠔般大, 鮮味欠奉, 而且幾厚粉:(, 炸得過火一點。 乳豬拼海蜇 $52: 我只嚐過海蜇, 由小到大都愛稱它為「橡筋」。 很煙韌, 彈彈下, 少許辣味。 圍頭五味雞 $52: 事前心裡暗測必定會叫, 果如我所料。 用上瓷碗盛著, 雞肉算幾嫩滑, 以豉油味最為突出, 甜甜的。 雞蛋焗魚腸 $52: 不好魚腸的小妹又只得個看字了, 加胡椒粉後應該會好味一點。 砵仔飯 $9x3: 會連樽裝的豬油和頭抽一起上, 白飯粒粒分明,乾爽, 小妹與豬油無緣, 但見家人都吃得津津有味, 一人幹掉一砵也面不改容。 凍柑桔 $20: 聽說味道都可以。 白蓮蓉桃子 $52/1打: 即是壽包, 細細隻夠的骰, 包身不算太鬆軟, 有點實, 反觀蓮蓉餡十分出色, 清甜而沒有漏的感覺, 質感幼滑得像醬一樣。 奶皇馬拉糕 $52/8件: 到尾聲時大家都已食得十分飽, 本來只點了壽包這道甜品, 但小妹還是堅持要馬拉糕, 說到尾都要為它而來嘛! 實在不忍不心不叫。原籠上, 揭開蒸籠時熱氣和香氣同時散出來, 糕身鬆軟富彈性, 成蜂巢狀, 奶皇味甜而不膩, 份量剛好, 輕而易舉又征服了兩件:)。 麥米粥: 有眉豆、麥米、芋頭, 好像吃到薑味? 純粹出於好奇而叫的。 紅豆沙: 糖份極高, 淺嚐一口後決定放棄。 對於這晚的服務算很滿意, 侍應夠醒目, 會主動換碟, 殷勤有禮, 會主動提議菜式和煮法卻不會hardsell, 到將吃剩的東西包走也會多給一個盒。 這頓飯約$778, 真的飽到要捧著肚子走。雖然並非每道菜都合我吃, 但最重要的還是看見家人如此盡慶滿意, 夠窩心吧:)! …Read More

發覺自己有時真係幾懶, 明明次次食飯都有影低相, 預備食食評, 結果到宜家都只係得幾篇= =. 同埋幾乎寫親都係好食果d(除左一間, 果間真係超差, 想知邊間可以睇番我之前寫果d).上個星期日入左白泥釣魚, 不斷落雨, 結果零漁獲:(. 好彩大榮華都無令我失望~ 七點半左右去到大榮華, 是夜竟然不需等位就直接入座, 一個好開始的晚餐.總共6個人, 叫左1羮8餸+馬拉糕. 飽到差小小反肚. 未講野食, 就要先讚一讚果度d侍應, 服務非常之好, 真係我加左唔小分.講番食物,栗米魚肚羮 - 唔計阿媽整的, 呢個係我試過最正的. 如果你平時都喜歡, 必試!! 乳香酥炸鱔球 - 我怕鱔多骨,所以無試, 不過呢碟餸都俾我d朋友清晒, 應該唔差.香茜燒米鴨 - 阿姐強烈推薦, 我自己覺得, "ok la".圍頭五味雞 - 好咪, 隻雞d肉好嫩, 不過我自己就只係食到豉油味, 究竟其實有邊五味呢? 拖地叉燒 - 肥瘦適中, 不過食落好似老左小小鳳凰蟹肉炒長遠 - 又係阿姐強烈推薦, 不過食落普普通通, 唔算特別好食炸軟殼蟹 - 呢個整得好油, 唔好食, 勁唔好食 :(:(鹵水拚盤(豆腐&蛋) - 真係好入味, 所以覺得咸左少少豬油撈飯 - 第一次撈, 所以整得太咸, 我自己就唔太中意豬油味啦 奶皇馬拉糕 - 好好好好好味呀, 必食!!!!下次有機會要再係茶市時間黎一次, 食下佢d點心!…Read More

來元朗咁多次都係食壽司~今晚約埋幾個朋友仔一齊嚟大榮華食DINNER一向都愛食奶皇馬拉糕既我~今晚終於可以一嘗它了五個人叫吴以下食品' 大部份食物係 $55-60元一個餸~五味雞 ~ 真係幾好味喎, 雞肉嫩滑 幾有雞味呀~蟹肉長遠~ 超揾笨呀~ 得少少蟹肉炒粉絲, 一點也不覺好味, 仲話係出名菜之一.....金銀蛋莧菜~ 煮得太耐, 變咗色~ 味道一般啦, 沒有特別呢~梅子一字骨~ 呢個即係= 义燒骨上面淋上梅子汁, 都幾好既~ 豬油撈飯~ 我無落油, 因為怕肥呀, 只係淋上豉油, 佢吔既豉油都幾好味架~ HEHE因為好似不太飽, 所以叫咗 义燒手工飽~ (阿姐話好味喎,不是一般酒樓既义燒包皮, 係北方人既饅頭皮喎)既然阿姐推介比我吔, 我吔就信佢啦~ 試咗一籠有八隻, 果然好好味, 饀料不是濕淋淋的果種, 但我不知怎形容出來~一句講晒, 好味道~ 我食咗差不多二隻呀..... (沒有肥肉... GOOD AR)奶皇馬拉糕~ 終於出場既馬拉糕, 點解由高至低既~ 即係有些大件有些細件.... (又揾人笨???)真係好香蛋味同柔熟呀~ 第一啖食落口,好似以前細路女時食媽媽蒸既雞蛋糕咁... 好好味~ 好懷念的味道~整体係OK, 但佢最出色既嘢都係五味雞, 馬拉糕同义燒包喳~…Read More