影片
更多
2012-05-01
529 浏览
2月4日, 是日元朗天水围一日游行程亮点之一, 绝对系一行十人拖行马嚟揾滔滔食大荣华! 呢度系无得订位嘅~ 我地又咁多人, 所以未够6点就铲上去霸位喇! 哈~ 又好彩㖞, 睇其他食评话5点几已经要等位, 我地又唔洗等即刻有枱!::: 拖地叉烧 ::: $68何解叫拖地叉烧呢, 难度因为卖相似地拖? 不过我地就自己解读成因为太多汁滴到一地都系所以食亲呢个叉烧都要拖地而命名. 而呢个解释与事实亦相乎~ 叉烧蜜汁丰腻, 肉质偏肥, 所以油同肥糕都颇多~ 不过无可否认系好软好嫩好入味嘅.::: 家乡蒸蚝钵 ::: $68比个名吸引咗~用钵仔作盛器, 蚝仔加蛋加葱粒一齐蒸, 个卖相又真系几特别的! 不过味道就一般, 蛋味比较淡, 蚝味亦唔重, 葱粒又唔系太香… 普通普通.::: 乡村南乳煎米鸭 ::: $68鸭皮唔够脆, 同埋有d肥… 不过鸭肉就几瘦, 都烧得几嫩, 南乳味都几香~ ok 啦!::: 面酱豆卜蒸肉根 ::: $68典型围头菜, 无咩卖相可言~ 肉眼根肉质偏实, 但猪肉味都几浓! 豆卜本身无乜味, 不过索咗d肉味同面酱味道又唔错~::: 瑶柱扒豆苗 ::: $68不论瑶柱同豆苗份量
::: 拖地叉烧 ::: $68
何解叫拖地叉烧呢, 难度因为卖相似地拖? 不过我地就自己解读成因为太多汁滴到一地都系所以食亲呢个叉烧都要拖地而命名. 而呢个解释与事实亦相乎~ 叉烧蜜汁丰腻, 肉质偏肥, 所以油同肥糕都颇多~ 不过无可否认系好软好嫩好入味嘅.
::: 家乡蒸蚝钵 ::: $68比个名吸引咗~用钵仔作盛器, 蚝仔加蛋加葱粒一齐蒸, 个卖相又真系几特别的! 不过味道就一般, 蛋味比较淡, 蚝味亦唔重, 葱粒又唔系太香… 普通普通.
::: 乡村南乳煎米鸭 ::: $68鸭皮唔够脆, 同埋有d肥… 不过鸭肉就几瘦, 都烧得几嫩, 南乳味都几香~ ok 啦!
::: 面酱豆卜蒸肉根 ::: $68典型围头菜, 无咩卖相可言~ 肉眼根肉质偏实, 但猪肉味都几浓! 豆卜本身无乜味, 不过索咗d肉味同面酱味道又唔错~
::: 瑶柱扒豆苗 ::: $68不论瑶柱同豆苗份量都相当多, 瑶柱丝有粗有幼睇得出师傅手工不俱小节… 不过因为瑶柱落得慷慨, 豆苗又够嫩~ 正!
::: 金沙蟹粉扒西兰花 ::: $68金沙蟹粉献虽然都系好多但味道都有d偏淡, 唔多觉有咸蛋黄沙沙嘅口感, 蟹粉味亦唔多. 西兰花又切得太大棵… 唔够豆苗正.
::: 陈皮豆豉虾 ::: $68陈皮豆豉虾用嘅虾唔算太大只, 不过虾壳又充满豆豉香~ 都系有风味嘅一味菜.
::: 大马站豆腐煲 ::: $68简简单单一个煲仔菜, 其实类似豆腐火腩~ 豆腐外皮仲保留少少微脆, 大大旧够咬口~ 好好味!
::: 猪油捞饭 ::: $9@嚟大荣华潮圣又点少得滔滔最爱嘅头抽猪油捞饭! 饭以砵仔蒸熟已经好有风味~ 加上猪油同豉油, 猪油系似烧猪或者炸猪皮滴出嚟𠮶d油, 而唔系细个喺屋企摆一兜兜𠮶只白色膏状猪油… 虽然系唔健康但就真系好好味! 记得细个久唔久都会食下猪油豉油捞饭, 而家大个咗讲究健康咗仲边会摆d猪油喺屋企丫~ 所以今次都唤起咗我d童年回忆~
::: 奶皇马拉糕::: $68大荣华另一必试招牌菜~ 好大个! 一定要够多人先好叫~ 马拉糕十分松软, 奶皇味都几重, 但甜度适中, 算系唔错~ 不过我个人都系钟意深啡色𠮶只古法马拉糕!
::: 寿包 ::: 因为有朋友生日, 所以亦order咗一打寿包同佢贺寿~ 寿包个卖相其实唔多靓仔, 但包皮软熟, 莲蓉馅料香甜不腻, 几ok~
::: 糖水 ::: 奉送食完咁多甜品仲有糖水送! 仲系好大方地有红豆沙同甜豆粥两款任君选择~ 仲要碗碗都系劲满! 试咗红豆沙, 够沙, 红豆唔大但粉腍, 甜度适中~ 好味!
终于一试滔滔嘅大荣华~ 虽然菜式卖相唔系好讲究, 但系菜式选择多, 当中不乏特式菜~ 碟碟份量重手足料, 价钱又抵~ 仲要赞下佢地嘅服务态度! 我地去虽然𠮶晚虽然早入座, 但因为要等齐人先开饭所以好无公德地足足坐咗成两粒钟先落order… 门口等位人客超多, 但侍应们都无比过压力我地, 到落单时又会就菜式或份量比下意见, 真系为围村人争光呀!张贴
