瑞記咖啡

营业中

休息中

慕名而來拜訪佢既奶茶😅熟食中心既風味已經買少見少🥲 時代既巨輪之下📻 突然有種懷舊一下的心情 食完的感覺不至於失望😦但懷舊的價值比起食物更有驚喜 😃⭐️ 樽仔凍奶茶 🧋樽仔既外觀好有懷舊感🧡 奶味比較濃🥛感覺好幼滑 可惜茶膽唔夠濃☕️⭐️ 西多士 🥞多士煎得金黃色💛 香脆度岩岩好 內裡比較鬆軟 可惜蛋香不明顯 🥚⭐️ 蛋牛飽 🥪鮮烘鮮食既麵包🍞甜甜地暖暖地👍🏻 炒蛋加上蔥唔會太膩 但係鹹牛肉實在太鹹🌚

返工前想嘆個靚早餐，見都可耐無食瑞記就過嚟食個早餐先～早餐完全唔使等位，落單到有嘢食唔使十分鐘!平時嚟哩度就係想飲佢個樽仔奶茶，不過最近天氣涼咗，所以今次就決定飲熱奶茶奶茶好滑，少咗樽仔奶茶浸甜味但係都幾香濃，有另一番風味！西多士嚟到嘅時候真係好心動!我唔客氣啦！！啲煉奶簡直係精髓軟棉棉嘅西多士配上蛋香，又唔會太油!正！千祈唔好睇小依個份量，我同朋友都食唔哂！蛋牛治登場啦！！睇吓塊麵包就知烘得啱啱好！一定要趁熱食！餡料入面有鹹牛肉、蔥花同蛋,調味好到位，滿足！哩個早餐真係食到捧住個肚腩走，到lunch time都未話好肚餓！十分抵食！

之前在openrice找上環有甚麼好吃，看到有關上環瑞記咖啡的蛋牛包和奶茶很有名，環境很懷舊，於是我和朋友今天早上特意到上環熟食中心的瑞記咖啡，我點了蛋牛包和奶茶。 早上不是太多人，等了一會，老闆就把奶茶送上來了，老闆告訴我們奶茶加了糖，我喝了一口覺得甜度不會太甜，奶茶也很滑，是很清新的味道呢!之後蔥花蛋牛包也送上來了。麵包是特意烘過的，咬下去脆脆的，很好吃!至於蔥花，蛋和牛肉餡料，蛋很滑，牛肉很香，味道剛剛好，不會咸咸的，餡加了蔥十分爽口，十分好吃。每吃一口都讓我讚不絕口!有機會去上環一定會再吃

星期六同男朋友去上環探朋友, 探完要搵野食, 想起很久沒有去食瑞記~ 有D掛住~雖然瑞士的食物選擇不多, 但我覺得水準都係平均地好食GE阿姐幾Nice~ 仲讚我瘦叫我坐入面一定無問題: ) 睇咗陣餐牌就決定好我要了腸蛋麵, 腸仔唔會煎燶, 煎到好平均~ 隻蛋又煎到剛剛好~麵是出前一丁~配埋麻油味~女朋友要了餐蛋麵, 佢都話好食, 無介紹錯~奶茶有特色, 飲落仲唔錯~我另外叫了個西多士~新鮮剛煎好, 四邊煎到好脆~ 有蛋香味~ 加埋練奶又唔會太甜又好match最後上來是蛋牛飽~因為我一向麻麻地食喊牛肉, 但瑞記是出名蛋牛飽, 和男朋友介紹完, 佢就決定食它~我見份量都幾多, 好多蛋同牛肉碎, 但我食完西多士已經好飽, 所以無試食到男朋友食完飽到出唔到聲我估應該都OK好食星期六的上環因為無人返工, 所以會少人好多, 我又2點先去食, 所以完全唔使等位!

最近分別兩次去了瑞記茶餐廳，到底為何？就是因為太好食鳥~~第一次去的時候先試了客西多士。一般來說西多都是炸的，反而這份西多是煎出來的，效果竟又不俗，外層依然脆，麵包又香，配合牛油來吃，感覺還沒有炸的那麼肥膩，一口一啖，狠容易便KO了。第二次不再西多，改為簡單的奶醬多及奶茶。奶醬多較為薄身，烘得不會硬邦邦的，脆脆的加上甜甜酸酸的果醬和香甜滑溜的奶，吃完還想再吃。茶夠濃、奶夠滑，就是這杯奶茶的寫照。一份奶醬多、一杯熱奶茶，實乃下午茶之極品！已經在思索著第三次吃甚麼鳥~~

星期日梗係要食好西，慰勞下自己。唔知係咪未瞓醒遊緊暈，睇錯咗location，走咗去皇后街嘅街市熟食中心，怪唔之得一眼望曬都唔見瑞記啦 😐 去到正值下午茶時間，好彩仲有位 🤗 成間舖得兩個夥計，一個煮嘢一個執檯，做到踢曬腳咁，我哋哎極都無反應，又唔知駕步，係咪要自己走去落單喎，唯有等 ..... 開頭好嬲㗎，不過見佢落單嘅時候態度都好好，咁就算啦，都要體諒下人嘅。- 奶茶（$13）用樽仔裝嘅奶茶好呃like lor 😎 雪到凍冰冰咁，心都涼曬。凍就夠凍啦，不過我覺得茶味唔夠，奶味又好淡，搞到成樽奶茶有啲失色。- 西多士（$23）識食就千祈唔好錯過哩個西多，真係無得輸，係我食過最好味嘅西多。平時食嘅西多係炸嘅，但佢應該係蘸咗啲蛋漿再去煎嘅。西多兩邊都煎到脆卜卜，仲好有蛋香味，蘸埋啲煉奶一齊食，好滿足啊！下次我要「唔該西多多煉奶啊」 😋- 鮮牛麵（$28）鮮牛麵就係牛肉公仔麵一碗，除咗牛肉驟眼睇似瘦肉，但咬落去一啲都唔韌之外，無乜特別，可以唔試。

長年在外好友回港, 特意帶喜歡奶茶的他在出發澳門前來噗個靚早餐先上船!平日的平凡早上都坐滿客, 難怪不少食家話有排等, 而店亦人手短缺, 只好自己等有位坐底。其實阿姐都知我地剛坐低已即刻出黎幫我地執枱, 奈何一出黎已有幾枱人叫住佢, 見到佢咁忙都覺得要搵多個人幫下佢手啦!好快已決定要食咩, 奶茶一定走唔甩, 野食方面就叫一份蛋牛治一份餐蛋包奶茶的確係好值得慕名而來一試, 聽以前開茶檔既叔叔講每間茶餐廳都有自己溝出既茶葉黎沖茶, 而呢度既幼茶就有一種好特別既香味, 飲完十分懷念細個成日去叔叔度呃奶茶飲既日子, 而佢既茶檔一早已經因為貴租而做唔住了.....而前屋企都會托佢地買茶葉返屋企沖奶茶, 真係好想每日都再飲到。蛋牛治係招牌吧, 點都要試下, 加埋蔥花好香, $14好抵餐蛋包就比較普遍, 不過個包烘到脆脆地好食!可惜地點有點遠, 唔係一星期食足5日都可以! 係九龍區是但搵個地方食早餐都過$30, 呢度岩岩好$29又有咁好既奶茶飲, 十分羨慕住係附近既人囉!

還記得去年慕名而來到上環，為的就是一嚐瑞記的樽裝奶茶。小本經營的瑞記，位於上環熟食中心的右手邊盡頭，叔叔主理廚房出品，姨姨則是負責出餐的安排，上一次看著他們忙中有序的運作，食客們都靜心的等候，雖然偶有漏單也毫無怨言。這次重臨瑞記，座位明顯比上一次增多了，但排隊的客人來得更多！雖然是熟食中心，但大家也自動自覺排隊等候，不像其他店般要鬥快爭位。大概等了十數分鐘終於坐下來，忙於出餐的姨姨也很好人，先給我們喝著奶茶，待她一會過來下單~奶茶 $13來瑞記，識得飲一定飲凍奶茶，味道依然有水準，茶香奶滑，甜度適中。鮮牛麵 $28鮮牛麵也是encore之作，雖然這回的牛肉沒上一次般軟稔，但勝在肉香豐富~蛋牛治 $14雖然只是$14，但餡料卻毫不馬虎。蔥花牛肉炒蛋份量十足，熱辣辣入口滿是牛肉的香氣，滿足！由等位到入座，再由入座到用餐，大概等了40分鐘。然而，從廚房窗口看著忙得不可開交、為我們用心製作午餐的叔叔與姨姨，我們的靜心等候就是對他們默默辛勞的衷心支持與感激。

因為轉左黎上環返工~~ 所以終於有機會試好好好多人推介既瑞記咖啡!星期五既中午 大約1:15左右黎到 已經見到大約5-6個人排緊隊 雖然係係上環街市入面 環境唔太好 但見到都有人排隊 就更加知道一定要試下好好彩等左15分鐘左右就有位坐 不過係坐係距離廚房比較遠既位置 係通道上據幫襯過既朋友講 甘樣就會有排等d野食 因為侍應落完單就唔記得係邊枱叫 坐近廚房既枱就會食晒先呢d就係近廚房既座位呢度供應既都係港式食物 包括各式三文治同粉麵我叫既係 鮮牛蛋雙拼米粉 $26凡係配左鮮牛既粉麵都係$26，其他就一律$22其實落單時我係叫鮮牛腸仔米粉既, 不過黎得呢度 除非你有好多時間慢慢等如果唔係 都係選擇照食~~ 落錯單/記錯野係平常事當然 呢碗米粉完全無令人失望!普通既蛋都剪得好香 蛋邊好脆口, 有好多件牛肉米粉本身都好入味我同朋友叫左一凍一熱奶茶 $12反而有d失望 唔係特別香滑 同埋太甜朋友叫既係餐蛋雙拼公仔麵 $22我無試到 不過見到大部分客人都係叫呢個 味道應該都唔錯最後我地三催四請終於肯上份西多士$22真係不得不試! 同平時食既西多士好唔同一上枱已經比香味吸引住大大啖食落去麵包好軟熟

十月三日 (星期一)是晚劉總宴請龍璽晚膳,午飯不宜吃太飽我帶了老公仔到瑞記吃個麵應不會太飽,又可嘗嘗它的滋味凍奶茶瑞記鋪仔小小,廚房只有一位女士(應是老闆的女兒或媳婦)老闆-伯伯則負責落單牆壁上貼了家庭生活照,很溫馨特別欣賞以家庭形式經營的餐廳,寧捨有親切感很有趣,老伯聽了多次還弄不清我們三點的是哪三樣最後,還是由他的"女助手"出來弄清楚我們也差點沒氣喇可愛的以忌廉氣水樽裝上不飲這裡的凍奶茶豈算來過瑞記味道香濃幼滑,茶味芬香冰凍的奶茶無加冰,不會越喝越淡味不可不知,即使不在這裡吃,都可以買樽凍奶茶的這裡除了奶茶外,蛋牛治也不錯麵包品質較次,軟稔稔的咸牛肉新鮮富牛香味,咸味足以蓋過蛋味不過份量不多,壯男可能只能當小食公仔麵與屋企飳的差不多牛肉頗嫰滑,鮮味足雖是午飯時間,麵煮得剛剛好,不太硬又不太稔...但吃得出不是粗製濫造的人多,伯伯應接不暇,看到一位老熟客幫忙點餐吃到的不只是美食,還有濃厚的人情味!好...是晚就是我們的二千三百餐...很期待!!!

知道這間的奶茶挺特別，所以來試一下，結論是不過不失，但仍有一試的價值。

好開心好開心, 可以試下樽裝奶茶! X'mas Eve, 專登去瑞記飲下午茶. 上Lift后, 從右手邊門口入, 向右直行就見到. 剛到時, 瑞記掌門人食緊飯, 70幾歲了, 依然超級精神! 真係唔好意思要掌門人幫我哋落單. 我哋嗌咗 2支奶茶 + 西多士. 奶茶: 好香茶味, 好濃奶香, 而且一直唔會變淡. 西多士: 喺包包入面, 浸滿蛋漿再煎到脆身. 再放一啲醬醬, 甜魔小蔓覺得好正, 友人就覺得稍甜( 因為她不喜甜食)掌門人喺1949年已經開始他的事業, 一直到現在. 小蔓會學習他的堅持&努力. 掌門人話小蔓仲細個, 所以有好多香港歷史小蔓唔識. 其實, 小蔓知道 掌門人有種對本土文化嘅執着. 真係好幸運, 可以食到舊式嘅嘢食. 好希望繼續會有大傢嘅支持! 令舊式飲食文化一直于我們一齊成長!