聯發茶餐廳

营业中

休息中

疫情期間，非常苦悶，所以決定星期六開車同家人遊車河，當然要食個靚早餐先，起初想去佐敦「澳牛」，但好似疫情期間暫停營業，所以轉咗去九龍城「聯發」食早餐，據說他們是近親關係，所以食品/內外裝修都非常近似。因為舖頭外面有很多咪表位泊車，所以來賓大部分都係開車過來，由於食品價錢比「澳牛」貴一大節，所以來幫襯的人客都比較文質彬彬，少有遇到有三千年文化的強國人。正常來講，價錢同食物品質是對等的，在「聯發」也合理，可能是早上比較早的原故，所以全場得一個服務員 !

今早要到九龍城聽講座。就當然順便食個早餐。見網上都多讚。就試試。9點半，都已經要等位。又估不到。大約等了十分鐘。入面地方不大。座位有點迫。望望餐牌。選擇早餐不多。為有叫2份通粉餐。（48蚊）因公仔麵餐要54蚊🤭要餐肉通加炒蛋。先上通粉。不是太多。呢個價錢比較貴。食落似雞湯湯底。都ok.通粉都可以。再來炒蛋加厚包。蛋係滑。配上厚厚方包都可以。最後再來一杯奶茶。都算係好飲，不錯。朋友就叫杯熱咖啡。試飲一啖。較喜愛奶茶

同屋企人食brunch一諗就諗黎呢度食。每次都係食3樣野，烘底蛋治一上就忍唔住食唔記得左影相，包脆蛋滑香噴噴。沙嗲牛麵我都未撈d沙嗲牛肉落湯度都已經咁濃，撈完就更加唔洗講啦叉燒做得幾好食，燒得好香，唔會好乾好硬太肥太瘦，不過我都唔太好叉燒，都係屋企人點既。同今日啲飯就差差地，淋左d..奶茶唔跟餐賣到$22杯，未飲之前就係度諗究竟佢有咩咁把炮，不過飲完就覺得都OK，飲開唔落糖。呢杯都香滑，奶同茶好夾。不過$22單叫我就唔會啦。

放工和同事去左法國醫院探病後已經差不多晚上7點半, 近近地去九龍城搵食。行左幾條街都無乜頭緒, 可能又唔太肚餓。有幾間新開的小店, 可惜也是滿滿人龍, 最後吸引左我地係入一間茶餐廳, 原因係推介炭火叉燒飯。餐廳叫, 與其他茶記無礙, 但十分光猛而且地方亦乾淨。餐牌食物款式唔算好多, 不過入得去真係想去試食炭火叉燒飯。叉燒飯有大及細, 大的$68, 細的$55, 價錢不包飲品。老實講, 價錢真係貴。但講到咁出名，我和同事最後叫了一個大炭火叉燒飯及快餐(炒蛋,牛油多士配熱奶茶)快餐(炒蛋,牛油多士配熱奶茶)牛油多士是用上厚多士, 炒蛋好大份,炒得好滑,蛋味濃。熱奶茶因為怕訓唔著, 只飲了幾啖。無想過咁香咁滑,好好味。炭火叉燒飯最期待的炭火叉燒飯, 上枱時擺得好靚, 加上顏色鮮艷。紅色=叉燒, 黃色=蛋黃, 白色=蛋白, 綠色=菜心。厚叉燒有8片, 肥瘦適中，肉質好淋身, 做得出色。還配有一隻太陽蛋和一條菜。食後感覺不錯, $68未免貴了一點, 如果可以配埋飲品, 成為套餐相信更吸引客人。