雪山冰廳

营业中

休息中

之前工作周圍走，在深水埗工作的時候經常光顧雪山冰廳深水埗總店。今日去長沙灣探朋友，見到原來長沙灣都有分店，所以帶朋友去試試🤩🤩避風塘生炸髀配紅豆冰 $44炸髀加紅豆冰是個人最鍾意的下午茶組合😍😍炸髀即叫即炸，上枱的時候熱辣辣，雞皮香脆，雞肉滑身入味。由於炸髀加了避風塘調味，令到味道帶少少辣，更惹味。辣味薯皇 +$9薯皇有驚喜，脆身香口。紅豆冰香甜美味，紅豆起沙軟糯，但保持到有咬口的口感，配上花奶味道剛剛好，不會太甜。榛子醬西多士 $38金黃色的西多士有雞蛋香味，中間是令人無法抗拒的榛子醬，加上牛油同蜜糖，是邪惡味道🤤🤤粟米雜果沙律 +$9港式雜果沙律，份量足，簡單好味。樽仔奶茶 $15 （跟餐+$9）奶茶幼滑，茶味香濃，奶同茶比例剛剛好。用樽仔裝，不會額外加冰，避免奶茶因為冰塊融化而稀釋了奶茶的味道，個人十分鍾意，忍不住叫多了一枝😂😂始祖椒鹽豬扒飯 （炒底） $70見到呢個是必試推介，決定試下。上枱已經好吸引，炸豬扒份量足，肉質鮮嫩，肥瘦適中。炒飯乾身，粒粒分明。整體調味出色濃郁，香辣惹味。餐廳裝修新淨，座位闊落，食物味道不錯，份量足，價錢親民。下午茶時間，近乎坐滿了九成客人。住附近的

朋友係長沙灣收工，咁就約係附近食飯，行經雪山冰廳見到餐牌價錢相宜，就踏入左餐廳☺️店員好友善，份量仲好大份，不愧是老字號茶餐廳👍始祖椒鹽豬扒飯 (炒底) $68 👑椒鹽豬扒香口帶微辣，肉質鬆軟，肉汁豐富，外脆內嫰，散發出椒鹽的陣陣鹹香，下飯度極高。炒飯飯量足，粒粒分明，炒飯仲加左啲蒜、豆豉、紅椒去炒。XO醬乾炒豬扒公仔麵 $65豬扒香口惹味，肉質軟嫰，肉汁豐富。ＸＯ醬的味道濃濃地滲入公仔麵內，公仔麵亦炒得好乾身，配埋韮菜、芽菜、洋蔥齊食，唔會覺得好膩。避風塘生炸雞脾 $35 👑必點招牌菜👍即叫即炸，雞脾好大隻，雞皮炸到好香脆，而肉質就好嫰滑同juicy，完全無乾柴，配埋面頭既脆炸蒜，非常惹味。#燉湯 +$15 (跟餐)今日係沙參玉竹瘦肉湯❤️今日天氣又涼番，燉湯熱辣辣，飲完暖笠笠，仲十分清甜滋潤🫶#凍檸檬茶 +$9 (跟餐)茶香和檸檬香兼備，甜度剛好中和了茶澀味，帶一啲清新酸味，可解食物油膩。

今日要去長沙灣做野，立即搵下有冇咩好野食。搵到依間老字好又新潮的冰廳試下。食飯時間入到去坐無虛席，你就知道係好野。見到好多人枱面都放住個肉醬意粉加漢堡，雖然好吸引，但我係俾佢的 始祖椒鹽豬扒飯 吸引入來的，當然要堅持己見，叫個來試下。食物好快上枱，但唔代表佢食凍哂，反而見到佢出哂煙，熱辣辣。係一個咁繁忙的中午都堅持到即炒，已經嬴左一半。始祖椒鹽豬扒飯 (炒底) : 炒底飯唔止有色，夠味，配料天多，2個女仔來SHARE一個都得呀。 豬扒帶骨分件去炸，唔係好乾也好入味，雖然講唔算出色，但都不錯。奶茶紅豆冰: 試下新野，紅豆有沙，唔算太甜，處理得唔錯。但個茶底帶少少 苦味，燶?過度焙焗? 可能自己唔識野，不過就唔太喜歡，個苦味輕身D會好D。 

近年，長沙灣、深水埗都愈黎愈多唔同既cafe同港式冰室，今次就一於試下呢間1956年開業既老牌冰室，經過重新裝修，完全睇唔出歲月既痕跡，不過一間餐廳可以屹立咁多年，一定有過人之處😎-茶餐 - 經典芝蛋牛肉漢堡包 $35首先餐廳既茶餐價錢好抵，性值比好高👍🏻漢堡包既包係港式芝麻包，中間夾住芝士、流心蛋同免治牛扒，再加上麻醬，食落非常juicy，好滋味😋亦且流心蛋流出黎，賣相一流，一定要相機食先📸-始祖椒鹽豬扒飯 (炒底) $62碟飯黎到已經聞到好大陣椒鹽豬扒香，整體既味道偏辣，豬扒非常入味鬆軟，配埋個大大碟既香辣炒飯，就算天氣熱都食唔停口🤗-波士頓龍蝦喇沙摻摻 $78喇沙配料好豐富，半隻開邊龍蝦🦞加埋魚片、雞蛋同豆卜，平時W小姐見到喇沙湯底面頭個d辣油都唔夠膽食，但係佢今次試完一啖之後，竟然差唔多食哂成碗😅-樽仔咖啡 (跟茶餐 +$9)本來想叫樽仔奶茶，不過當日去到晏就2點幾已經賣哂，所以就試下樽仔咖啡，估唔到有驚喜🤩因為我地本身唔鍾意飲有甜既咖啡，不過奇怪地佢有甜得黎又唔太甜，再配埋港式咖啡，mix得好好，直情想飲多枝😛-港式茶走紅豆冰 $25第一次見呢杯港式飲品，所以就試試佢😙奶茶加