雪山冰廳

营业中

休息中

上網睇資料原來呢度嘅手打芝士蛋牛肉漢堡包係出名嘅，舖頭喺長沙灣扎根超過20年。今日經過就係試吓。手打牛肉有口感，雞蛋有小燶邊，香口，包皮軟熟又拱過，成個口感好正，個人覺得同出名嘅漢堡包店有得比，下午茶連紅豆冰$40，抵！ 下次食可以叫佢多醬，相信味道會更好。另外都叫咗佢個招牌避風塘炸雞髀，即叫即炸，雞髀肉嫩皮脆，配搭避風塘口味，覺得幾特別，雖然油炸，口感唔油膩，唔錯。仲叫咗嗰個XO醬炒公仔麵，炒出嚟夠鑊氣，麵底夠乾身，又唔會成個碟底油👍🏻餐廳環境乾淨，座位都好舒服，都坐得舒，仲要下午茶去到6:30，食開下午茶嘅又多個選擇。📍 雪山冰廳 (長沙灣)長沙灣青山道413號東景大廈地下4-5號舖

咁岩係荔枝角附近，由於對雪山冰廳的椒鹽豬扒炒飯念念不亡，又再次回訪二刷，仲試埋其他菜式添!<始祖椒鹽豬扒飯(炒底)>一上枱熱辣辣，豬扒切得夠大塊，夠晒「諗」而且餣得好惹味，肉質唔會乾爭爭。炒飯粒粒分明，唔算話好乾身，飯粒滲入少少椒鹽豬扒的油香。份量都幾多，適量兩個人Share一齊食。<香辣馬來炒米粉>睇到個名幾特別，所以就試下。材料非常豐富，首先吸晴的係三隻大蝦，之後仲有好多臘腸同埋魚餅條。另外佢加左辣醬、洋蔥同臘腸炒，而本身又夠鑊氣，而米粉亦用較粗身的米粉，所以可以掛到啲調味料，更加惹味!<爆餡蛋牛治(烘底)>見到蛋牛治的餡仲厚過兩塊多士，真心足料，唔怪之話爆餡。雞蛋食落去有蛋汁，夠Juicy。另外除左鹹牛肉外仲加左蔥，所以除左鹹的味道外，仲會帶蔥清香的感覺，食落去無咁「溜」。由於每次通常都係兩個人，而雪山冰廳每道菜又大大份，所以每次叫兩至三樣就已經夠飽了。整體而言，雪山冰廳長期保持到高水準，無論係茶記小食、炒粉麵飯都做得出色，同時咩菜式都有得揀，如果有選擇困難症的朋友們黎雪山就岩晒啦!

超多選擇嘅茶記 份量都好大 仲有新派菜式！除咗有老字號一定食到嘅 炸雞髀西多士。仲有親民價錢都食到嘅 #喇沙摻摻 等等～ 😯➊ 特餐 • 檳城喇沙摻摻（櫻花蝦炒蛋+酥皮窩夫）•‣ 日本櫻花蝦炒蛋有驚喜 鹹鹹香香 而且非常新派地係配酥皮窩夫🧇 絕對有佢嘅特別吸引之處‣ 喇沙味道都算可以 真係食到粒粒嘅喇沙香味呢個價錢食到呢個Level算係咁樣 但係真係唔好期望太高🤫➋ 咖喱炸豬扒蛋包飯係足足有成兩塊豬扒咁多！個蛋都炒得幾滑，不過隻碟太細，啲咖喱汁都裝得太少吧😂整體嚟講間唔中去食吓都OK嘅，因為性價比都真係算幾勁，而且種類都好多，都算係一間幾特別嘅老字號茶記！

雙職家庭每晚要諗食乜都確實幾唔容易，加上而家又百物騰貴，真係要搵啲性價比高嘅餐廳先得喇。呢間雪山冰廳係我倆嘅飯堂之一，每次嚟到都必點例牌二人餐。我哋點餐後，服務員遮遮好快就送上兩盅熱辣辣嘅蟲草花燉瘦肉湯。啖湯真係非常鮮甜，湯色清澈，努力工作一個星期，辛苦搵嚟都係志在食啫。再嚟就送上盲鰽魚，魚肉雪白嫰滑，肉質一“狹狹”，蒸魚火候剛剛好，魚肉剛好離骨，證明食材新鮮，就咁清蒸都非常好味。啲魚汁用嚟撈飯，認真一流。跟住就送嚟花膠海鮮雜菜鍋，用個砂煲盛載，送上嚟時仍滋滋在響，食到最尾都仲熱的，菜湯呈奶白色，好好飲。雖然現在北上消費盛行，但係交通和時間都係成本嚟喎。睇返香港地，而家都仲有呢啲性價比高嘅餐廳，香港人確實非常幸福呢！兩口子，每人一百蚊，食到捧住個肚走！

我係比OpenRice 既食評吸引左去呢間茶餐廳到打卡📸📸📸餐廳環境寬敞，街坊街里的感覺🤣🤣🤣（服務就冇乜，但港人作風，有野出聲，實會幫你👍🏼👍🏼👍🏼👍🏼）午餐：1）波士頓龍蝦喇沙摻摻🦞，$98， 就係為咗影相📸️我去到呢間餐廳，打卡👍🏼👍🏼👍🏼👍🏼喺茶餐廳，可以咁富貴有龍蝦打卡，值得去！ ！ ！🤣🤣🤣龍蝦🦞肉就唔多，但咁既價錢，ok ,滿意🤣🤣喇沙，惹味😊😊😊喇沙大大碗，一個人食實飽。1a) 凍奶茶，跟餐加$9 ，正常味。2）椒鹽豬扒炒飯，$78，唔好問我點解佢出名。我都係睇食評所以就叫咗呢碟飯。椒鹽豬扒，好惹味，好味。個炒飯，影相唔錯，有色，但食落係冇味嘅。由於個椒鹽豬扒太惹味，配個冇味既飯都ok ,但就冇啲食評講到佢咁好味。碟飯大大碟，飽。

帶著小朋友，想搵間濶落啲嘅餐廳食野，到左雪山冰廳，貪呢間餐廳多卡位，啲位又好坐。餐牌超多野揀，睇左幾個圈先落到決定😂選擇困難呀。⭐芝蛋牛肉漢堡配迷你肉醬意粉點了出名的手打牛肉漢堡，港式漢堡都好吸引㗎。牛肉餅香軟多汁，仲有半熟蛋同芝士，麵包又塗滿牛油，咬落又香又脆好好食。肉醬意粉就差少少，個人覺得醬汁偏淡，落包辣椒醬調下味，正😆⭐椒鹽豬扒飯意外地大碟，勁多豬扒同勁多飯！炒底好香口，粒粒米炒到金黃唔乾身，豬扒香脆肉嫩，好好食。不過都幾辣㗎，個人覺得好惹味，小朋友就嫌辣啲。⭐榛子醬西多士再黎份西多士，要左榛子醬口味，即叫即炸熱辣辣，啲牛油滆得好快，落埋包糖漿，又甜又鹹好好食🤤⭐茶走紅豆冰 & ⭐凍檸茶要左奶茶紅豆冰同凍檸茶，紅豆淋甜奶茶香滑，好飲！凍檸茶茶底香，都好飲呀。食飽飽都唔使二百蚊，抵食呀。

我真係笑死呀，杯薄荷朱古力原來係得薄荷葉冇薄荷味㗎，咁你就唔好寫出嚟話係薄荷朱古力啦，你寫薄荷葉朱古力呀嘛。仲有嗰個乜嘢炒黑松露蝦球？嚟到啲黑松露同蝦球唔係一齊炒嘅好明顯係分開用黑松露炒咗西芹之後先放四隻蝦球上去，咁你咪叫做炒黑松露蝦球啦，西芹炒黑松露拌蝦球啊嘛，仲要成$90

經典常餐平日中午去到青山道的雪山冰廳食Lunch，等位大約等左十分鐘，冇得攞籌，只可以在門外排隊等位。餐牌上寫住每日都有6-7款不同的是日午餐，包例湯或熱飲。今日試左佢地既常餐，沙嗲牛米+火腿炒蛋＋丹麥多士+熱飲($56)，呢度既常餐選擇比其他餐廳少，不過味道不過不失，份量亦都足夠。

長沙灣係第二個觀塘 工廈、人流、餐廳都好多避開繁忙時間 搵咗呢間冰室食個下午茶🤫🍜熟牛肉湯河 $50原來熟牛肉係牛腩嚟 牛腩大大夠份量都好多🥬上湯香菇浸白菜 $35個菜我覺得好抵食 我哋3個人都夠食 而且全部都係嫩嘅 呢D價錢同份量我覺得好良心 👍🏻🥪榛子醬西多士 $39+🥤凍檸茶 $3+🥔薯條 $8榛子醬少見 味道唔錯最鐘意可以加小食 唔洗食咁多又可以點多少少嘢🍔芝蛋牛肉漢堡 $40+🥤紅豆冰 $9佢呢個係自家手打芝士 有質素嘅都係

懷舊冰室越來越少，總店係深水埗有多年歷史嘅雪山冰廳，今次去呢間位於長沙灣分店，選擇左幾款招牌經典小食 ~冰廳翻新後裝修風格時尚，以湖色綠為主調，牆壁及地面鋪上懷舊風磁磚，既而展現出復古典雅風格。避風塘生炸髀       $45大大隻雞髀，炸得剛剛好，炸粉唔會過厚，外皮脆卜卜，雞髀肉好嫩滑，肉質唔會乾身，保留到肉汁，避風塘炸蒜好香好脆，配合新鮮嘅沙律，蔬菜粒沾滿沙律醬，食落酸甜爽口，雞脾加沙律很夾。紅豆冰招牌菜炸髀配紅豆冰，簡直絕配！淡淡花奶香，與甜甜嘅紅豆混合起來，很不錯。經典芝蛋牛肉漢堡包      $40芝麻麵包外層烤得好鬆脆，充滿茶記風味，牛肉嫩滑，加埋裡面嘅芝士、流心煎蛋、牛油連埋一齊食，咬落去好juicy，層次相當豐富，相信作為漢堡包王既你地一定鍾意。榛子醬西多士      $39邪惡嘅西多士，炸至金黃色，有大大塊嘅牛油被熱度融化左，裡面係濃濃嘅榛子醬，淋上糖漿，然後切成小塊，外脆內軟，食落出奇地唔會好膩，仲食到榛子粒粒嘅口感，好惹味。熱檸檬茶色澤對辦，飲起黎茶味芳郁，口感清香。熱杏仁霜飲落去好濃郁嘅杏仁霜味，好足料，甜到啱啱好。

店名：雪山冰廳地點：長沙灣青山道413號東景大廈地下4-5號舖1.波士頓龍蝦麻婆豆腐+白飯 $108+6真係有龍蝦肉，麻醬同龍蝦又幾配搭，豆腐，肉碎，豆瓣醬和花椒數者混合上黎，份量又足，都ok🫣🫣2.榛子西多士 配杏霜 $39西多士好正，記住一定要趁熱食，溶化嘅牛油，甜甜嘅蜜糖，配上輕微融化嘅榛子餡，入口好滿足，雖然凍左都ok，但熱食最完美，口感一流👍👍3.避風塘生炸雞髀 配紅豆冰 $45非常惹味，炸香嘅蒜蓉放係炸雞髀上面，炸嘅雞髀火喉又啱啱好，做到外皮脆肉質嫩，重要有少少肉汁😍😍，好好食，食雞髀最正係落手食，還要配埋紅豆冰，一啖肉一口紅豆冰，無得輸

之前係長沙灣行完街都食過呢間雪山既午餐，今次又黎到呢邊就比次機會試下個火鍋啦。椰子文昌走地雞鍋，見到覺得ok所以試下。呢個湯底係比較淡，不過有朋友食沙嗲鍋所以可以加啲湯過黎先沒咁淡。火鍋材料方面，整體都ok既，雞既口感都算pk，少少滑啦，而且份量可以接受既，其他火鍋配料就算係正常味道，蟹棒就真係夠哂大條，獅子狗 金菇味道都係正常，所以呢個try係可以接受而且百幾蚊有呢個質素同份量都算是值得既。總結黎講，今次火鍋一試係ok.火鍋放題既另一選擇，不過呢個湯底係會淡啲。

雪山冰廳原汁原味發揚香港茶餐廳的文化，甚麼美食均可以在雪山冰廳吃到，雪山冰廳是歷史的老字號，長沙灣店是其分店，但其水準一如深水埗總店出品穩定，所以用餐時也幾乎整間店客滿，生意甚佳。波士頓龍蝦叻沙摻摻湯頭加入多種香料熬製，搭配上參巴醬，濃郁又帶點椰奶風味，朋友很喜歡，特別是在秋冬季節，來上一碗叻沙湯麵，真的暖胃又滿足。摻摻可以一次過品嚐米粉及油麵兩種不同嚼感，吸附著叻沙湯底的精華，給人雙重享受。波士頓龍蝦叻沙摻摻用料不少，除了波士頓龍蝦外，還有魚片、豆卜、雞蛋、參巴醬、乾蔥，隨便一夾都是料，吃到朋友欲罷不能。豆卜吸飽湯汁挺濃香，魚片意外彈口頗不賴，波士頓龍蝦肥美肉厚，蝦膏豐沛，龍蝦肉彈嫩鮮甜，盡是肉汁。不容錯過雪山冰廳的避風塘生炸髀，避風塘生炸髀嚴選雞髀生炸，油炸好的生炸髀呈現美麗的金黃色，再撒上避風塘炸蒜，避風塘生炸髀雞皮酥脆，雞肉鮮嫩多汁，生炸髀香鹹帶點辣勁，涮嘴又開胃，令人難忘。每次到港式茶餐廳，我都必點椒鹽豬扒飯，椒鹽豬扒飯最能看出茶餐廳的功力跟道地程度。始祖椒鹽豬扒飯(炒底)是雪山冰廳的招牌料理，深受食客喜愛，椒鹽豬扒的入味和香嫩的嚼感令每一口都成為味蕾的享受，鹹香滋味使炒飯更

長沙灣這間雪山冰廳比深水埗店為大，環境比較闊落舒服。餐牌選擇頗多，加入不少新派創意菜式，價錢親民。椒鹽豬扒飯，份量足料，豬扒肉質鬆軟，加上椒鹽，好惹味。最鍾意炒飯底，有蛋絲、蔥粒，甜椒、炸蒜，飯身粒粒分明，只係炒飯都已經好好味。檳城叻沙海南雞米線，喇沙湯底濃郁惹味，帶有椰汁香，米線滑身彈牙，海南雞份量都頗多，肉質頗滑，這個配撘很不錯。奶醬多，烘底脆口，內邊既奶醬多得滿瀉。飲品推介樽仔奶茶，茶香滑身。

呢間雪山冰廳一直以黎都係心目中好地道又抵食既茶記，而且仲有好傳統既手寫餐牌，阿姐既服務亦都好好，真係會轉登黎食佢既椒鹽豬排飯。大阪燒熱狗呢個真係未見過而且係有驚喜! 熱狗腸熱辣辣再加埋大阪燒既醬汁，估唔到係咁夾而且價錢亦都唔貴，真係要試!鮮茄焗豬排飯另一個招牌菜式，豬排肉質夠淋而且好入味又有肉既質感，加埋炒飯底係粒粒分明，茄醬調味亦都幾好，甜酸比例都岩岩好，真係幾好食而且新鮮焗起又夠芝士，整體都係一個好食既焗飯!椒鹽豬排飯呢個真係每次黎雪山冰廳都必食既菜式，豬排係比起焗豬既更加厚而且超入味，加埋佢又炸過同埋大量蒜蓉既調味，食落真係好惹味! 另外炒飯底亦都好出色，粒粒分明熱辣辣而且仲有少少辣椒吊味，極力推薦一定要食!