姚姚酸菜魚 (青衣城1)

营业中

休息中

二訪姚姚酸菜魚上次食咗香鍋，今次就食返佢嘅酸菜魚啦雙拼酸菜魚拼水煮魚$308揀左中辣，不過都唔辣🙈🙈鍾意食辣既朋友仔建議可以大膽啲🤣上枱會跟埋啲蠟燭仔一直熱住 好貼心見佢得個三個細蠟燭以為會唔夠熱，點知都OK喎魚既份量都唔少，肉質好滑👍🏻nice!!水煮魚仲有埋芽菜同薯粉 酸菜魚有滿滿既酸菜，好香濃既炸蒜味，將酸菜嘅味道提升，非常推介，但我下次會嗌大辣🤣🤣🤣🤣片皮鴨$98見到呢個價錢竟然可以食到片皮鴨，就試一試佢啦上枱擺盤都幾靚 有埋薄餅皮同配菜 雖然肉同皮有啲分離不過！呢個價錢小嘗一下算係超值！🤩🤩🤩姚姚脆奶 $58有四件，外脆內軟，好香奶味，都推介做飯後甜品👍🏻👍🏻

前日（10-2-2024 Sat）大年初一傍晚， 同老公睇完戲後就食個早晚飯，之前我都已經search過青衣城有咩嘢食，見到有我想食嘅酸菜魚，問問老公，老公話ok。咁我哋就走過嚟啦，由於時間尚早，所以冇乜客，就俾咗一張四人枱我哋坐。坐低後睇menu 見到我想食嘅酸菜魚拼北京烤鴨，二人套餐係$338.00，諗住掃QR code就落單，點知話售罄，咁問問店員，佢哋話係冇呢個餐，要就食龍年開運套餐。睇睇，搵到有呢兩樣嘢嘅套餐，要$538.00， 咁就要呢個啦，落單嘅時候都有好多選項可以揀，我哋就揀咗酸菜魚要微辣，少油;飲品就只係要兩個罐裝飲品，我哋見唔到如果叫另外嘢飲加嘅價錢係幾多。落完單後好快 ， 泡椒鳳爪就到嚟， 睇見好驚佢會好辣 ，鳳爪係白色嘅，食落，鳳爪冇味，啱我，而佢哋係去晒骨嘅，下面有蓮藕片，心諗真好，有蔬菜食，但竟然有渣，真係第一次食有渣嘅蓮藕。之後大大盤酸菜魚到嚟，食吓先， 魚肉滑，酸菜偏酸，魚頭都有兩個，有炸過幾香口，如果爸爸仍健在，佢一定好鍾意食，而微辣係啱我。3.5分之後姚姚脆奶，即係炸鮮奶到嚟，甜品咁快到嚟？睇見顏色炸深色咗，食落外脆裏面嘅牛奶嫩，不過冇乜奶味少少甜。