姚姚酸菜魚 (青衣城1)

营业中

休息中

前日（10-2-2024 Sat）大年初一傍晚， 同老公睇完戏后就食个早晚饭，之前我都已经search过青衣城有咩嘢食，见到有我想食嘅酸菜鱼，问问老公，老公话ok。咁我哋就走过嚟啦，由于时间尚早，所以冇乜客，就俾咗一张四人枱我哋坐。坐低后睇menu 见到我想食嘅酸菜鱼拼北京烤鸭，二人套餐系$338.00，谂住扫QR code就落单，点知话售罄，咁问问店员，佢哋话系冇呢个餐，要就食龙年开运套餐。睇睇，揾到有呢两样嘢嘅套餐，要$538.00， 咁就要呢个啦，落单嘅时候都有好多选项可以拣，我哋就拣咗酸菜鱼要微辣，少油;饮品就只系要两个罐装饮品，我哋见唔到如果叫另外嘢饮加嘅价钱系几多。落完单后好快 ， 泡椒凤爪就到嚟， 睇见好惊佢会好辣 ，凤爪系白色嘅，食落，凤爪冇味，啱我，而佢哋系去晒骨嘅，下面有莲藕片，心谂真好，有蔬菜食，但竟然有渣，真系第一次食有渣嘅莲藕。之后大大盘酸菜鱼到嚟，食吓先， 鱼肉滑，酸菜偏酸，鱼头都有两个，有炸过几香口，如果爸爸仍健在，佢一定好钟意食，而微辣系啱我。3.5分之后姚姚脆奶，即系炸鲜奶到嚟，甜品咁快到嚟？睇见颜色炸深色咗，食落外脆里面嘅牛奶嫩，不过冇乜奶味少少甜。