呂錦記手撕雞專門店 (筲箕灣道)

营业中

休息中

夏日炎炎，好想食啲凍嘅嘢，所以諗到手撕雞。呢度嘅手撕雞真係好滑，令人回味無窮。其中孜然手撕雞係我最鍾意嘅一款，孜然香氣十分濃郁。而麻油手撕雞，除咗麻油香之外，仲有多多芝麻，口感豐富。半隻雞都唔過$60，價錢好實惠。兩個人叫兩盒雞，再加一盒飯，已經好豐富。另外，留意到呢度都有手撕雞飯盒選擇，只係$40，亦非常相宜。

同屋企人諗唔到食咩就通常會買鷄返去食，呢排天氣咁熱就直接買外賣返去食，估唔到呢間專門賣雞嘅外賣店都幾有水準！🐔孜然手撕雞 $60-條條手撕雞肉質鮮嫩，滑身得來充滿黃油香，撈上孜然粉辣辣地夠惹味！最難得雞胸都嫩，而且保留左鷄本身嘅軟骨位置，香口有嚼勁，食唔停口！🐔蟲草花水晶雞 $88/半隻-熱辣辣即叫即整，焗出來夠嫩滑，鷄味夠濃。另外仲有原味手撕雞選擇，價錢好實惠。去西灣河真係未必下下需要去太安樓揾食~下次再order外賣！