燒烤堂 (已搬遷) 新店位置

窩夫與朋友之前光顧過尖沙咀的燒烤堂，一直想找機會跟蝦子餅再去。窩夫與蝦子餅日前以慶祝結婚八年八個月為藉口去銅鑼灣的燒烤堂開餐。啤酒買一送一很抵飲，不過窩夫與蝦子餅不太喝酒，點了一杯菠蘿青檸梳打和一杯冷泡白桃烏龍茶。鹽燒原塊雞皮($22)是窩夫上次吃過之後最想安歌的。蒜蓉燒廣島蠔(兩隻)($44)稍嫌過熟。雞皮墨魚滑($38)是餐廳的十大必食推介之一，以薄脆的雞皮包著彈牙的墨魚滑，窩夫稍嫌墨魚滑略鹹。厚切鹽燒牛舌腩($48)爽口彈牙，難怪成為十大必食推介之一。窩夫與蝦子餅每次吃串燒必點燒茄子，燒烤堂的孜然燒蒜蓉茄子($36)做得相當不錯。豚肉節瓜波板糖($38)是窩夫全晚最喜歡的一款串燒，將切成薄片的節瓜夾著豚肉片捲起再燒，非常欣賞廚師的創意和心機，將蛋黃和醬汁拌勻後蘸來吃，更加滋味。相比上次吃的牛油果豚肉卷，窩夫比較喜歡鹽燒豚肉荔枝卷($22)，味道更有層次。柚子雞腿肉($24)的雞腿肉頗厚身，不會燒得太乾，柚子醬瞬間令味道昇華。與日本芝士年糕二選一，窩夫選了汁燒煙韌年糕卷($26)，感覺沒那麼飽肚，年糕用紫菜包著加醬汁再燒，味道豐富，口感煙韌。點汁燒橫隔里肌($28)是因為橫隔里肌較

本人成日周圍食 朋友都會叫我帶佢哋食之前食過一次燒烤堂 簡直一試難忘 (押韻喎～😏)所以今次就帶佢食好西 佢食完都表示好滿意🤭下面無食評嘅係朋友食 我無試到⭐️提燈⭐️汁燒赤雞肝好鍾意食肝臟 整得不錯 可以一試～⭐️汁燒免治雞肉軟骨棒(付月見)正常發揮 鍾意有咬口嘅朋友需要點⭐️牛油果豚肉卷幾特別 但話好夾又唔係 好似爭啲野咁～⭐️明太子雞腿肉明太子鹹鹹香香 加埋嫩滑嘅雞腿肉 正⭐️柚子雞腿肉酸酸甜甜嘅柚子汁 加係雞腿肉到好fresh 即時無咁油😂⭐️厚切鹽燒牛舌腩上次有食過覺得唔錯 今次無食～⭐️黑毛豬五花腩連肥肉都好爽口 好掛住韓國嘅黑毛豬🥺⭐️惹味鹹蛋黃豬大腸痴線 加咗鹹蛋黃咩都好好食 (因為你鍾意食鹹蛋黃囉)⭐️鹽燒白鱔呢個唔錯 每次食串燒都要點！⭐️蒜蓉燒廣島蠔(兩隻)今次食細仔過上次 可能燒耐咗 無上次咁好食⭐️焦糖青蘋果鵝肝多士重頭戲嚟啦 呢個係必點呀 鍾意鵝肝嘅孩子不能錯過鍾意又甜又鹹嘅都唔可以錯過 簡直係完美比例焦糖嘅香甜 蘋果嘅酸甜 鵝肝外脆內軟 加埋塊多士😋我比100分呀 唔係講笑 當之無愧！！！⭐️牛油蒜蓉焗雜菇⭐️孜然燒虎皮犬椒⭐️惹味爽口雞腎⭐️鹽燒豚肉荔枝卷我覺得包荔枝唔夠有口感 但係甜

可以encore既串燒店💛 價錢唔貴，同出面串燒店差唔多既價錢，但有創新又好味既串燒，有啲真係必試！雞皮墨魚滑 - 必食推薦！一層薄薄既雞皮包住彈牙既墨魚滑，咬落去，雞皮仲會滴油，雞油香加上彈牙無溝粉既墨魚滑，真係一定要食！如果佢可以單買墨魚滑返去，我一定會買，真材實料，好食過好多火鍋店既墨魚滑！鹽燒雞軟骨 - 燒雞軟骨都好難唔好食，燒得乾身加有咬口，調味正常加上檸檬汁，送酒小食牛油蒜蓉焗雜菇 - 夠牛油夠蒜蓉，蒜蓉夠味，點會輸惹味夾口雞腎- 上枱嗰陣我仲以為黎錯咗，以為黎左牛舌。佢同平時雞腎既口感唔同，有少少似豬頸肉嘅口感，冇平時咬雞腎嘅「颯颯」聲，我唔係咁鍾意。日本一口甜薯 - 不過不失，同出面食既無乜分別。福岡味噌松阪豬 - 第一下以為係蜜糖燒豬頸肉，後面有味噌平衡返，唔係得甜，有驚喜，值得一試手釣墨魚鬚 - 呢個覺得麻麻，都彈牙但係偏腍。我估呢個係就咁用少少鹽調味，所以好考食材，唔夠彈牙就爭啲。孜然燒蒜蓉茄子 - 兩個人既話唔建議叫，因為偏油，份量又唔細（圖中已經畀我食左一忽），食得多會有啲漏。不過佢燒得好好，可以連皮食，唔會好似出面有啲燒過火個皮就唔好食。同埋佢冇落好多孜