一糖 (屏山)

营业中

休息中

自從天水圍開咗一糖，終於唔洗落元朗都有甜品食🤪🤪特別係近期呢種時不時落雨嘅日子，出去食嘢更加注重就唔就腳。記得初開業嘅時候只有室內廖廖幾枱座位，依家擴充到室外車場範圍，輪候時間大大刪減；加上有瓦遮頭同風扇，唔洗等位又唔怕熱同淋雨。甜品種類多到成本相簿咁厚，中式、西式、特飲、時令水果、綿綿冰，基本上你諗到嘅都有。私心推薦椰皇燉蛋白❣️蛋白椰汁各佔一半，比純燉奶入口輕盈不膩，甜度適中、唔死甜；加上啖啖桃膠，滋潤又養顏，啱哂女仔飲～椰殼上嘅椰子肉一刮就甩，真係可以食哂啲果肉🤟🏻日式芭菲雖然無日本正宗嘅多料，但雪糕、脆米、紅豆、忌廉同啫喱幾種不同口感層次嘅食材同樣帶嚟充分滿足✨抹茶味偏淡香不甘澀，抹茶控可能會覺得唔夠濃郁。心太軟有多種口味選擇，身為酒鬼當然係揀Bailey’s🙉但食落無咩酒味。心太軟即叫即製，火候恰到好處外脆內軟，配上面頭帶淡奶油香嘅輕忌廉，感覺比起配雪糕更合適；選用咗偏濃嘅苦甜朱古力，食落唔會太甜漏。窩夫中規中矩，可能擺碟耐咗嘅關係，上枱微溫、唔夠香脆；除咗加入砂糖煮過嘅蘋果粒，仲有幾片爽脆嘅蘋果薄片同粟米片提升口感，都算幾有心思。

今日早左半日放工，同班同事一齊去屏山出名嘅冰室食lunch，食飽飽後諗住散步去天水圍西鐵站，等個肚子消化下。點知呢頭大家ee牙牙，又話飽，又話食唔落，嗰頭就有人話附近有間一糖好好食，於是又一齊入去。店內本身好寧靜，不過俾我地闖入去之後就嘈到死喇🤣坐左一陣，店內已經有8成滿，估唔到下午時段都幾多人黎。環境簡潔，以灰色為主，但夠光猛，所以好舒服。甜品種類好多，窩夫較出名，賣相精緻吸引，但肚子確實無能為力再放食物，於是揀左d冇咁漏嘅甜品。鮮雜果奶凍，雜果嘅顏色繽紛，望到已經好悅目怡神，令人心情愉快。滑滑軟軟嘅奶凍，質感細滑Creamy，入口奶香十足，甜度適中。豆腐花用木桶上，簡單平民化嘅食物，經過呢個華麗嘅包裝，身價都升值。豆腐花豆味香濃又夠滑，當中帶有薑汁味，糖水或黃糖自由選擇，豬認為黃糖冇咁甜，有d咬口，但食豆腐花緊係甜甜先好食啦，所以最好就兩樣都有，咁就最prefect喇。椰皇燉蛋白，原個椰殼清燉，妹子話:有椰水嘅香味，一啖食落去，蛋白口感嫰滑，濃濃嘅蛋香同奶香味好濃郁，充滿喺口腔入面。豬見妹子食完鮮奶蛋白之後，仲挖d椰肉出黎享受，令人滿足嘅甜品😋宇治抹茶芭菲，有綠茶雪糕，茶味幾香，仲

星期日突然想食甜品, 就立即約朋友出來, 落雨天唔想行太遠, 最後決定去天水圍西鐵站附近的一糖。以前都有食過, 覺得款式及味道也不錯, 今次去發現多了新款式當然要叫一大堆開心share啦~新出了幾款綿綿冰, 點了其中一款試, 另外加了$12日式布甸, $8雪糕, 芒果汁與乳酸冰很配~ 乳酸冰夠晒綿~朋友最愛吃心太軟, 每次約食甜品見到都會點, 一糖的心太軟有好幾款口味, 我們點的抹茶味味道很濃我好鐘意切開心太軟，然後抹茶醬流行來的時刻另外點的焦糖燉蛋口感結實很滑，跟乳酸冰另加的布甸很像，但配合面層的焦糖吃，更是美味！我最喜歡是芝士蛋撻套餐！芝士蛋撻很細滑，濃濃的芝士味，我可以把兩份撻都吃掉～吃完再食水果就唔會覺得膩朋友最愛是抹茶芭菲，但看外表已經被吸引,每層也有不同配料，我贊同抹茶同紅豆是絕配可能因為是下雨天，難得來到一糖是不用等位，約好下次再來吃其他新款甜品，當然我要再點我的芝士撻

減壓時間呢一間甜品店舖真係唔錯, 絕對係天水圍人的福利~今次同男朋友黎食個宵夜~第一眼見到呢杯芭菲已經搶左小丸子嘅視線啦佢唔同其他店舖一樣俾勁多cream入個杯度而係真係有好多好多野食~首先有好大球抹茶雪糕配勁多粒紅豆,之後下面有一粒粒玄米同粟米片,然後就係抹茶cream同好多嘅jelly 超有口感同好抵食呀~!!!呢杯相對上冇芭菲咁抵食佢首先有粒紫薯糯米池同2條oreo條,跟住奶凍上面鋪滿唔同嘅生果~小丸子覺得奶凍味道唔算出,所以試左幾啖就專心食番我杯芭菲啦

今次第一次來到位於天水圍的手作甜品店 — 一糖為了嚐這間隱世甜品小店 從將軍澳坐車花了一小時多過來呢 幸好只在天水圍E3出口附近看見店面外面有一幅特色的畫牆，來到拍個照留念也是不錯的店內光線明亮，位置雖然不多，但也坐得舒適餐牌上的甜品種類繁多，有不少熱門的紫薯和我最愛的抹茶款式鮮雜果蛋撻配紅棗茶定食 $46水果鮮甜多汁 熱騰騰的芝士撻 咬下去呈流心狀態 看似淡淡的顏色 賣相不算驚人 但味道不賴呢！ 酸甜的忌廉芝士味 沒有過膩的感覺 牛油撻皮香脆 但底有少許淋了 不過不影響味道抹茶麻糬窩夫 $50這是我吃過最好吃的抹茶窩夫第一次吃到一個抹茶窩夫真的有濃濃的抹茶味 是帶甘甜的滋味驚喜的是內裡麻糬的份量不少呢 煙韌微甜的口感真棒紅豆份量也很慷慨 飽滿而不過甜雪糕應該是維記貨色 奶味濃郁 茶味較淡 對於這份窩夫整體感覺滿意的！紫薯窩夫 $58用上沖薯直送的紫薯製成的窩夫這是原味窩夫內薀藏著紫薯塊 紫薯香甜味十足 比窩夫的蛋香更濃可能因為夾雜紫薯的關係，令到窩夫容易變淋，沒有抹茶味的脆不過變軟的窩夫口感依然帶點煙韌，不會像吃蛋糕的感覺紫薯脆片像吃薯片般，而旁邊的紫薯忌廉應該加入許多紫薯泥和奶油做

食過依間日式糖水鋪，覺得唔錯，所以再黎試下。宇治抹茶芭菲，我唔太好抹茶，但係難得黎度，唔叫個抹茶嘅野食就有啲浪費。由上到下係：抹茶雪糕，抹茶丸子，cream，脆卜卜嘅殼物，紅豆，抹茶cream，抹茶果凍，賣相靚，種類多，真係啱哂抹茶控。朱古力窩夫，拉花嘅~係楓葉黎，窩夫有4塊，夠香夠脆，個朱古力醬好濃，但係唔膩，同埋窩夫真係極邪惡，超滿足。順帶一提，個人覺得裝修得幾有style，有濃濃嘅日本味，而且牆身仲有一幅澎湃嘅畫，可以影相留念XD

元朗多好野食就係人都知，不過糖水鋪數量就唔多，食過幾間都無咩特別。今次專登走入元朗屏山試新野！原來位置係比較近天水圍，搭地鐵喺天水圍西鐵站一出，行兩步就到，都幾方便。嘩，呢個門面真係勁吸引！感覺自己好似去左日本，你知啦日本嘅店仔都好鐘意用呢種Style去裝修。所以鍾情於日本嘅我見到勁開心！同朋友仔喺門外面幅畫影左好耐相，之後先至入去食野，哈哈！呢到個感覺除左日本風之外，仲好有文青嘅味道，簡潔整齊，令人好舒服！幾款心太軟中，我揀左榴槤味！雖然朋友都唔鐘意食榴槤，但我就勁鍾意，所以叫左一個獨食！呢個心太軟好有驚喜！中間流出黃色熱騰騰嘅榴槤軟心，勁香噴噴！味道食落都好重榴槤味，朋友即刻坐開左兩個身位。。。呢個心太軟外層幾脆，中間又夠哂流心，我比90分！伴碟仲有幾款生果，賣相都幾靚幾有心思。紫薯湯水大大舊紫薯，都幾足料！見佢寫住沖繩直送先叫架！（最近坊間好多假紫薯，成本平好多仲會好易致肥。好彩呢到係用日本紫薯，放心好多，食多幾件都唔怕！）宇治抹茶芭菲呢個芭菲係朋友極力推介，佢話食過勁好食，今次一定要叫！講到咁堅，緊係試試佢啦！又真係無令我失望！芭菲上面鋪左抹茶雪糕，味道甘甘地，茶味都幾濃。旁邊