大公雞 (已結業)

之前喺葵涌住過一排酒店，經過呢間餐廳都冇食過，唔好睇佢門面屈厔入去都幾大，仲對住公路夜景𠻹睇價位似係打工仔嘅福音，咁多蚵仔嘅湯飯都唔使$60湯底清甜，蚵仔好肉地，唔食蠔嘅胃弟都扒清光其他台式餐廳賣三寶四寶麵，閒閒地都八、九十蚊，但呢間只賣$65，有齊雞中翼、牛筋、牛腩同大腸每份都好多，又夠入味夠嫩，湯底唔鹹可以就咁飲，麵底好彈牙唔嗌鹽酥雞飯，就咁嗌鹽酥雞試吓，鹽酥雞炸得好爽脆炸魷魚鬚同樣炸得脆卜卜，點醋食相當唔錯跟餐加錢可以有特飲，奶蓋綠茶可以嗌少甜，有奶蓋喺面，但清清地幾消滯蜂蜜百香果茶唔會太甜，飲落幾開胃

同老婆參加完一個聚會，完咗就啱啱喺晚飯時段，所以，行幾分鐘過到嚟「KCC」呢一間台式小店「大公雞」食返個台式晚餐。因為好多年前都曾經到訪過，印象中啲嘢啱食之餘，價錢又親民。咪睇佢門面細細，裡面其實環境幾大，目測估計都有超過50個位。裝修簡約，地方企理，一邊有落地大玻璃對住街景，雖然喺馬路景，但感覺會更開揚。而另一邊有啲卡位，喺非常之闊落好坐。唔好見個餐牌大大隻字寫住精選午餐，其實全日供應架。攤開去，兩大版睇晒，分別有台式飯類、湯飯、麵食、撈麵、手工水餃、小吃及多種台風特飲，另外仲有兩張滋潤嘅特色飲品餐牌，所有嘢食定價都好相宜，睇番上次食評，啲價無咩點加過，又無加一。五香豆干配滷水蛋 $25呢一款喺頗為經典嘅台式滷水小食，啲豆乾好有豆味，口感挺實，卻好軟身；至於啲滷蛋同樣入晒味，啲滷水汁好醇和芳香，心諗，就咁用嚟撈飯食都覺得正呀！香炸餃子 $25講到明一客有6隻，啲餃子炸得香口，外層脆脆哋，唔油膩，咬開啲皮夠薄，肉餡好鬆化，最好喺唔多肥肉，啱老婆食，沾上少少醋汁，更有去膩之感。安平蚵仔肉碎湯飯 $55老婆本身就幾鍾意食蚵仔，清清哋嘅湯飯亦好啱佢口味，所以，呢個湯飯就合晒佢心水。啲蚵仔確喺