秘 (偉晴街)

营业中

休息中

幾個月前同朋友食過一次LUNCH之後終於帶到老公黎試.. 仲同埋兩個朋友一齊食DINNER. 我地六點就去食, 估唔到己經接近坐滿, 我地坐低之後剩返一張四人枱. 今次我地四個人叫左三個主食, 加兩個小食.同午市一樣, 晚市主食都可以加錢追加晚市定食. 晚市追加定食都有兩款, 研究過都係個湯既分別, 所以我地揀左平果個算. 板燒安格斯牛 + 追加定食份量勁足, 至少有十幾片牛肉熱辣辣石板直接自己燒, 鐘意幾多成熟都可以自己控制. 我鐘意比較生既口感, 所以我燒到3-4成就己經夠, 完全係入口溶化既感覺… 配埋佢個秘製醬汁一齊食真係不得了. 燒吉列牛 + 追加定食吉列牛相對香口多少少, 基本上個口感都同安格斯牛差不多.不過呢個我覺得要熟少少先好食.. 秘。燒牛肉野菜鍋初初望佢鍋仔細細，估唔到一樣都係份量十足。　牛肉好冧, 就咁用筷子都撕得開仲有勁多配料, 冬菇, 娃娃菜, 芋絲, 蘿白, 獅子狗, 全部都好入味. 總結：我地四個人最後埋單係五百幾蚊, 每人都係一百頭. 同埋餐廳都好好, 我地食完仲坐左係度吹水吹左勁耐都唔會趕我地走. 

夜晚去到尖沙咀/佐敦搵食，見係黃店就試一試。仍係疫情下，量體溫、清潔雙手都做得好足。當日去到無得訂位，喺門口排隊拎飛差唔多到你就已經要order定！叫了一個吉列牛+set 同一個Angus beef set仲加咗小食wasabi八爪魚🐙因為排隊落咗order.. 入到去坐低好快已經上嘢食，3分鐘都應該無首先係吉列牛，睇落如果同日本食開係細嚿小小，不過都非常好吃 加咗set 個溫泉蛋都有一粒(二半)再上就係Angus beef set ， 肉質都好好味啊 兩樣都唔會失望小食八爪魚就唔記得影相！但都令人滿意。不過跟餐嘅櫻花味湯就麻麻地啦，櫻花味道好出，唔係好識欣賞， 亦都冇飲晒。下次都有機會想試埋個鰻魚餐整體我覺得比銅鑼灣另一間食吉列牛嘅好味好多！不過如果想同朋友一路食嘢一路慢慢傾偈呢度就唔係一個好選擇啦，因為好多人排隊食完基本上就會離開

本身今日約左個fd去食第二間日本菜，比佢個黑松露吉列牛吸引，就決定轉場去食，尋日book兩位都仲有，但就特別提醒要人齊先入得既。個黑松露吉列牛都唔錯，係用呢隻板燒，仲有舊脂肪等佢多d油，好燒d，但見佢咁黑以為個味好濃，但食落其實同原味差唔多，冇咩黑松露味，不過整體都唔錯， 可以加錢跟埋蛋，同湯。湯朋友話好飲，放耐凍左本身想試一啖算，但都飲晒反而個安格斯牛有驚喜，肉質比較好，反而比黑松露更吸引我個炸軟殼蟹有兩只，雖然林林地，不過都幾香口，加埋上面d調味都好正整體覺得唔錯，而且火燒完熄左唔洗催，侍應就主動幫我地加火，不過未食完就好趕住收野咁，鋪頭位置唔多，想食記得book位，會再幫襯，試埋個鰻魚飯，另外仲有個金魚湯好似好靚，可惜賣晒

豬年第一擊約朋友出來拜年，又可以搵個藉口食好野！朋友住響佐敦附近，近近哋我們來到秘吃晚餐！ 原本好想食吉列牛， 可惜我感冒未好番所以要下一次先可以品嘗了。 之後我們點了蒲燒原條鰻魚飯（ 配定食秘之飯素 ， 楓糖流心蛋，櫻花昆布湯 ）$116， 板燒安格斯牛（ 配定食秘之飯素 ， 楓糖流心蛋，櫻花昆布湯 ）$146， 清酒煮活托托蜆$98。板燒安格斯牛（ 配定食秘之飯素 ， 楓糖流心蛋，櫻花昆布湯 ）～ 套餐一送上店員就教我們用肥膏搽上迷你爐上面防止黐底， 之後就可以燒安格斯牛了。 整體套餐外觀精美， 安格斯牛肉的肉質油脂分佈得很平均， 細細片薄薄的很容易燒， 入口又香又濃的牛肉味，相當吸引！秘之飯素～ 飯上面加上紫菜和飯素配料一起， 除了可以增加口感之外， 入口更增添一份香味。楓糖流心蛋～ 很美的流心蛋， 烹調時間控制得剛剛好， 蛋黃又軟又香。櫻花昆布湯 ～ 味道清新，正！蒲燒原條鰻魚飯（ 配定食秘之飯素 ， 楓糖流心蛋，櫻花昆布湯 ）～ 又大條又肥美的鰻魚， 肉質彈牙新鮮， 用嚟送飯一流！清酒煮活托托蜆 ～ 超級大粒的蜆， 一鍋有 好多粒， 又鮮甜又彈牙， 再試埋清酒湯， 入口有微辣