Forever 友緣西餐 (已結業)

今晚同友人敍舊，友人鍾意食西餐，我地就揀左去環境寧靜、唔噪雜既西餐廳～元朗Forever 友緣餐廳入到去，選擇左坐卡位，枱上有燃點左既爉燭，格外有情調。侍應跟住遞上餐牌介紹今晚既set dinner，同埋奉上2杯餐前果汁（免費），服務唔錯～之後又問我地今日有冇d特別日子，例如慶祝生日，我地話冇，純粹敍舊～佢就話如果有，餐廳會準備一件蛋糕插著爉燭表達小小心意唔錯，真係幾窩心既服務我order左個燒加拿大黑毛豬鞍扒配菠蘿汁，而朋友仔就order左烤美國烤美國頂級安格斯肉眼扒餐湯：薯蓉煙肉湯配牛角酥，牛角酥好脆、湯夠濃烤美國頂級安格斯肉眼扒，友人比我試一啖，唔錯，肉質鮮嫩，唔鞋口黑毛豬鞍d肉好得意，肉質帶爽，肉唔韌，下面有薯蓉配襯最後我地order甜品：藍莓cheese cake，賣相靚，味道又唔算太甜一邊食飯一邊同友人傾計時，隔離枱都有好多人慶祝生日，侍應一面揸住蛋糕一面唱生日歌，感覺真係幾好、幾窩心，配合餐廳環境及一流服務，可以再encore

位於元朗茜菁街的西餐廳，好幾次walk-in都沒有位置，今次早一天訂位，被安排了坐在落地玻璃旁的好位置。餐廳內的擺設很有心思。Set Dinner 有很多選擇。甫坐下，服務員為我們送上鮮橙汁，很貼心。餐湯及餐包餐湯是薯仔忌廉湯餐包是脆身的法國牛角包兩款餐前食物的出品都是高質的！我們點了幾道前菜： 水牛芝士有機沙律水牛芝士配上有機蕃茄，味道酸，很開胃。芝士大啡菇喜歡芝士的朋友有福了！這個配搭不是每間西餐廳都有，而且味道洽到好處，芝士的香，不會蓋過大啡菇的鮮，兩種味道一起互相輝映，十分美妙！焗田螺這個也有驚喜，大大粒的田螺，肉很厚，口感滿足！主菜：安格斯肉眼扒很濃郁的肉味，因為點了五成熟，所以肉汁也大大地保留了。鵝肝燴飯鵝肝很香又滑，而且飯質較軟，適合港人口味！牛肋骨一般的牛肋骨沒有很多肉，這個牛肋骨又大又多肉，吃後十分滿足！甜品環節心太較的雪糕是用火槍炙過的，而且上面鋪上一層玉桂粉，味道很贊！總結，這是一頓五星的晚餐。聽說，這餐廳的師傅曾經是在酒店工作過，難怪出品如此精緻！

今日同友人相約係元朗食午餐，我哋喺千色廣場附近搵餐廳食，見到有一間裝修新束同有特色嘅西餐廳，就入咗去食。 當時係下晝十二點幾，餐廳內人數唔算太多，我哋係個窗口附近有二人位可以坐。 坐低之後侍應送上餐牌，同一人一杯橙汁， 入邊set lunch 最貴都係1xx蚊，之後我哋一人叫咗一個set lunch, 叫咗一個美國頂級安格斯肉眼扒，同埋煎挪威三文魚手作麵，再加一個頭盤香蒜包糠焗扇貝。 過咗五分鐘侍應首先送上餐湯同餐包，是日餐湯係煙肉薯蓉湯，而餐包係兩個牛角包，個餐湯有忌廉味，啲薯蓉唔會太大舊同個湯幾夾，而牛角包好鬆脆，表面嗰層皮有少少甜味，比一般茶牛油的餐包好味好多有啲驚喜。 之後係頭盤香蒜包糠焗扇貝， 落單嗰時問咗時仍今日係會有兩隻扇貝，扇貝嘅size都好大，肉都有好多，香蒜味同扇貝幾夾。 跟住安格斯肉眼扒都送上，order咗係要八成熟，牛扒足8安士，有芥辣醬喺上面，牛扒煎得啱啱好，啲肉汁鎖住喺入邊，入口有咬口同重肉味，本身個醬同芥末醬都好夾，加上配菜係薯蓉。 最後係煎三文魚手作麵，好似幅圖咁條三文魚係勁大，煎得啱啱好兩邊都唔會太燶但係係香口，啲肉汁可以鎖住喺入面，每次一

新開張只得果兩日...餵食鬼就急不及待要黎試菜…其實每次都係由餵食鬼發牌…今次又唔知會會眼濶肚窄…order多到食唔哂呢！！？？餐湯無講到係咩黎…感覺有d似薯仔湯…又有d似椰菜花湯…都幾好味…呢兩杯果汁係額外送既…見到每張枱都有…原本以為係橙汁而已…點知飲到尾變左綠色…原來有少少薄荷係杯底…差d比d綠色嚇親…牛扒面積好大…有成10安士…order左七成熟…都有牛味…但如果厚身d既話…口感可能會更加好…海鮮有蝦，帶子，魷魚…蕃茄蓉味道幾出眾…但濶旦麵較硬身…口感麻麻地…三文魚煎得幾香…但一切就碎...肥美之餘又唔腥…仲滑滑地…其實牛扒同魚既配菜都係一樣…紅黃椒脆肉瓜…再加薯蓉…雜菜幾健康…薯蓉唔蓉得哂…仲有粒粒薯好咬口…唔知係咪加左d奶油…帶點香甜味道…之前有橙汁送…差d唔記得左仲有餐飲…我order左一冷一熱…朱古力夠凍唔夠味…monka都ok...最後仲order左甜品…名為溶岩…與賣相造型真係好貼切…其實只不過係劏開左既心太軟黎…朱古力味濃…特別在雪糕球由幾3種味道混合…好清新…雖然新開張…但無論食物環境服務都幾ok...