蚊蚊豬老火鍋

营业中

休息中

相約朋友聚一聚，店舖近太子地鐵站，步行3分鐘就到。 店內唔算寬敞，不過贏左有上層。 疫情之下，岩岩好4人一台。火鍋放題我地揀左雞煲，以4人份量黎計，雞肉份量唔算好多，食完仲可以有胃口繼續打邊爐。 除左可以選擇烤魚同雞煲之外，仲有刺身提供。刺身選擇都幾好，有三文魚 常見類別。不過我同朋友唔嗜刺身。 淨係點左啲甜蝦同蚌片值得推薦 跟餐 食放題 會送一板安格斯牛肉。 份量非常足料。每片都好大塊，而且仲好睇好食岩哂鍾意食牛肉嘅朋友。食完雞煲可以轉唔同款式嘅鍋底。以下係粟米豬軟骨鍋，鍋底味道清甜，岩哂鍾意淡味嘅朋友，鍋底都十分足料。店舖每次點食物，以丸類為例都以2粒為作1單位。 可以比顧客試哂唔同嘅食物，唔會淨係食丸食飽。 惜食識食，每次打邊爐好容易食唔哂啲食物，店舖落單嘅方式值得讚揚，可以小食多款。 以200幾蚊嘅價錢，有咁多款式食物選擇。 值得推介

今天喺太子路過搵飯食，見到出面宣傳牌寫住$228/一位烤魚雞煲放題，好似幾吸引！平日星期一夜晚入到去，餐廳都坐8成滿，都幾多人食緊，不過樓下坐位有點逼，大約坐十幾人。樓上應該仲有一層。講返嘢食先，首先嗌咗雞煲，幾分鐘就上菜，因為本身唔係太食得辣，叫咗微辣。雞煲嘅雞好入味，而且雞肉都幾滑，份量都幾多。淨係食晒啲雞都已經飽飽地。哈哈。除咗雞煲，最開心係佢有得叫刺身放題，同埋一啲川菜小食。刺身都幾新鮮，見到廚房即叫即切，另外個川味皮蛋都好食，有d糖心皮蛋feel。重點黎啦！就係碟安格斯肥牛，每一片切得好薄，色澤好靚，脂肪比例好均勻。食落去真係幾有牛味。呢個推介👍🏼其他就只係一般火鍋配料，所以無咩特別。總體而言，每人只需$228，又有雞煲，又有刺身，又有小食，又有火鍋配料任食，性價比真係好高👍🏼值得一試👍🏼

放工緊係要食飯架啦，搵食搵食。周圍搵食就搵咗依間，餐廳裝修有種古色古香的感覺。餐具好新淨，座位又闊落。盤滿砵滿都是雞，份量都幾多，又大件，好足料，而花鵰酒的味岩好入哂雞入邊。蝦滑肉質好好，吾會話食落溝咗好多生粉個D口感。湯底藥材好足，眼見有紅棗，紀子.....令到成個湯的味道吾同哂。牛肉本身吾錯，肥瘦脂肪比重都差吾多，食落有口質得黎又有牛肉味。安格斯牛肉煮完變咗粉色，感覺好新鮮，食落好嫩。佢地個自家麻油好好味，甜甜地辣辣地，每一檯都會擺一支新的，感覺很乾淨。

有一段時間冇見呢兩位朋友，就約左月尾見個面食飯，揀左呢間之前喺報章有介紹過嘅蚊蚊豬火鍋，隱約記得內容話店主好鐘意食麻辣鍋，專程去四川學野兼入貨，咁樣我地都好有興趣去試下，週日晚訂左位置，餐廳位於太子附近，鋪位分為兩層，地下有大枱同少數細枱，木枱木櫈都幾有風味。枱櫈間唔會好逼狹，打邊爐張枱夠大好緊要，枱底仲好貼心有個籃仔等客人放個人物品。餐牌主打招牌牛油紅湯鍋，原材料例如野生椒、花椒、八角、丁香呢啲香料，都係喺四川、重慶等地入貨，強調正宗口味。另有雞煲、水煮魚鍋、花雕醉雞鍋等，定價$98-198，仲有啲雙拼鍋底優惠。小食、涼拌、刺身類都有，門口有新鮮游水海鮮，火鍋配料有海鮮、牛、豬、雞、自家製丸餃滑、蔬菜、粉麵，價錢公道，人均食左二百零蚊。因為朋友後到，我地就自己揸主意先落單。醬油 $15/位除左一般椒絲、蠔油、蔥花、蒜蓉，仲有自家麻油。好多四川重慶麻辣鍋都有自己嘅麻油，好似蜀大俠、小龍坎都有，加少少麻油冇咁傷脾位，又香啲。招牌牛油紅湯鍋拼豬軟骨鍋 $138鍋底上台時好吸引，口水分泌中，滿佈辣椒外，仲有一條金魚形狀嘅牛油，好可愛，加入麻辣鍋中，更加香、惹味湯底愈滾愈入味，帶少少麻，辣度啱

近排天氣甘凍 當然要打個邊爐暖一暖啦‼️今次去左蚊蚊豬試下佢嘅正宗四川火鍋🤨一去到 就見到枱上為你準備好圍裙 唔驚整污糟👍🏻仲有一樽樽麻油 原來正宗食法係用麻油 唔用豉油架🙈食火鍋之前 食個小食先 叫左黃金饅頭😍先將饅頭沈落煉奶到 之後一啖放落口☺️ 滿足喔👍🏻湯底叫左鴛鴦窩- 招牌牛油紅油湯窩同鮮菌湯底 上枱嘅時候仲有一個可愛嘅魚 原來佢就係牛油啦😛等紅油滾左 就可以放牛油落去 等佢溶☺️bye bye fish 👋紅油湯嗰邊好多香料 花椒八角同辣椒乾 超香呀🌶🌶鮮菌清湯 裏面有好多菇菇 有金菇冬菇秀珍菇👍🏻簡單清甜 中和紅油湯一流喔食物方面有💁🏻‍♀️三寶丸($88) 安格斯肥牛($138） 脆肉鯇魚片($68) 雞雜($38) 紅薯粉($28) 油麥菜($28) 三寶丸賣相靚仔 用左宜家好hit嘅層層架 包括有鯪魚球 蝦丸 墨丸 三款丸類都係手打嘅蝦丸有驚喜 好爽 裏面仲有粒粒蝦肉👍🏻😛安格斯牛肉 碌幾下就得嚕🤤 仲有雞雜🙈最愛雞潤 好味道👍🏻食麻辣火鍋點可以唔叫紅薯粉‼️‼️索唒辣汁 越食越過癮呀🙈最後用左清湯烚菜食下 健康地總結今次火鍋☺️