滑嘟嘟

营业中

休息中

大埔墟街市對大埔人一定唔陌生，今次上去買飯後甜品😎，最近熟食中心好似裝修緊，搵路有小小難道，哩間小店最出名係客家糍粑，$20/3粒 ，價錢算平民😮，一粒約有女仔手掌心咁長，糯米皮穿透睇到入面爆餡好似幾足料‼️ 仲有其他港式甜品，買完可以係熟食中心坐底食埋。屋企人食完都讚好味甜度啱啱好💛，花生芝麻餡好香口比例啱啱好，糯米皮煙韌有咬口，20蚊3粒CP值好高呀‼️後悔淨係買咗3個呀🥹🥹🥹，黎開大埔嘅朋友記得買黎做"手信"😎

隔咁耐先入去大埔一次，當然要食曬Bookmark左既野🤭週末既大埔熟食中心人山人海，其中一條隊就係滑嘟嘟🤫▪️ 客家糍粑 💲20 (3個)全人手即場製作，排左大概三十分鐘隊，就索性買兩盒🤓一盒即場食，糯米皮薄身，會帶點黏性，口感軟糯🥹另一盒帶左返屋企，依然咁出色，完全無變乾硬😌漲卜卜好飽滿既餡料，係炒過既花生溝黑芝麻粒，乾脆香口，甜度適中，感覺會有少少似係新年角仔餡咁🤣🔎 整體評分（8/10）

放假約左去大尾督踩單車🚴‍♀️準備由大埔墟出發又點可以吾買大埔嘅名品之一黎試下過試下😏☁️客家糍粑 （$20/3粒）糍粑輕輕咬落，外皮薄到吹彈可破🤤口感軟糯，都算幾吾錯內餡包入芝麻同花生🥜而且份量好足，咬穿個皮之後D餡就好似山泥傾瀉甘爆曬出黎，好滿足😳而味道方面，堅果嘅香氣足夠，而且餡料甜度吾高，整個啪都吾係問題不過聽聞小店嘅糍粑係即叫即包，即場新鮮食仲會係微暖軟熟。但略為可惜嘅係今日去到已經一盒盒包好曬囤左係到，所以食吾到最佳狀態

客家糍粑（單個$8，$20/3個，$40/6個）即叫即包‼保證夠新鮮！👍🏻店家包得好純熟，基本上唔使排好耐隊。糯米皮幾煙韌，皮薄爆餡，見到有網評嫌冇咩味，個人黎講，糯米皮唔係就係糯米香咩？本身都真係冇咩味架喎！🤔花生黑芝麻餡，一次過有晒兩種口味，味道幾香口，唔會過甜，買完最好即日食，唔好留過夜！另外，食左碗生磨芝麻糊（$17），口感濃稠順滑，芝麻味都幾香～美味指數：😋😋😋😋抵食指數：💰💰💰💰

客家糍粑 $8糍粑皮薄爆餡！糯米皮煙韌唔黏口，餡料係花生溝黑芝麻，份量超足，一邊食一邊漏出嚟🤣 花生芝麻炒得好香，而且係少甜配方，唔會甜到漏，好食😋〰️〰️〰️〰️〰糍粑有驚喜😍 一嚟糯米皮做得好好，煙韌軟糯，仲要唔黏口，二嚟餡料有齊花生同黑芝麻，滿足咗2個願望，甜度亦好啱唔係好食甜嘅我❤️ 如果要挑剔嘅話，會略嫌糯米皮冇咩味，帶返少少甜味或椰漿味可能會好啲。糍粑價錢唔係平，一粒$8，一盒三粒$20，但值得試嘅~ 〰️〰️〰️〰️〰️食物: 4.5/5性價比: 3/5 環境: 3/5服務: 3.5/5Revisit: Yes

超人氣嘅客家糍粑 即係平時大家食開嘅糯米糍～🔖 芝麻花生客家糍粑即叫即整 特別好食 皮超薄 餡仲多到滿瀉每粒糯米糍都加入大量芝麻與花生粒一咬開嗰陣大家要小心啲啲 如果唔係會跌晒出嚟 好鬼呢ʜᴇᴀ😛

客家糍粑（花生溝黑芝麻餡）單個$7 三個$18 六個$35糯米糍即叫即包，做到唔停手，個個排隊都叫一盒或以上。糯米皮煙韌，唔會太甜，皮同餡太約3:7比例，唔會薄到淨係食到餡。花生黑芝麻餡以花生為主，黑芝麻味偏淡，餐牌標榜少甜，真係少少甜都無，帶唔出餡料尤其黑芝麻味道，令芝麻味弱咗唔少。合桃糊+芝麻糊 $25合桃香味撲鼻，質感順滑帶沙沙合桃粒，香濃嘅合桃味喺口腔爆發，濃厚但唔會張口黐牙。反而芝麻糊香氣差少小，俾合桃香蓋過咗，單食芝麻糊，味道同樣唔夠合桃糊香，但都唔會好水好稀。

呢間喺熟食中心嘅食店真係好出名，講起糯米糍好多人都會諗起佢～去到會見到老闆娘用摩打手咁包糯米糍🤣佢叫客家糍粑 ($35)，有6粒，大大粒，外皮好軟糯，內餡好多，爆哂出嚟，如果喺街食都幾論盡吓😂入面有好多黑芝麻、花生同糖，佢唔會太甜，味道啱啱好🤤不過佢都幾有份量，我覺得每人食兩粒都差唔多，唔係就可能會好滯🤣如果經開大埔熟食中心，我覺得都可以去買嚟試吓，店內仲有唔同嘅甜品，例如芝麻糊，下次我都會試吓～

今次介紹下大埔名物先，與其嚟食粉果佬，不如支持下呢間客家糍粑「滑嘟嘟」﹗由上年開始到已經成日排長龍，拎咗飛就可以等number到自己再講要幾多盒，即叫即包，唔知點解睇住老闆娘包真係好治癒搬咗新街市嘅新鋪位仲係勁多人買即包「客家糍粑」﹗😛外皮超煙韌﹗入面嘅芝麻同花生餡好香😋------------------------客家糍粑 $18 3粒 $35 6粒每人限買一打炸﹗有心想食嘅就唔好太晏去買啦﹗🤣佢仲有合桃糊、自家生磨嘅芝蔴糊都好受歡迎，仲有薑汁芋圓😭

『薑汁手工芋圓』$28薑汁少辣微甜；手工芋圓幾Q，芋圓比薯圓香；圓子都幾多粒；店員話有生芋圓，可以買返屋企整，但我懶，唔想煮🤣•大埔岀名嘅糥米糍『客家糍粑』$8係皮薄、爆餡之選！白色嘅皮，軟糯有拉感；香濃芝麻無呃你，真係陣陳麻香；小編唔鍾意食花生，但好鍾意食QQ嘢；見到佢即叫即造，好吸引，所以叫咗粒試下；芝麻味比花生味重！同埋排我前面嘅太太，一買買咗半打，更想知有幾好食，所以叫咗☝🏽粒•#黃店 #黃色經濟圈 #yellowshop #良心小店 #香港小店 #hkshop #大埔黃店 #taipoyellowshop #黃小食 #掃黃行動 #滑嘟嘟

今日難得入大埔梗係要拜訪下依間幾出名既滑嘟嘟～原來係熟食中心入面😳除咗一定要買嘅客家糍粑做手信仲有芝麻糊/合桃糊/紅綠豆沙/豆漿/芋圓！.▫️合桃糊 $20 加芋圓 (唔記得咗加佐幾錢😶）幾經掙扎之下都係嗌左🙈諗住難得黎到又講到咁正～都幾大碗🙆🏼‍♀️仲係暖暖的🥰岩晒依家天氣食😚食落好細滑唔會好杰😍完全係0瑕疵！同埋合桃味真係好香～不過我唔建議大家加芋圓雖然口感都幾煙靭但係完全比合桃糊cover佐個味😶.▫️客家糍粑 $18/3粒係手信🤭一人一袋！除咗盒裝都可以單個買喺嗰度即場食😚內餡其實係：花生溝黑芝麻餡🥰粒粒都好有份量好大粒～每啖都咬到好香既花生同黑芝麻碎😍口感好豐富食落又唔係好甜！我隔日先再食都仲keep到好鬆軟好Q～.除咗外賣果度仲有得可以堂食😚可以即場新鮮熱辣食～～偶爾食下啲本地甜品懷舊下都好🙈而且真係好足料同個糖水好滑好香🥰佢d 紅綠豆沙仲好q用樽仔裝住～好似野飲咁😂 芋圓仲可以買返去自己整！去開大埔既話記得去買手信！

朋友介紹嘅，話去呢個熟食中心一定要幫襯嘅甜品。初初見到寫住客家糍粑唔係好肯定係乜，原來即係糯米糍。d餡係芝麻花生，皮好薄，餡料勁多，個皮勁軟熟，仲係少甜，買咗6粒，盛惠$35，抵食！

前陣子有住新界的親戚送我幾個滑嘟嘟出品的客家糍粑，說是大埔熟食中心的名物，一試簡直驚為天人，真的超好吃😭❗️於是決定親身去大埔朝聖，糍粑是現場新鮮製造，還有芝麻糊、豆漿、紅豆沙等。和一般熟食中心一樣，小店沒有自己的座位，只公共空間的桌椅，所以大部分人也是外賣回家慢慢歎。圖中👇🏻👇🏻👇🏻客家糍粑（$35/6件）消失的2件已乖乖落入我肚中哈哈～糍粑很大粒又聚手，而且重量全來自餡喔！從圖可見皮很薄，軟糯而不粘口，可惜糯米香偏淡，而且面頭太多粉。花生粒混黑芝麻餡，完全是我的菜🤩芝麻粒炒得很香，濃味又不會好膩，花生粒香脆，和芝麻餡一樣粒粒分明。而且芝麻餡不會像其他人糯米糍或芝麻餡很多白砂糖，用了少甜配方，的確沒一般芝麻餡那麼甜漏。重點是份量是爆餡級別，吃了幾次也是邊吃邊漏🤣論份量論味道真的沒什麼好挑剔，不過最好即日食用，放隔夜已經開始縮，所以真的不要貪心買太多，造成浪費就不好🙊

以前學校附近街市有檔糍粑好好食大個左之後街市裝修就再食唔返知道大埔墟呢間好多大埔友都讚行開行埋都會黎搵返回憶但好可惜次次黎親唔係無開就係賣晒...難得今次早左黎, 終於都俾我買到啦糍粑全部由姐姐即日人手製作有大 ($35/6粒) 有細($18/3粒) 仲有單1粒($7) 賣為食的我梗係買盒大同朋友一齊分享啦糍粑唔同糯米糍唔會有椰絲响面, 亦都唔使雪軟淋淋又唔痴牙嘅糯米皮包住滿滿嘅花生芝麻一口咬落去d花生芝麻多到瀉真係好好味雖然滑嘟嘟糍粑同以前細個食嘅唔同但係都有回憶嘅味道同場仲有芝麻糊 合桃糊 芋圓等甜品可以選擇全部睇落都好啱心水 好想食埋可惜仲要食其他檔...一次食唔到咁多...唯有下一次再試

舊時去大埔的話，我都會去廣福道附近橫街的一間小店「滑嘟嘟」買客家糍粑來吃，它結業後過了一段時間，原來最近在大埔熟食中心重開了，當然要食糍粑同其另一名物芝麻糊啦！雖然此小店都係同以往一樣只賣幾樣東西，但同舊店比，少了一樣我挺喜歡吃的黑豆豆腐花，幸好另一黑色名物芝麻糊仍在。這裏的芝麻估計是用石磨（因為舊店都係用石磨）去磨，故芝麻糊中仍吃到幼得來尚具口感的芝麻，感覺好實在，且芝麻香氣較一般糖水鋪的同類出品突出。不過這天吃的芝麻好似炒得over了一點，帶微微的燶味，所以要扣少許分。至於客家糍粑仍是即叫即做，簡單來說糍粑即是外皮較為煙靭的糯米糍。雖然糍粑外皮無乜味道，但由於有大量花生芝麻內餡支持，整體吃起來味道仍是足的。值得一讚的是餡中的芝麻炒得好香，且相對來說算少甜，感覺好似健康了一點點。兩樣東西（其中糍粑要了三個）都係$35，算相當抵食了。