影片
更多
2022-12-06
167 浏览
🍽Little Vegas (銅鑼灣)📍銅鑼灣耀華街3號百樂中心25樓1.Rainbow seven 系列- 富士山下🗻（Blue Lime and Lemon ）呢一杯系列嘢飲簡直佢要話係呢一間餐廳必嗌嘅飲品，佢外觀真係好似富士山，上面嘅雲呢拿雪糕慢慢流落嚟，裏面嘅藍色汽水味道有少少似雪碧或者波子汽水，望住個雪糕慢慢溶落嚟，覺得自己真係好似置身於日本一樣，打卡真係一流。2. 玫瑰草莓沙冰🍓除咗啱啱介紹嘅Rainbow系列之外，佢哋嘅沙冰都好出色。嘢飲上面有好大個cream，上面仲有啲玫瑰碎，下面嘅嘢飲係浪漫嘅粉紅色。味道都好吸引，係士多啤梨加玫瑰，酸酸甜甜，好開胃。3.雞翼好多重奏 🐥（麻辣，柚子，玫瑰）佢哋呢個雞翼好多重奏，真係滿足到好貪食嘅我，一次過可以享受三種唔同味道嘅雞翼。鍾意食辣嘅朋友一定要嗌麻辣雞翼，其實佢唔算太辣，但係佢嘅麻辣香味真係好重，好惹味。柚子雞翼都唔錯，上面放咗好多柚子醬，味道好甜，有淡淡的柚子味，有少少似食緊蜜糖雞翼。玫瑰雞翼好特別，有淡淡的玫瑰花香味，咬落去嘅雞翼都好多汁，係必食嘅菜式之一。4.明太子忌廉天使麵👼🏻佢嘅外觀好吸引而且好好食，佢上面放咗好多柴
📍銅鑼灣耀華街3號百樂中心25樓
1.Rainbow seven 系列- 富士山下🗻（Blue Lime and Lemon ）
呢一杯系列嘢飲簡直佢要話係呢一間餐廳必嗌嘅飲品，佢外觀真係好似富士山，上面嘅雲呢拿雪糕慢慢流落嚟，裏面嘅藍色汽水味道有少少似雪碧或者波子汽水，望住個雪糕慢慢溶落嚟，覺得自己真係好似置身於日本一樣，打卡真係一流。
富士山下
$52
35 浏览
0 赞好
0 留言
2. 玫瑰草莓沙冰🍓
除咗啱啱介紹嘅Rainbow系列之外，佢哋嘅沙冰都好出色。嘢飲上面有好大個cream，上面仲有啲玫瑰碎，下面嘅嘢飲係浪漫嘅粉紅色。味道都好吸引，係士多啤梨加玫瑰，酸酸甜甜，好開胃。
玫瑰草莓沙冰
$49
8 浏览
0 赞好
0 留言
3.雞翼好多重奏 🐥（麻辣，柚子，玫瑰）
佢哋呢個雞翼好多重奏，真係滿足到好貪食嘅我，一次過可以享受三種唔同味道嘅雞翼。鍾意食辣嘅朋友一定要嗌麻辣雞翼，其實佢唔算太辣，但係佢嘅麻辣香味真係好重，好惹味。柚子雞翼都唔錯，上面放咗好多柚子醬，味道好甜，有淡淡的柚子味，有少少似食緊蜜糖雞翼。玫瑰雞翼好特別，有淡淡的玫瑰花香味，咬落去嘅雞翼都好多汁，係必食嘅菜式之一。
雞翼好多重奏 （麻辣，柚子，玫瑰）
$86
10 浏览
0 赞好
0 留言
4.明太子忌廉天使麵👼🏻
佢嘅外觀好吸引而且好好食，佢上面放咗好多柴魚片，明太子嘅味道好出，真係放咗好多明太子。忌廉同明太子混合得好好，加埋天使麵真係流晒口水。
明太子忌廉天使麵
$116
11 浏览
0 赞好
0 留言
5.命運pizza 🍕（好惹味避風塘魷魚圈pizza,黑松露野菌pizza）
今次真係好滿足，可以一次過試晒兩款Pizza。由於我認為佢哋嘅餐單都好吸引，所以我交咗比廚師決定我食咩味道嘅Pizza。今次有機會試到好惹味避風塘魷魚圈pizza，佢哋真係好足料，魷魚圈佢落咗好多，佢做得好腍身，做得啱啱好。以佢嘅黑松露野菌pizza，好似完全唔使成本咁樣落咗好多黑松露，加埋野菌喺裏面，簡直天衣無縫。佢哋嘅Pizza做得好薄身好脆口，而且勁多芝士，適量洋蔥，真係同意大利做嘅Pizza有得揮，真係要試👍🏻
命運pizza （好惹味避風塘魷魚圈pizza,黑松露野菌pizza）
$128
18 浏览
0 赞好
0 留言
環境：💛💛💛💛💛5/5
衛生：💛💛💛💛💛5/5
食物：💛💛💛💛💛5/5
價錢：💛💛💛💛🤍4/5 ($474/2=$237💰）
P.S. 佢哋嘅餐廳做得好精緻，牆上面貼住好多彩色嘅漫畫，裏面好多美國經典漫畫人物既figure，好有特色。成間鋪都可以拎嚟打卡，啱晒我呢啲港女去。佢哋嘅服務態度亦都好好，服務員都不厭其煩咁樣為我哋推薦美食。佢哋嘅嘢食唔單止打卡一流，而且好有內涵，食得出廚師好有心機。喺銅鑼灣返工返學嘅朋友，有機會真係要試一試，絕對唔會令你失望。
张贴
