富軒

营业中

休息中

好耐冇食中菜， 與朋友到富軒吃晚飯😍， 位於銅鑼灣皇室堡6樓， 地點方便👍🏻。 店內光線充足，環境舒適。 之前食過一次晚飯感覺唔錯， 原來朋友都喜歡來這裏吃晚飯， 今次我們各點幾款小菜，✨至尊脆皮燒鵝$158、 菜膽螺頭燉雞$88位、 拔絲黑豚肉$168、 富貴炒龍躉球$148、 金銀蛋浸菜苗$98、 豉油皇銀芽炒麵$108、 紅豆沙。✨🔸至尊脆皮燒鵝🦆～外皮香脆，入口嫩滑，份量都幾多。🔸金銀蛋浸菜苗🥗～ 菜味濃，入口甘香， 營養豐富又美味。🔸拔絲黑豚肉🥓～ 外脆內嫩的口感， 醬汁層次感豐富， 甜甜酸酸， 記得趁熱食。🔸富貴炒龍躉球🧆～ 肉質彈牙的龍躉球， 大大件入口啖啖肉， 配上爽脆的西蘭花和西椒， 色香味俱全的一道菜。🔸豉油皇銀芽炒麵🍝～ 色澤均勻，炒麵乾身而不膩，面層撒上芝麻，配上銀芽及韭黃，香噴噴啊！🔸菜膽螺頭燉雞🥣～ 湯味很鮮甜，又足料。🔸紅豆沙🧉～沙狀口感， 而甜度適中。整體而言地點方便， 菜式有質素， 環境舒適， 喜歡吃中菜的可以一試。😉

周末黎銅鑼灣富軒晚飯，酒樓位於皇室堡6樓，地點方便。餐牌好多選擇，見到有好多優惠孖寶，不如就喺度揀。最後揀左兩款孖寶，包括深海花尾龍躉二味（即富貴炒龍躉球同古法蒸龍躉）$268同日式沙窩雲吞雞(半隻)+蒜蓉粉絲日本蒸大元貝(4隻)$278。茶錢$12 一位。蒜蓉粉絲日本蒸大元貝(4隻)日本蒸大元貝四大隻，元貝好嫩完全唔韌。蒜蓉，蔥花同粉絲超多，加左油，所以更滑。日式沙窩雲吞雞（半隻）先飲啖雞湯，雞味香濃又冇油。雲吞六隻，皮又薄又滑，饀細細粒有豬肉，西芹，冬菇同蝦，有d似餃子，超水準！雞份量足有半隻，另外有六條新鮮律白。富貴炒龍躉球龍躉球六大舊，連厚龍躉皮，啖啖肉，肉質厚實。配菜有西蘭花，茶樹菇同甜椒。另上一碟蠔油自己調味。古法蒸龍躉龍躉有八大舊，皮超厚，好彈牙，又係啖啖肉，肉質嫩過炒球，不過有少少大骨，都易挑。下底有雲耳。古法原來係大量蒜蓉加蔥花同豉油同油。味道都幾好。陳皮紅豆沙食完仲有糖水送，有紅豆綠豆揀。紅豆沙熱辣辣，好香陳皮味，甜度啱啱好。今晚試左四樣餸，個人最鍾意蒜蓉粉絲日本蒸大元貝同雲吞。服務正常，座位都正常，枱同枱之間都有安全距離。值得一提係呢度唔似得其他酒樓咁嘈，方便傾偈