廚十三老壇酸菜魚 (D2 Place ONE) (已結業)

已叫了小份酸菜魚🐟（2人份量）$268，其實都好大份，食極都仲有🤪魚確實好味，無骨魚肉滑無腥味食得安心。酸菜湯底加少少麻辣，惹味。只是食極都是魚、蓮藕片、豆腐及金菇，真食到有d悶🙈有另加粉絲，但已無Quota加其他餸食🫣。最愛的油條又無晒😣下次兩人來食食lunch較好，1人酸菜魚餐份量$88其實已夠我倆Share，另再加其他美食會較豐富😋廚十三老壇酸菜魚🐟都多分店，現有7間分店，之前試過銅鑼灣及天后，都幾好。#飲食情侶🥰#MagicCherry攻美食😋#MagicRaymond食好野🫰

聽聞呢一間係內地「太二酸菜魚」班底籌組但我覺得同太二味道差好遠有d油 同唔夠酸唔夠辣 但份量都算大 魚量都算多小份酸菜魚加兩份配菜$300未計加1 貴大陸好多 差唔多貴一倍價錢

疫情影響下，想搵一間餐廳可安心與朋友歡聚用餐絕不容易。 最近從同事口中得知， 老壇酸菜魚餐廳衛生做得非常出色，令食客安心之餘，食物口碑亦不俗， 今晚決定與好姐妹 2人一試 餐廳位置於地鐵站D2出口對面， 交通非常方便。 可能入坐時間尚早， 筆者沒有等候就被安排入座坐位的確非常寬敞舒適，在疫情的時勢下，空間感非常重要環境空氣流通。每枱也會奉上一壺清香麥茶，麥茶溫度適中，不會太燙或冷冰冰。這裡有三款份量酸菜魚供食客選擇，人少也可以享受酸菜魚美味前菜【碧綠翠荀】非常出色的前菜，荀非常新鮮。 荀砌成薄薄的一片片， 每一片入口都有著麻油香味，口感香脆開胃 前菜【正宗雞脾絲】同樣也是不得不推薦的前菜， 雞肉十分嫩滑， 入口 ~香香·麻麻·辣辣~ 與外間的手撕雞味道與別不同 二人分量 【酸菜魚】店員主動詢問筆者嗜辣的程度份量絕不惹少， 除了魚，非常多配菜。蓮藕片、雲耳、午餐肉、 支竹……魚肉大小適中，入口嫩滑無雪藏味， 其餘各款配菜也砌得薄身，好讓酸辣的湯底精華容易吸收於食物當中，享受酸菜魚之川式之樂。

我一向都鍾意食水煮魚酸菜魚, 但以往不嬲都會 係深圳按摩嘅時候食,一年大概食 四五次, 但呢大半年都唔會上去，所以就會喺香港尋覓唔同嘅川菜。 餐廳以酸菜魚為名， 喺尖沙咀， 荔枝角都有店舖， menu簡單， 主打的食物就是酸菜魚, 所以不可不試。我哋兩個人叫咗一份細酸菜魚，加寬粉，豆卜， 腐竹。另外叫咗兩份小食， 泡椒鳳爪，麻辣牛腱。酸菜魚用嘅係鱸魚， 只有一種辣度， 跟泡椒泡薑， 花椒粒，酸菜， 集酸，麻，辣。 鱸魚肉實淨，鮮甜， 連皮切得厚薄如一， 配料一份14蚊， 整體組合好味， 令人上癮，一食再食。 長直寬粉，口感彈牙。 豆卜普通但腐竹爽滑不糊 ，好有豆味。泡椒鳳爪， 清脆爽口，酸酸辣辣非常開胃。 麻辣牛腱， 我地通常叫牛展， 有麻油，辣油，香蒜，芫茜等。兩個人食一個細酸菜魚已經夠， 我哋叫咗咁多嘢食圍返都係250蚊一個人， 相當抵食，而且最緊要係畀人感覺乾淨衛生。