廚十三老壇酸菜魚 (D2 Place ONE) (已結業)

荔枝角食晏時段人流多，走上 D2 Place上面搵食。見嚟間酸菜魚專門店有位，午市套餐又不太貴，一於試吓。前菜黑木耳，酸酸辣辣，開胃。酸菜魚湯米線越食越辣，點解酸菜魚湯咁鬼辣，原來係有得揀不辣，點解店員唔話我知㗎🥹😤。魚塊好嫰滑。真係太辣，食咗一半己放棄。

真心評價，好耐冇食特登過嚟食！全香港執剩得一間，就知咩事！好難食，酸菜魚唔係酸菜魚，店員唔問佢有冇第二個Menu都唔拎嚟，想焗我食香辣烤魚？超級難食。為表示真係有嚟食，發張事後圖，平時少發表評論，但忍唔住！

開頭黎無論 lunch 定晚餐, 都覺得好味又抵食, 黎完又黎, 介紹比屋企人朋友同事架~自從疫情改變外出用膳習慣之後, 好陣子無黎了~ 後黎, 大家出番黎食嘢嘞, 但見佢 lunch 同 晚巿依然無乜冇人嘅!? 明明隔離間間都旺喎~經過近期嘅二餐晚飯一餐 lunch 後, 嗯, 原來大家都係正路嘅~唔止無咁抵了,連份量同味道都下降咗唔小…唉, 唔開心~ 我哋叫咗三個午餐$88/ each 另加一好笑話跟餐冇汽水了因為供應商冇比佢哋吓!? !? !?我哋仲咗個自選大盤干鍋當餸食唔平呀其實 因為四樣餸起, 所以呢碗加加埋埋貴過 2個午餐架~大盤干鍋 味道較重偏咸, 朋友們唔想浪費食物 努力堅持食咗幾塊, 而我食咗一塊蓮藕片 就直接棄權了, 因為真係太咸…呢個性價比低! 唔建議叫!魚片嘅質量都明顯冇以前咁好!Keep 到唔腥嘅, 但份量少咗好多 而且薄咗好多!同埋無咁滑無咁鮮了!

記得以前在銅鑼灣都吃過，約了朋友在荔枝角吃飯，果斷選擇廚十三，湯底很香，很重酸菜魚的味道，而且魚肉很鮮滑，湯底是帶芽菜等材料，並不需要額外再加材料就足夠尺尺吃了。重點是沒有味精的味道

口痕想食酸菜魚就試吓呢間😬晚餐食飯叫咗個老壇酸菜魚，另外加咗薯粉同埋金菇，個湯底酸酸辣辣好好食！而且好開胃，配合埋薯粉軟糯的質感，最鍾意酸菜魚係配襯薯粉，另外叫咗個白飯，酸菜魚送飯係一流！👍🏻👍🏻😋鍾意食酸菜魚都可以嚟試吓！

酸菜魚的湯汁酸辣可口，味道豐富而濃郁。魚肉鮮嫩多汁，與酸菜的酸味好夾，形成了獨特的風味組合。另外，酸菜的酸味能夠中和魚的腥味，令成道菜更加清爽，酸味使人食欲大增。此外，酸菜魚的配料也很豐富多樣。除了魚肉和酸菜外，通常還會加入豆芽、粉絲、豆腐、金菇等食材，使菜色更加豐富多層次。另一樣係涼拌皮蛋口感獨特，皮蛋的蛋白部分具有綿密的口感，而蛋黃則更加滑潤。這種結合帶來了豐富的口感層次，既有嚼勁，又有柔軟的口感。調味料在涼拌皮蛋的味道中係有關鍵作用。呢d 調味料能夠提供豐富的味道。

上星期四晚去咗D2 一期厨十三老壇酸菜魚，發現佢多咗d干鍋同埋烤魚，價錢仲比其他地方平，所以就入咗去試下坐低先發現原來依家仲有個特價四位套餐，468蚊有個大份酸菜魚同埋4款前菜加小食，計落人均100零蚊超抵食我地四個人即刻有選擇困難症唔知摼套餐好，定干鍋好？结果投票叫咗個套餐先！落單後约二十分鐘來齊所有嘢食，我地個個都覺得嘩嘩聲，酸菜魚勁大盤，另外4碟小食份量一啲都唔少！魚肉好滑配埋粉絲好夾，酥肉即叫即做好酥脆！最後仲叫咗2碗红糖冰粉結尾，口感特別Q彈過癮！最後埋單每人平均唔洗150蚊就食飽飽照抵👍我地已經约咗下星期再去試干鍋&烤魚，非常期待

一大班人嚟到呢度食酸菜魚，咕嚕肉，手撕雞，上湯津白，無骨鳳爪，豬手，蘇肉，手帕青瓜，麻辣青瓜，草菇菜心。夠晒地道，四川麻辣味。三百幾蚊一盤酸菜魚。下次會再返嚟食。

好日都唔寫食評，呢間野離哂譜！酸菜魚米線 竟然有 午餐肉 魚片真係魚就得兩三嚿，筍價得兩三嚿，唔知以咩食緊部隊鍋？。米線又勁小 ，仲小過譚仔 少米線，離晒譜， 1點食完 5點未夠已經餓，永不錄用！約好食都冇用啦 ，伏伏伏伏伏，伏過直升機🚁

叫咗三至四人酸菜魚嘅份量，酸菜魚肉質差，一夾落去就散，湯底無味，嘢食份量少，價錢貴，麻辣呠呠雞，數個11支竹籤，入面有兩支西蘭花，兩支鳳爪，兩支兩枝牛肚，兩片萵筍，兩支牛展，就88蚊，食完不歡而散…..下次不會再光顧

想不到廚十三酸菜魚，味道不錯，份量足。侍應雖然不多，但服務既親切也很周到。我們2個人叫了2人份，再加了很多配菜，午餐肉，寛粉，青筍片，蓮藕片等。酸菜魚肉質很好，嫩滑爽口，配上其他配菜，整碟都很豐富，十分飽肚。細食人士，可以叫多個人一齊分享。

好耐冇食酸菜魚，所以約埋d朋友去食。揀左荔枝角呢間分店食，我地因為肚餓所以晚上5點幾就去左食😀十三涼粉，味道麻麻辣辣咁，但我就唔太鐘意個質地，因為好冧身，純粹個人口味唔鍾意。重點既酸菜魚😍😍😍魚質地彈牙，而且佢個酸菜唔會太酸太咸，佢既湯汁配白飯食一流👍👍👍另外佢仲有其他配菜係入面（金菇、粉絲、豆腐），我地仲另加左午餐肉$32。麻辣砵砵雞其實姐係辣串，個汁同之前個涼粉一樣。有牛柏葉、鵪鶉蛋、牛展、萵筍片、土豆片等等…..呢個酥肉熱辣辣好好食，食左咁多辣野食反樣炸野可以中和返個味蕾👍最後仲點左紅糖糍糂4件，因為我地5點幾去仲有午餐餐牌叫，所以點埋呢個食。味道正正常常，好食的！總結反廚十三都算係係香港我幾鐘意食既酸菜魚😋😋味道做得好岩口味，而且仲有好多唔同小食叫。

兩個人收工食晚飯，去咗廚十三食酸菜魚，酸菜魚份量有分3種：土豪份適合4人$598，大份適合3人$478，小份適合2人$338。我地就叫咗個二人份量。再叫多咗份麻辣豬耳仔$88同雨露均沾$58酸菜魚份量好多，魚肉有10幾片，魚肉好滑無骨，仲有少量金菇，薯粉，蓮藕片兩個人基本上夠食。湯底酸辣好惹味會聽唔住飲多幾啖湯。麻辣豬耳88蚊份量多好抵食，係比較辣咗啲，豬耳軟骨唔會太硬，易入口容易消化。雨露均沾就即係糍粑，口感軟糯，但記得趁熱食。

呢間酸菜魚係我心目中絕對係top 3, 而且分店唔少，呢一日就黎左D2 分店食lunch。🐷老壇酸菜魚中午2人餐 ($168）2人餐可以揀飯或者米線，我揀左米線貪佢會索甘d湯入味d。佢包左指定配菜有金菇，豆腐，蓮藕片。另外可以自己再加配菜由$28-$32不等。我加左兩個配菜分別係午餐肉($32)同青筍片($28)。食物黎到係超大份，兩個人一定夠食，湯底好夠味，酸得黎唔會話好辣。魚肉係無骨魚肉，肉質好滑而且唔腥，份量好多食極都有；配料全部都索左d湯好好味。呢個價錢係包埋兩罐汽水，我覺得性價比好高。

身為酸菜魚愛好者，緊係周圍搵好味嘅酸菜魚！網上見到唔少人分享過「廚十三」呢間酸菜魚，緊係要試試佢😋.🍴小份酸菜魚雖然話小份，但份量好多，足夠三個人食都得😄呢份酸菜魚入面已經包埋粉絲，我地自己另外加萵筍、蓮藕、白飯已經好飽😋👍🏼.味道方面，今次叫左小辣，但都唔會好淡，味道岩岩好！鐘意食辣嘅朋友仲可以嗌中辣或大辣😋.魚肉方面，肉質鮮滑，唔腥又無骨，呢個價錢食到咁好質素嘅酸菜魚，真係性價比高！😋😋.不過餐廳提供嘅飲品種類就比較少，主要係樽裝/罐裝飲品，例如汽水、王老吉。如果可以有更多特色飲品就更好啦！😄