Kremaro (已結業)

一直都知道有呢間鋪頭嘅存在，最近朋友share咗佢哋呢度竟然有Hoji-matcha Latte，實在太吸引😍身為茶控嘅我又點可以錯過～因為當日有少少熱所以我哋揀咗Iced Hoji-matcha Latte ($48/ 買bagel加配+$25)。首先賣相已經好吸睛，有漸層好靚🤎💚飲落去我覺得焙茶味較綠茶味重，茶味絕對好夠仲帶點回甘！甜度我哋揀咗正常，我個人覺得剛好，如果少甜就可能會偏苦。另外我哋仲試咗小山園麻糬Bagel ($38) 同大甲芋泥Bagel ($38)🥯 店員仲好細心咁翻熱咗啲Bagel先俾我哋食，熱辣辣香噴噴仲外脆內軟，係我鍾意有啲咬口嘅口感，不過我同朋友都覺得如果Bagel再多啲餡係好啦🙈 抹茶嗰款都幾濃味仲帶點回甘，有拉絲嘅麻糬🍵 呢一款芋泥就好綿滑，咬開入面嘅顏色仲好靚！絕對會再回訪呀👍🏻

@kremaro.hk 𝙞𝙨 𝙖 𝙜𝙧𝙖𝙗 𝙖𝙣𝙙 𝙜𝙤 𝙘𝙤𝙛𝙛𝙚𝙚 𝙨𝙝𝙤𝙥 𝙞𝙣 𝙘𝙖𝙪𝙨𝙚𝙬𝙖𝙮 𝙗𝙖𝙮 𝙬𝙝𝙞𝙘𝙝 𝙨𝙚𝙧𝙫𝙚𝙨 𝙘𝙤𝙛𝙛𝙚𝙚, 𝙙𝙧𝙞𝙣𝙠𝙨 𝙖𝙣𝙙 𝙥𝙖𝙨𝙩𝙧𝙞𝙚𝙨. 𝙠𝙞𝙘𝙠𝙨𝙩𝙖𝙧𝙩 𝙮𝙤𝙪𝙧 𝙙𝙖𝙮 𝙬𝙞𝙩𝙝 𝙖 𝙜𝙧𝙚𝙖𝙩 𝙘𝙪𝙥 𝙤𝙛 𝙘𝙤𝙛𝙛𝙚𝙚!💯.最近喺銅鑼灣經過好幾次呢間扮food truck嘅coffee shop，終於有機會一試，焙茶抹茶latte可以揀少糖或無糖更加凸出茶香，好鐘意每啖都有回甘嘅感覺，另外espresso tonic有淡淡堅果咖啡豆香，又唔會太搶tonic water嘅酸甜味，味道平衡得好好！除咗飲品外仲叫咗佢地招牌bagel，由濃濃嘅小山園抹茶粉製成，包住抹茶醬同超軟糯嘅麻糬，尤其依家天氣涼涼哋整翻熱食真係不得了😍 棉花糖同oreo呢個配搭一向無得輸，美中不足係曲奇得凍食，有得整返熱會好好多！