阿三大牌檔

营业中

休息中

同朋友仔食飯，諗住食大排檔就上open rice 搵下，見到呢間*阿三大排檔*好多好評，就一於試下小炒王味道👅夠，好夠鑊氣份量多。魚仔好乾身香脆、仲有最傳統的芋頭絲魷魚好彈牙，仲有腰果蝦干👍回味無窮值得一試蜜糖柚子一字脆骨有驚喜炸粉薄身酸甜味道適中，肉質嫩口、脂肪比例平均一咬入口滲著濃濃的蜜糖柚子味，感覺唔會好熱氣。總結：環境大，乾淨整齊，坐得舒服。職員有禮貌，好好人又唔會趕人價錢合理份量大，勝價比高鑊氣夠，一定會繼續支持。

呢間大排檔不得了👍🏻裝修夠新淨，環境夠清潔👍🏻有別於傳統嘅大排檔。坐低好舒服！餐牌選擇好多，花多眼亂😂我地叫左D皇牌必食嘅鑊氣小菜小炒王：呢味餸間間大排檔都有，但唔係間間好食！今次呢個就正啦，蝦仁夠爽，魷魚量多，欣賞佢加入左炸芋頭絲，令個小炒王增加左「脆」呢個口感👍🏻必食！❤️孜然牛肉：一上枱已經聞到好香孜然味，味道當然係又香又惹味，牛肉片片大塊，仲好嫩滑。豆豉鯪魚炒油麥菜：油麥菜始終都係大排檔炒果D先係最油潤最好味。我係屋企點都煮唔到咁惹味😂連我個唔鍾意食菜嘅朋友都一齊清曬碟👍🏻最後介紹埋個燒烤，我叫左墨丸同雞中翼！超好食😋墨丸又大粒又彈牙！雞翼皮香脆，肉滑！必食呢間嘅燒烤，塗左滿滿嘅香料醬去燒🤤非常惹味，非常好食👍🏻無論小菜定燒烤小食都好惹味，價錢亦唔貴，坐得闊落舒適👍🏻會再幫襯🤩

心血來潮想去大排檔，都唔一定得中心區先有嘅，遠至大埔都有得食仲要係新式大排檔，又大又是正，入去試吓先味道完全同傳統大排檔不遑多讓，呢味脆蝦球深藏功力大大嚿，外脆內綿，蝦肉鮮甜，醬汁甜甜地，正過沙拉骨大鱔煲好抵食，裡面嘅大鱔塊塊都好厚切好嫩口，多到食極都仲有而且仲有大大嚿火腩，夠晒惹味，枝竹、菇同蒜粒都好正大排檔人氣莫過於小炒王，足料又炒得香，腰果白飯魚同魷魚都好有嚼口胃弟話原來韭菜係降血壓，咁要食多啲先得喇

喺大埔近太和附近新開左一間大排檔，一坐低睇餐牌就發覺佢呢度嘅小菜好多選擇，餐前小食啦、鐵板啦、仲有避風塘、金沙、椒鹽炒海鮮呢啲大排檔必嗌嘅小炒～菜式多到應該有60-70款環境嚟講呢度嘅座位好多好大，亦都有好多卡位，都幾啱一家人一齊嚟食或者一大班朋友食都OK！沙嗲粉絲滑牛煲 滑牛爽口彈牙，粉絲係極多，而且好入味，差唔多次次一大班人食都一定有佢小炒王 大家有叫過都應該知道小炒王太上得最快，腰果好吹口而且仲有鮮魷條，味道比較濃郁，都係一個好啱撈飯食嘅選擇✨啫啫蝦乾唐生菜🥬可能因為加咗蝦乾，啲菜索晒啲蝦味，忍唔住係咁食，估唔到最驚喜係炒菜🤣咕嚕豬頸肉呢度嘅咕嚕肉係用咗豬頸肉，係冇骨嘅，同埋肉質口感就更加爽口肥美！

天氣咁熱 ，多數人唔會去大排檔食飯， 但係而家嘅大排檔已經有冷氣，坐得又舒適，真爽嚟到大排檔食飯，一定係貪佢夠鑊氣，重有叫埋啤酒同汔水，一班朋友一齊就可以叫多幾樣餸，9成的小菜價錢都唔過100蚊，又唔駛加一同茶介，樣樣都試暈，都唔駛好多錢，可以開懷大食！ 我覺得最緊要係又唔限時間。今次食完最推介兩樣餸， 小炒王同椒鹽九肚魚。小炒王有好多料，有韭菜，蝦乾，鹹菜，鮮魷，仲有啲唔知咩絲，一啖過放哂入口，好好食椒鹽九肚魚，炸得好鬆脆 ，魚肉又嫩滑， 好適合配啤酒。 其他小菜的味道都唔錯，可以再食。 完