小皇府 (MOKO新世紀廣場)

营业中

休息中

星期六晚去MOKO小皇府貪佢可以訂位，當晚點咗：1. 蒜蓉粉絲海蝦煲CNY2. 東湖陳醋肉排3. 濃湯花膠雞煲4. 啫啫石鍋生菜5. 小皇府鮮蝦雲吞麵6. 小皇府鮮蝦餃（4件）其實整體入坐同出品，都算係中規中矩，個肉排同蝦餃都係好食，唯獨係個「蒜蓉粉絲海蝦煲CNY」，其實係可以報海關，因為啲蝦係用「羅氏蝦」，以小弟認知「羅氏蝦」係淡水蝦，絕非鹹水蝦，你個餐牌寫海蝦絕對係存在欺騙成份⋯⋯除非你同我講C N Y呢3個字代表可以呃人啦！

應承左媽咪帶佢去食一盅兩件, 但每朝都唔願早起飲早茶, 記起早前經過MOKO小皇府, 全日都有點心供應, 今晚就同媽咪去嘆返餐。餐廳設大部份卡位, 坐得舒服,除左點心, 仲有多款小炒, 粥粉麵飯都有, 款式多多, 【小皇府鮮蝦餃（2件）】HK$22蝦餃脹卜卜, 皮厚薄剛好, 蝦肉餡料鮮甜彈牙, 足料好味!!【蟹皇滑燒賣（4件）】HK$40皮薄, 蝦肉跟豬肉餡料各佔半, 鮮味juicy, 蝦肉彈牙【台式脆蝦腸粉】HK$38腸粉皮包住脆蝦, 一咬落去, 中層炸皮還是脆脆的, 包住爽口蝦肉, 食落有層次, 點少少甜豉油提升味道。【紅燒BB鴿】HK$68/隻BB鴿雖炸皮不是脆脆的果種, 但肉嫩多汁, 味道唔錯。【海鮮酸辣羹】HK$45有豆腐絲、蝦仔、帶子粒、紅椒絲, 酸酸辣辣, 辣度偏高, 惹味開胃【粟米蟹肉羮】HK$45粟米、蟹肉份量多, 整體鹹左少少【小皇府鮮蝦雲吞麵】HK$52麵質彈牙, 大地魚湯清甜, 有淡淡韮菜香, 雲吞皮薄又足料, 蝦肉餡料鮮甜彈牙, 一碗有5粒, 正!【和牛牛丸麵】HK$56牛丸質地有如牛肉球, 軟腍腍的, 配上清甜大地魚湯底+彈牙麵質, 同樣不錯。

窩夫與蝦子餅日前光顧MOKO新世紀廣場的小皇府，原來假日下午五時前結賬離座點心有八折優惠。蝦子餅要試的小皇府鮮蝦雲吞麵($48)，麵質夠爽。雲吞大小適中，裡面的蝦新鮮爽口。小皇府叉燒腸粉($35)有驚喜，腸粉很滑，厚薄適中，叉燒份量十足，加了芫茜令味道更有層次。小皇府鮮蝦餃($22)一籠兩隻，一人一隻剛剛好，蝦餃皮薄薄的，包著新鮮的蝦肉，爽口彈牙，水準之作。鮮竹牛肉球($30)口感彈牙，做得不錯。原隻花膠灌湯餃($56)是窩夫近年吃過最好吃的灌湯餃，上湯清甜不過鹹，灌湯餃皮薄且足料，加上大大隻的原隻花膠，膠質豐富，口感一流。小蜜蜂流沙包($28)賣相可愛，打卡一流，不只好看，也很好吃。

同媽媽出區外飲茶，火車沿線，旺角東MOKO新世紀廣場好方便，行一陣商場先去食嘢新派中式食肆，食物種類多到你唔信，點心，湯麵，粥品，炒粉麵，小菜，等等…..大閘蟹季節，見有生拆蟹粉小籠包，一人叫咗一隻。裏面肉汁飽滿，侍應很體貼的替我們把小籠包盛在小碟上，解除了我擔心夾出來會弄破的疑慮。皮薄餡靚，湯汁香濃逢星期一至五全日85折，試下啲相對較貴嘅點心，都唔會肉痛。原隻花膠灌湯餃，好大條花膠，滿滿補充骨膠原，足料灌湯餃，啖湯好清甜野菌獅子魚餃，外型好趣緻，黃色外皮晶瑩，可以透到裏面餡料豐富，色香味俱全飲茶又點少得蝦餃，分一籠兩件或四件，叫咗兩件，蝦肉彈牙仲想試下雲吞麵同粥，鮮蝦雲吞麵，面頭鋪滿雲腿絲，加添鹹香，一碗有五隻雲吞，新鮮彈牙，麵質也夠爽生菜鯪魚球粥，一碗也是有五粒鯪魚球， 媽媽最愛鯪魚球裏面有陳皮，粥底夠綿雖然兩個人，既可以飲茶，又可以食雲吞麵同粥，唔錯