小皇府 (MOKO新世紀廣場)

营业中

休息中

小皇府牛肉麵是一道經典美食，湯頭濃郁，牛肉鮮嫩，麵條彈牙，搭配新鮮青菜，口感層次豐富。每一口都充滿滋味，無論寒冬或夏季，都是令人滿足的選擇，讓人感受到溫暖與幸福， 下午茶食小小野一流， 最重要唔洗等位

有位長輩請食飯，我地一行8人應約到 Moko 2樓小皇府。裝修幾清雅，令人有大方得體嘅感覺，見到擺枱唔逼，應該坐得幾舒服。可能人多，俾大圓枱我地坐，中餐就有呢個好處，圓枱傾偈方便得多😄。東道主已經點菜，我地坐低就陸續上菜，先有柱候牛筋腩，入味又夠腍。白灼豬雜，豬膶爽、豬腰脆，以前未食過豬心，原來咁好食，同雞心質地差唔多，當然大塊得多而且切咗薄片，我忍唔住食咗幾片😅，雖然無食粉腸，但隔離朋友食，見到粉腸處理得好乾淨，食唔到豬肚(因為唔夠分)，朋友都話軟硬適中，，估唔到份豬雜做得咁好，竟然全無羶味、異味，睇嚟落足心機👍。(唔夠朋友快手，已經夾咗好多，所以無影相)胡椒蝦，勁多原粒胡椒，極香，蝦夠新鮮，石鍋保熱，食落更惹味。然後來一碟和牛牛柳粒，入口即爆出油花，牛味濃郁，個個都密密食，好快清碟。蔬菜有欖菜肉鬆四季豆同肉碎福建菜花，都夠鑊氣。鮑汁鳳爪好夠腍而且入味之餘唔會死咸。最後加咗水餃麵、水餃足料有蝦、木耳同筍，蝦子麵好彈牙，唔會煮過龍。仲有燒賣，入面唔會好似一般酒樓咁大部份係肥豬肉，抵讚﹗掛住食，後加呢2樣都唔記得影相😆食完呢餐飯都無口乾，應該無乜味精。侍應人手不足，係有D怠慢但仍算殷勤有

今天相約朋友再次到訪位於旺角 MOKO 的中菜館「小皇府」，裝潢雅緻企理，用餐環境舒適提供多款點心、粉麵飯及小菜等-🔹本地吊龍炒菜遠 $158吊龍份量不多，口感軟嫩無筋惟牛香未算突出；菜遠翠綠新鮮，炒至爽嫩，整體中規中矩-🔹東湖陳醋肉排 $138肉排份量正常，選用部位脂肪比例較高，油膩感偏重；陳醋味道輕酸偏甜，適合下飯-🔹鮮蟹肉魔鬼魚餃 3 件 $42樣子不精神，更有「穿皮」情況餃皮粘糯濕潤；蟹肉及魔鬼魚餡料口感偏腍，吃到淡薄的蟹、魚及菇香-🔹鮮茄上湯鮮竹卷 3 件 $36以鮮茄煮成的鮮竹卷在坊間不多見；鮮竹卷外皮輕脆帶點豆香；豬肉餡料鮮味一般，口感順滑，鮮茄有開胃解微膩之作用-🔹龍鳳熊貓流沙包 2 件 $42追上潮流提供近期爆紅的熊貓點心賣相一般未算可愛精緻；包體偏乾硬；反而流沙奶黃餡料有驚喜，甘香濃郁，蛋黃香十足，甜度剛好，應該是整頓飯的 VIP-茗茶每位 $12，另收取加一服務費整體用餐體驗比較失望，餐廳選材及出品與價錢不相符，對比首訪及二訪時質素大相逕庭，性價比不高，短期內不會回訪！

約咗老婆moko dinner ，食完於旺角東去紅磡睇城城演唱會會方便好多… moko 食嘢其實都好多選擇，又想快食快走，經過依間好似簡簡單單又冇乜人，就入去試吓….叫左幾個點心，2碗雲吞麵… 一入去坐就問你飲乜茶，應該計茶位😂，d 野好快上到，乎合我要求，雲吞麵正常，冇乜肥豬肉，蝦大隻，蘿蔔糕ok 冇乜特別，千層糕夠薑味夠熱，鮮竹卷用茄汁唔係人人like , 我都接受嘅…. 安排坐最出面卡位，有點熱冇乜冷氣.. 埋單3XX…食物普通所以冇影相喎… 😂😂

雖然午餐不用多等位都可以入咗 即叫即蒸但食物質素沒有熱辣辣出煙的感覺 茶錢12蚊一位便宜的 泰式吉列鳳尾蝦好差只有粉的感覺 哪個豬手原本想食但都要160蚊實在太貴茶記質素星級收費 小菜 及粥品都是貴價價錢 如果首次嘗試 就不會付這麽貴的價錢如果點心畀多十零蚊價錢就可以去念川居皇府叉燒腸40蚊念村居蜜汁叉燒腸56蚊小皇府鮮蝦餃兩隻 26蚊念村居的乾炒牛河好味178蚊如果想座耐一點不如去酒樓好過點心也會多點選擇食得開心

超難食超吾值得的下午茶今日本來落旺角食飯，但因為大雨所以系moko,原來food court已經無左，睇到哩間裡面幾多人，下午茶又有菜又好似便宜咪哩間嘍。下午茶有點心，飯麵，菜，本來配搭真幾好。蘿蔔糕 (3分)— 3個點心唯一合格的一個,算有蘿蔔味，燒賣 (1分)— 無肉味，超硬黃金糕(1分)— 有一邊乾曬，咬落好勒，好似橡根雲吞麵(1分)— 雲吞好似做左好耐，硬曬— 無暇味，— 湯底無大地魚味，好差— 麵好似未煮過心揚州炒飯(1分)— 得好乾吾爽的蝦仔加火腿— 炒飯好似生米咁菜(3分)服務超差—問女侍應兩句黑面加走開價錢— 本來只是$75的下午茶餐，茶錢連加一都$20,離譜    

今天一個人中午1:05到達小皇府，女侍應安排我坐問口，裡面有大量坐位，才再安排另一張枱，遠處一圍老人機舉機拍攝，見到好似有影我。發現枱上茶壺玻損，要求更換，女侍應態度差冷笑，埋單收$84蚊包括12蚊茶錢。香港食店超差

同朋友約埋飲茶，朋友話想出旺角食，因為中午食飯時間都驚多人，如果搵一間有得book位嘅酒樓會穩陣啲想來OpenRice搵咗旺角嘅酒樓，見到呢間小皇府，見到有好多點心嘅賣相都好靚，又有得book位，咁就唔驚大家嚟到又要等好耐，於是就book咗位一開頭以為呢間係酒樓，但嚟到門口見到先知原來係點心專門店，但係佢嘅鋪位好大，坐得好舒服，唔會好迫，加上裏面嘅職員每一個都好好人，非常有禮貌到一坐低時打開張點心紙，見到點心紙好多點心選擇，睇到我發多眼亂，最終我哋叫咗一碗雲吞麵、一籠燒賣、一碟叉燒腸粉，冇諗過點心咁好食，上枱時仲係熱辣辣，雲吞麵嘅雲吞好爽口，好新鮮，麵亦都好彈牙，朋友食完都讚不絕口，話下次一定要再嚟食

之前都有喺度飲茶食過晚飯， 性價比算唔錯 ，見出咗個 夏日海鮮餐， 適逢要同朋友慶生，所以我提議去食呢個餐。 第一道上嘅菜就係 清酒冰鎮鮑魚， 鮑魚新鮮彈牙。 胡椒焗蝦，用石鍋上，keep住熱騰騰， 胡椒炒得夠香，蝦夠鮮甜。 荷香蒸石蠔 ，夠大隻，再加調配過嘅蒜蓉辣椒豉油，吊出鮮味。 油浸筍殼魚外脆內嫩，無得彈。 然後上咗個菜，濃湯竹笙鴛鴦菜遠，原來係菜心同芥蘭。豉椒花甲煎米粉底， 米粉煎至兩面黃，再配惹味豉椒汁，花甲好新鮮，好快清碟。 紅燒BB乳鴿，夠脆皮，調味啱啱好，唔會過咸。用杏汁蛋白露作為結定 ，唔會太甜，好滋潤養顏。 雖然人手不足，不過招呼都算幾好，而且坐得舒服。呢餐每人二百幾，已經夠飽有餘，值得留港消費！

就15分鐘前，我們二人想入座，要等位。但內裡有位，起碼三枱冇人，問接待阿姨，佢話有人book位留位。冇計，我地就等啦。但等左5分鐘，有另外3位顧客拿位，即刻有得入座。我想問呢d係乜服務態度？香港飲食業多得你地唔少。呢人番晒大陸食野唔係冇原因，唔好下下賴人。

跟朋友飯聚，地點選了旺角，因為大家都方便，之後就想找一間沒限時又可以吃點心小菜的地方，朋友介紹這裡，而且可以在openrice訂座，這個太合我心意了我們這次點了‘’東湖陳醋肉排‘’、‘’西芹腰果炒雞丁‘’、‘’溫公粗齋煲‘’，最後加了“小蜜蜂流沙包”和“芝麻蛋散”味道不錯，環境也不錯，下次再去可主攻點心試試

行過幾條街，終於搵到咗呢間食店。一入去，感覺就好似入咗一個香港茶樓，四周啲聲音嘈嘈闹闹，我就知我黎咗啱地方喇！首先，同朋友點咗「香蕉蜜糖金雞翼」，脆口外皮包住甜滋滋嘅蜜糖，香蕉味又同雞翼嘅鹹香搭得好，正！點心部分，「BBQ豬仔饅頭」好得意，香口BBQ叉燒餡料配上鬆軟嘅饅頭，童話感覺好重😍，哩個真係好入味。而「黑椒牛柳包」多汁牛柳肉片，微辣嘅黑椒味道令人一啖接一啖。最後嘅驚喜係「酥皮流心奶皇包」，提起蓋嘅時候，奶皇流到咁滑嘅，真係流晒出黎，這個味覺經驗簡直係「爽滑得意」到爆燈💥！快啲拉埋朋友一齊去飲茶，有得食又有笑聲，咁嘅飲食體驗，真係要大讚一句：夠曬淋！👏👏👏

星期六晚去MOKO小皇府貪佢可以訂位，當晚點咗：1. 蒜蓉粉絲海蝦煲CNY2. 東湖陳醋肉排3. 濃湯花膠雞煲4. 啫啫石鍋生菜5. 小皇府鮮蝦雲吞麵6. 小皇府鮮蝦餃（4件）其實整體入坐同出品，都算係中規中矩，個肉排同蝦餃都係好食，唯獨係個「蒜蓉粉絲海蝦煲CNY」，其實係可以報海關，因為啲蝦係用「羅氏蝦」，以小弟認知「羅氏蝦」係淡水蝦，絕非鹹水蝦，你個餐牌寫海蝦絕對係存在欺騙成份⋯⋯除非你同我講C N Y呢3個字代表可以呃人啦！

呢間點心好不錯，小朋友都好鍾意。小朋友一見到個蜜蜂流沙包，已經爭住食，一咬啲汁漏晒出嚟，推介。炸雲吞好香脆，但係蝦就比較細粒。燒賣蝦餃不過不失。個芝士波都不錯，整體合格以上。

下午兩點半後經過餐廳門口，人不多，便進內用餐。由於沒什麼胃口，所以點了一碗豬膶加豬腰的雙併粥，記得之前曾經食過很不錯，今次再食。味道依然保持水準，配料份量充足，豬潤爽滑沒有血腥味道，豬腰爽脆，帶有紹興酒的味道，整體來說，有住家味道。