夏麵館 (寶石大廈) (已結業)

屋企附近都冇咩好食 見到呢間有位就揀左呢間食坐底個陣邊睇openrice變揀嘢食 見到都唔少差評 即刻有少少想走 心諗唔係又中伏呀😣但食落又比想像中好🤫全場最佳— 炸饅頭！夠脆夠熱 雖然係0技巧嘅食物😂但平時唔會自己整🙈呢度28蚊有6個都幾抵食 呢碟得勁少肉🥲冇乜特別得豉油老抽味小籠包 冇特別水煮牛肉比想像中好食～牛肉好多都有筋 數量10幾片左右奇怪嘅係佢用雞絲粉皮啲粉皮取代薯粉😂真係好新奇 個人嚟講如果用翻薯粉/寬粉會開心好多食完餐飯都幾口渴 唔知係咪因為呢道菜🫣未食過又見餐單寫推薦所以叫左 一嚟到好似香蕉煎餅🧐食落冇乜紅豆甜味Err 就係冇特別好似食緊冇味嘅餅咁 有啲浪費quota春卷冇特別擔擔麵好抵食 勁大碗 食落陣味都唔差

只會點黃魚煨面，等到二點下午茶、仲加20蚊點了小籠包。煨面湯底算是少數外出食飯我會飲的，但呢個真的不錯，面份量就多左點，永遠食不哂。另外佢杯豆漿也不錯👍🏻小籠包一籠四粒都好飽肚的，如平時只點一碗面都足夠。但真的好好味，食足十年了😂

今次又黎到荃灣夏麪館食上海野，好食嘅上海菜館荃灣其實都唔少，呢間係其中一間，而且仲有加錢甜品任食，有驚喜！所以緊係要約朋友去食返餐勁啦。鮮肉小龍包一定係必點，皮雖然唔算薄，但入面有勁多湯汁，湯汁滋味濃郁，仲超級熱辣辣架，所以記得要好小心咬！唔係會辣到個咀架。一人有兩粒，超滋味。煎餅煎得薄薄脆脆，好惹味。回鍋肉香噴噴，有肉片有菜有紅椒綠椒，少少辣勁有鑊氣，勁惹味，用來送飯一流。擔擔上海麵份量好足，味道又正宗同好味，濃濃嘅麻醬味，嗅覺味覺都好享受，而且係上海幼麵，非常掛湯，令每啖都會有麻醬又食到肉碎粒粒嘅香口口感，熱辣辣真係好好食。食左咁多邪惡美食梗要叫個菜，火腿津白清清地而且又有幾片咸肉，同津白一齊食互相提鮮，又唔會覺得火腿太咸，而津白又唔會淡而無味！正另外加左20蚊任食甜品同夏味熏蛋。熏蛋煙熏味濃，而內入面流心黏住咀，很香。甜品方面我地叫左豆沙鍋餅，擂沙湯圓，薑茶湯丸，仲有仲有，非常cross over 嘅貓山王榴槤高力，一次過試晒咁多甜點，咁樣以甜點作結真係太滿足。最正係任食，鍾意食的，可以狂點。太多太多款甜食了，不能盡錄，又正又好抵食。

今晚又罷工唔煮飯 想去食醉雞小籠包 就叫埋女女去夏麵館等😸今晚好旺場 早去都要等一等🙀 不過為咗醉雞都值得既😼醉雞好香花雕酒味 除左花雕 仲好似加左其他酒 層次好豐富 食落又唔會話過苦😼 每次食都覺得好好食 雞皮夠爽 雞肉面仲有層薄薄既啫喱 好入味好滑😽小籠包有四隻 好多肉汁好足料 湯汁唔會太油膩 有肉的鮮甜😽 可惜今日個皮好似比平時厚咗少少😿 點些許醋 肉味更鮮酸辣湯麵原來咁大碗 $52超抵食😹 仲好多湯添 其實飲湯都夠飽 起碼可以分成四碗😸 辣佔嘅比例比酸味多少少 啱晒我口味😸原來而家仲做緊優惠 每人食滿$120就可以加$20任食甜品同招牌夏味燻蛋🙀有傳統上海甜品 酒釀丸子 高力豆沙 仲有榴槤高力 好似好正咁 又可以逐粒叫 兩個人嚟食啱晒 每款可以食少少😽榴槤高力真係好重榴槤味 一大舊榴槤餡 齒頰留香😼丸子口感非常煙韌 帶有淡淡的酒味😸 不過杰身左啲 稀啲會無咁膩😿雷沙湯丸好流沙 湯丸皮好煙韌 食一粒一定唔夠喉😻😻今餐真係超飽 又抵食 下次再幫襯😻

係附近outlet睇完野，就黎左夏麵館依肚店內揚溢著中國傳統氣息，環境舒適，座位寬闊， 感覺舒服寫意平日仲有套餐，都幾抵食估唔到小食都有咁多，海哲係用左陳醋、生抽、老醋製成，所以會呈深啡色，味道再濃d會更好第一次食圓筒型既素鵝，外層炸得好脆，中間就係斎，媽媽好鍾意食呢款小食食到口乾個湯就黎啦，全面都幾多料，有蝦肉、菇等等，味道岩岩好，口感唔會太結呢個炒得幾惹味，炒得夠乾身，好有鑊氣，即刻就想要碗白飯牛肉有好濃既蔥味，而且夠滑身！黃金蝦都幾抵食，應該有十幾粒，每粒都炸至金黃色，咬落去有蛋黃好酥既感覺，咸味都岩岩好，蝦就夠哂爽滑彈牙炒飯都係粒粒金黃色架，用左d蔥、蝦、蛋炒成小籠包有四隻，皮既厚薄剛好，夾起唔會散，入面d有湯仲好滾添個糕就好煙un 最後忍唔住加多碟

放工於荃灣會合Tebbie往夏麵館食黃魚煨麵, 小籠包、蒜蓉菜心、砂鍋雲吞雞、雞排菜飯和豆沙鍋餅；黃魚煨麵魚湯好白滑, 面好柔軟、黃魚去哂碎骨, 好窩心；小籠飽夠熱, 皮薄肉汁鮮甜, 美味；蒜蓉菜心食落爽口, 菜心新鮮、蒜蓉香口；砂鍋雲吞雞有半隻雞, 雞肉鮮甜嫩滑, 雲吞份量適中, 而凱上的白菜食落爽口新鮮；雞排菜飯, 菜飯有蛋花絲, 食落口感多層次, 配菜飯的紫菜蛋他湯、略嫌稍鹹, 雞排煎得香口乾身, 好惹味；最後豆沙鍋餅豆沙好香, 鍋餅煎得脆脆。總結餐廳坐得舒服, 環境高格調, 而且坐得舒適, 值得一試。