夏麵館 (寶石大廈) (已結業)

今次又黎到荃湾夏面馆食上海野，好食嘅上海菜馆荃湾其实都唔少，呢间系其中一间，而且仲有加钱甜品任食，有惊喜！所以紧系要约朋友去食返餐劲啦。鲜肉小龙包一定系必点，皮虽然唔算薄，但入面有劲多汤汁，汤汁滋味浓郁，仲超级热辣辣架，所以记得要好小心咬！唔系会辣到个咀架。一人有两粒，超滋味。煎饼煎得薄薄脆脆，好惹味。回锅肉香喷喷，有肉片有菜有红椒绿椒，少少辣劲有镬气，劲惹味，用来送饭一流。担担上海面份量好足，味道又正宗同好味，浓浓嘅麻酱味，嗅觉味觉都好享受，而且系上海幼面，非常挂汤，令每啖都会有麻酱又食到肉碎粒粒嘅香口口感，热辣辣真系好好食。食左咁多邪恶美食梗要叫个菜，火腿津白清清地而且又有几片咸肉，同津白一齐食互相提鲜，又唔会觉得火腿太咸，而津白又唔会淡而无味！正另外加左20蚊任食甜品同夏味熏蛋。熏蛋烟熏味浓，而内入面流心黏住咀，很香。甜品方面我地叫左豆沙锅饼，擂沙汤圆，姜茶汤丸，仲有仲有，非常cross over 嘅猫山王榴梿高力，一次过试晒咁多甜点，咁样以甜点作结真系太满足。最正系任食，钟意食的，可以狂点。太多太多款甜食了，不能尽录，又正又好抵食。