得閒飲茶

营业中

休息中

屋企樓下指定點心店，趁今日落雨，冇乜人排隊，食點心做晚餐。同朋友叫咗幾籠點心，品質有保證。牛肉腸粉夠滑，包住啲牛肉，點少少豉油，味道剛剛好。小籠包係每次嚟必點，皮薄得來又包住好多湯，啜湯出嚟果下非常滿足，點埋醋嚟食，味道一流。平時都係食鳳爪排骨飯，今次朋友話試吓牛仔骨蒸飯，食落又唔錯。鵪鶉蛋燒賣都係每次必點，唔係度度有得食，話知佢膽固醇超標。略為遜色係蟲草花棉花雞，隻雞有啲肥，冇乜雞味。店員有禮，好勤執枱，值得一讚。但係張枱太細，食得有啲辛苦，因為個袋頂住，又冇乜位可以放。

難得阿妹黎搵我飲茶，就去左呢間飲茶，之前人地介紹去食過一次，都幾好味同有創意，不再只是傳統點心🥧所以就去食多次我地叫左蒸鳳爪排骨飯，飯係一粒粒，吾係右濕右軟既飯，仲多左荷葉香味，好好味😋而小龍包剛蒸出黎，熱辣辣，皮薄多汁，一口咬落汁流曬出黎👍千島醬蘿蔔糕創新口味，外脆內軟，比傳統蘿蔔糕多番滋味，不同口感仲有新派點心春風得意腸， 內里炸得脆卜卜，出面一層腸粉，食落幾得意👍全部點心質素很好， 如果要食點心既可以黎呢間試試✌️

去警署報失旅遊證件，離開時見到有餐廳開張，人頭湧湧。八八卦卦就去睇下有乜嘢食，原來係點心店雖然已經食咗早餐，但係好難得可以撞啱人哋開張去戥人哋高興一下小籠包皮薄多汁有鮮味，我鍾意咬穿個皮飲晒啲汁先，慢慢再食個肉餡，最後先至點啲醋食物果皮至於個棉花雞，啲雞蒸完出嚟仲有肉汁嘅，而且係用雞件有骨有皮，啱晒我。魚肚亦都係厚身有口感。我連汁都飲埋，真係好鮮味難怪店主夠膽開響嗰個位置，面對街角轉彎人頭湧湧嘅對手，相信會出現良性競爭，實在是消費者之福。