翡翠拉麵小籠包 (已搬遷) 新店位置

今日為媽媽友人補祝生日佢話想食辣野，無問題用apps攞飛，就到咪行過去，點知原來佢搬左去一田下面，結果搵得黎已過左5張檯，唯有再排過係出面等緊時已可用tablet點菜，一入去即時畀單侍應，快好多！今餐好豐富，2個女子食5樣野食上海炒年糕: 正正常常海帶絲：新推出既，好細碟，叫個時侍應提醒係辣既，點知...微辣到唔講都食唔出...水煮牛肉：好失望，比紅油抄手仲淡味，少少麻辣而已，平時見開水煮牛肉係全盤辣椒浮面，今次只得1條，無言...紅油抄手: 個汁係精髓，惹味唔算太辣小籠包：必食，皮薄多汁夠熱

是日午餐，1245前都無需等位。小籠包皮薄餡靚。豬肉餡蒸完後顏色仍然粉嫩，沒有灰灰啡啡，湯汁雖不多，但勝在充斥整隻小籠包，一咬下去滿足鮮甜的湯。上海炒年糕份量偏少，年糕切的形狀、厚薄、大小十分不均勻，賣相和咬感扣分。幸好最厚件的也很軟，不妨礙進食。味道方面，略欠甜味，不夠「上海」。先拍三下手。這是我最愛的點心，酥皮鬆化，管他下了多少油、什麼油，酥皮就是要這樣的！蘿蔔絲切得很幼，和那些粗製濫造的自然是差遠了。吃完再拍三下手。