蜀府川鍋 (已結業)

今晚和家人與男朋友一起吃飯，在OpenRice見到餐廳有烤魚，就來到這裡，位置在地鐵站附近。多數食客來打邊爐，亦有些是吃海鮮。全條麻辣烤桂花魚，選了小辣和小麻，魚肉幾結實，鮮味十足，愈烤得耐就愈辣，如果加入花椒和八角應該會更惹味。整體的魚肉和配料都好味，夠四個人分享。小籠包即叫即正，湯汁都幾多，而且豬肉夠鮮味，不過價錢較貴。干煸四季豆是炒得很有鑊氣，肉汁和肉碎炒香了非常的惹味，這道菜送飯一流！即燒茄子分開了一少舊一少舊扎好，再加上大量的蒜蓉粒，非常香口，但又不油膩。豬油砵仔飯很肥膩，吃不慣，試一次就夠了。芥蜆鯪魚球炸得金黃香脆，魚肉亦夠彈牙，不沾醬已經很好味。綠茶芋泥餠外脆內軟，中間的糯米芋泥容很腍軟。食物幾出色但價錢有點貴，下次有機會可以試打邊爐。

成日留係新界食好西...都會覺得悶悶地...咁岩今日在九龍工作，順道約埋三五知己去食海鮮餐...首先係有大蜆蝦海膽粥....都好多隻蝦同蜆，而粥底好鮮甜對唔太喜歡食粥既我都食在兩碗..！值得推薦.....新鮮活鮑魚...真的活鮑魚...我見到還識郁本地手切牛頸脊...有香濃牛肉味全條龍躉起片都係$188...抵食即炸魚皮....好脆口、食落仲有小小熱熱地..！北海道大元貝：好鮮甜..！呢個黃金糕...友人話好少地方有得食..！工序都比較多...要先蒸後煎...味道都唔會太甜，有煙煙un un 感覺..！平均每人都係3百幾...我地覺得都抵食...！同埋海鮮CP 值頗高....所以值得推薦

今日去油塘，係大本型行左一圈都揀唔到食咩，朋友建議黎(蜀府川鍋)，估唔到工業大厦地下有間似模似樣的中菜，門口都好靚好大體，門面唔錯，間鋪都好大間，有卡位有圓枱，餐牌有廣東，有客家，有京滬， 有上海,有四川……總之好似咩都有d. 服務員的阿叔仲好好人，都俾好多建議我們，我們先點冷盤，叫小菜，加條魚禁，於是我們最後決定點了小籠包，燒大蜆，麻辣酸菜烤鱘龍魚，泡椒尖筍，尖椒皮蛋，山楂咕嚕肉。小籠包多汁，皮唔厚都ok,一口一個， 有5個$38；泡椒尖筍 ，又酸又辣，勁開胃，咪睇佢無咩色水，辣得刺激，食完又想再食，堅辣 $38尖椒糖心皮蛋 ，尖椒有銀，所以是辣的，糖心皮蛋係黃色果種，比黑色的更好味，因為黑色會有陣醃味，黃色皮蛋有d新鮮鴨蛋香味，十分罕有$38山楂咕嚕肉，普通廣東菜，同菠蘿咕嚕肉類同，但炸得不夠脆，鑊氣唔夠，少少失望 $68燒大蜆 服務員話好細隻，但黎到成隻清蒸鮑魚禁款，好多蒜蓉好香，其實一d都唔細，件蜆肉有匙羹禁大，肥美喎$64-4隻麻辣酸菜鱘龍魚， 比想像中大條，屈蛇禁係個烤盤到，呢味係服務員推介，所以大家好期待，當佢開火滾起來，我們就忍唔住試食魚肉啦，基本鱘龍就唔係海魚啦，開頭

知道油塘有一間好大間的蜀府川鍋, 於是帶屋企人去試吓, 向來少辣既我, 一聽到麻辣火鍋, 有啲卻步, 點知原來可以唔太辣之餘, 仲試到不同原味的新鮮海鮮,  要叫齊四人食, 好抵食呀!訂咗位, 安排坐低後, 先叫小食, 有小籠包$38, 有湯汁, 連皮食不會太溜, 另外叫了馳名的四川辣椒皮蛋, 皮蛋白好唔同, 晶瑩剔透的皮蛋白, 加上麻辣調味醬,皮蛋味道非常濃郁, 皮蛋黃有糖心添呀。再叫了蒜泥青瓜($28) , 好大碟呀! 到主菜喇, 一大碟海鮮盤, 再上四層鍋, 雜錦海鮮拼盤($388)就係, 龍蝦一隻, 扇貝4隻, 大蜆, 青口, 聖子, 石斑, 東風螺, 馬刀貝, 頂層用來清蒸的, 呢層太細了, 只可以蒸到每次一隻扇貝, 我地耐心地一隻又一隻咁放上去, 肉質實在感, 配上蒜容, 惹味; 之後, 再蒸龍蝦, 龍蝦好彈牙, 而且好多膏, 甘香喎, 味道鮮甜,第三層, 用來燒烤及煎用, 所以點了兩碟肉, 有西班牙黑豚腩, 好薄切; 仲有安格斯牛肉粒,煎耐啲迫晒啲油出來, 更有油香味, 仲叫了兩個烏冬, 連湯都唔放過, 綠茶芋泥餅, 好脆口, 仲有內餡有芋泥香味, 外皮有濃濃的綠茶香味。