一喜車仔麵

营业中

休息中

聽朋友說這間車仔麵好食, 試咗, 唔錯。先叫定外賣去攞, 唔駛等。湯分開上, 用鋁紙袋, 保溫又方便。叫咗九寶麵, 適合我呢類"唔知試乜好"的人。基本上全部餸都好食, 我推薦牛腩及蘿白。牛腩入味, 蘿白清甜。朋友提我試雞湯, 要加錢的, 味道確不同。另外加咗小米粿, 都好食。外皮滑滑的, 內裏肉好味。

最近食咗新開嘅車仔麵，發覺佢唔單只係傳統車仔麵，仲有唔少特色美食喎🍜今次叫咗九寶大雜麵，果然真係好豐富！麵如其名，入面店鋪嘅招牌食物都有囊括，必食。另外，牛腩同蘿蔔都超入味！⭐特級瀨尿牛筋丸令我印象深刻。彈牙爽口，味道濃郁，啖啖都食到牛筋丸嘅味道。另外，魷魚丸都係十分特別嘅美食，外皮鮮甜，入口時仲可以咬到一粒粒嘅魷魚肉，感覺新鮮。⭐汕尾馬餃豬肉丸同小米粿。馬餃豬肉丸嘅外皮金黃色，口感彈牙，有層次感。聽老闆講，小米粿其實係潮州嘅傳統食物，入口時外皮半透明，內餡多汁，一粒粒細小嘅豬肉粉粿非常好食，令我食唔停口。⭐香辣單骨雞翼同生炸豬扒：兩樣嘢都係生炸，比起其他地方嘅更脆口同惹味，強烈推薦！⭐咖哩系列同豬大腸：咖哩汁濃郁，仲要有香辣味，豬大腸有地道車仔麵風味~❤️最後想推薦同加分嘅，係呢度嘅員工。見佢哋好樂意同客人溝通同細心介紹食物，仲要好有禮貌，絕對 喜 出望外~想食地道，又有地方特色嘅車仔麵，呢間車仔麵係必然選擇。