Greenhouse

营业中

休息中

今日紅日但係打8號風球，諗住打定輸數留喺屋企食，結果打去呢一間餐廳度碰碰運氣，點知真係有位啊，所以就即刻同屋企人訂六位試一試。環境坐得幾舒服，而且呢個店舖都大間。我哋一行六人呢就叫8款食物加5杯嘢飲。小食拼盤，串燒同蝦餅幾香口，春卷鬆脆，有泰國嘅風味薯條配黑松露蛋黃醬：薯條香脆，正常發揮青咖喱青口特別推介，青咖喱呢嘅椰汁味香濃，不食得辣嘅人都可以一試北京填鴨嘅Pizza幾特別，用上北京填鴨嘅醬汁，用新穎嘅方法食北京田鴨值得一讚。松露焗豬飯相比起其他菜式就比較普通。BBQ Rib 好入味，肉質好淋😍😍燒春雞超級滑，全家人都大讚另外因為屋企人生日，就加咗$20係甜品上寫生日字句。甜品有好多選擇。最後呢就選擇左以下兩個甜品，絕無失望。佢嘅甜品不太甜，老人家都啱食。另外去飲品都好多選擇，我哋選擇左啤酒同埋以下四款嘅飲品，外貌都幾靚，飲落去唔太甜😍😍食完今餐之後，家人都好滿意，值得再來一次!!!

呢間係主打fusion菜 亞洲菜為主食左兩次之後 決定要推介😚綠茶疏乎厘 $148空氣感 少少甜 剛剛好食飽左 再食佢都食得落可以一試Four Season Pizza $198推！幾好食 可以試曬4個味蕃茄 牛油果 黑松露蘑菇 芝士豬肋骨 基本上好軟身 好入味加分位係 粟米 上面灑左黑松露鹽😋烤雞炒意粉$158意外地幾好食 雞肉夠淋 唔會太硬但澱粉質 我會推 馬拉盞炒飯外貌平平無奇 但幾好食(外表冇特別 就冇影到 點知幾好食🥹)雲霧士多啤梨 $58好飲 士多啤梨味唔假唔會好甜 剛剛好

週末本想到時代廣場 Citysuper 購物，但因店內剛有確診個案，暫時停業。一場來到，都順道在時代廣場閒逛片刻，吃一頓下午茶才返家。是日決定於 Greenhouse 享用下午茶，主因是店家同時有鹹甜菜式供應。店內有大量「綠化」裝飾，花花草草隨處可見，而小編則在樹下用餐。小食拼盤內含春卷、蝦餅、蜜糖雞翼、椒鹽魷魚、牛肉及雞肉沙爹串燒。以煎炸品來說，各食品製作普遍比較油膩，從墊底紙的油漬也反映了有關情況。春卷及椒鹽魷魚的味道較預期淡。蜜糖雞翼以單骨形態呈上，食用時方便。蝦餅是小編唯一推介的小吃，香口彈牙。甜點方面，選定實而不華的香草梳乎厘。梳乎厘即點即製，端上時賣相脹卜卜。梳乎厘口感鬆化得來仍能保持一定密度，切開亦不會立刻塌陷。連帶表面外皮或鍋邊略焦部份享用，口感更富層次，亦更香口。梳乎厘的甜度適中，不論是否外加香草醬汁吃味道也不錯。多配一杯意大利泡沫咖啡作結，奶味重，啡味輕，沒有常見的拉花裝飾，只以朱古力粉灑面作點綴，十分平實。在 Greenhouse 享用下午茶，用餐環境舒適。食品方面水準持平，未見突出。以下午茶來說人均消費過二百元亦略感高水。