Morokok (家樂坊)

营业中

休息中

聖誕節🎄約左朋友食呢間bookmark 左好耐嘅旺角泰國菜🤤Morokok ❤️果然無令我失望🤤幾高質泰式小食拼盤：5⭐️有齊人氣小食，豬頸肉，蝦餅，魚肉丸，雞翼😍全部都好惹味，炸得脆，仲有陣陣泰式香料味👍🏻肉碎蒸烏頭魚：3.5⭐️魚肉幾嫩口，不過肉碎醉菜湯唔夠入味，而且個盤好淺😂一邊滾起D汁一邊彈曬出嚟😂和牛漢堡：3.5⭐️牛肉熟左啲，不過勝在有配菜同醬汁，令個漢堡juicy 返😍 而且薯條都好好味，食唔停口🤤最後吃左芒果糯米飯同甜品作結 ：5 ⭐️ 糯米飯好軟糯，奶味好香❤️ 芒果係泰國靑芒，偏硬身，但係唔酸👍🏻好正！好食過正宗泰國嘅芒果糯米飯😂👍🏻未去過嘅朋友快啲去試下👍🏻值得一食⭐️

因為帶住隻狗仔就諗住搵個地方近近地有得食嘢本來隻狗仔唔入得黎因為室外Booking full左最後店員點都幫我搵咗個室外嘅地方可以放狗咁環境咁好諗住啲嘢食都唔係平點知我哋食咗四樣菜都係五百幾蚊埋單一人一杯嘢飲最驚喜就係個蠔蛋餅同埋小食拼盤而大蝦柚子沙律就係比較入口舒服爽口嘅叫左椰青，大大個，好抵飲而且環境非常之舒服待應都非常之好隔離啲客人都好有規矩而且多數都係後生啲又唔會騷擾到其他人十分之推薦一定會再嚟

第二次黎morokok 環境依然咁好好chill 啲位都算闊 平日夜晚嚟都幾多人食炸豆腐係咁啱見到隔離枱叫賣相好靚但其實識落一般般😅 啲肉碎醬冇乜味得一浸香料味唔值得推介青咖喱豬頸肉配薄餅好食值得推介☺️薄餅好鬆脆得4塊太少啦🥴豬頸肉份量都算多 全晚最好食係佢鵝肝黑松露飯呢個真心必食🤭🤭🤭鵝肝煎得好香 火候啱啱好無過熟 黑松露意大利飯無過份硬 成個感覺好好食但略嫌飯唔夠熱香辣肉碎生菜包原來可以揀唔辣 啱晒小朋友食 🤣🤣🤣如果生菜可以多多幾塊就好 最後食剩好多肉碎🙂🙂🙂🙂🙂小食拼盤見差唔多台台都有嗌佢 就即管嗌一碟試試有炸蝦餅雞翼豬頸肉魚餅除咗蝦餅同豬頸肉之外其他都好乾 不過不失寧願嗌其他雖然可以一試 😀😀😀食物overall其實唔錯環境又好但職員態度有待改善 特別有個男服務員態度都幾串 問多幾句都唔係好想show你另外就係由於疫情關係衛生問題個人覺得服務員唔應該幫客人食食吓中途加水 其實直接擺低壺水自己倒 都會更加衛生😅😅😅😅

一向都係入座坐邊就影邊個位既的我即使餐廳有3000呎打卡位我都係會乖乖坐係原位影相好鐘意食呢個泰式小食拼盤啊！一個價錢有幾款小食兩個人食都太多見意大家3至4個人食先好點呢個泰式小食拼盤有兩款醬汁可以點一款係經常食即既泰式辣醬而等第二款就係冬陰功沙律醬個人比較鐘意點冬陰功沙律醬因為平時既泰國餐廳都係得泰式辣醬飲品方面牛油果奶式昔比想像中幻想中既細杯可以話係飲3口就飲唒有小小失望因為太細杯希望可以整大杯小小會開心好多而其他兩款菜式都無乜太特別都係基本菜式

本身黎呢到純粹想打卡同埋有啲平台有優惠正價飲品 半價食物點知⋯⋯⋯ 食物方便有驚喜炸物即叫即整小食拼盤份量超多 四個人食都夠哂分 當中雞翼特別出色💕沙律夠大份豬手都唔錯 但唔知點解拌碟有薯餅🤣食物以半價黎講 超出哂期望唯正價嘅野飲反而麻麻朋友叫嘅特飲偏甜同細杯我叫嘅蘋果薑茶有啲古靈精怪😅最後一人叫返一個正常嘅椰青先爽返少少 餐廳幾大 坐得幾舒服多影相位 一班女仔去會好開心😃食嘅途中 見到好多人喺平台食水煙打卡旺角黎講 幾好坐 不錯希望下次黎杯正價野飲可以正常返少少😅咁就完美喇☺️

Morokok @ MongKok 💛 摩洛哥泰國fusion菜♡ 鳯爪沙律（少辣）家人喜歡食 佢地好喜歡呢碟 酸酸辣辣 加埋啲洋蔥 好惹味 光速被掃曬🙊♡ 炒豬肉生菜包（唔辣）好味 豬肉份量都幾多 唔驚唔夠放係生菜度同埋都幾惹味 放係生菜食 一個字夾🥳但下次會叫番小辣 應該會好味好多♡ 泰式小食拼盤呢個必嗌好好味 熱辣辣😍👍🏻份量又多 有魚餅蝦餅雞肉豬頸肉 樣樣都好好味 ♡ 椰奶雞湯金邊粉我個人幾中意個湯 因為我中意椰奶滲味🤭但我家姐就覺得怪怪地敗筆在於個雞肉度 唔係好夠嫩 金邊粉都幾滑♡ 青咖喱黃金軟殼蟹意大利飯隻軟殼蟹有啲淋 同 啲飯凍左同硬左少少🙈可能佢等候我寵幸太耐（事關都影左一陣）♡ 照燒和牛粒野菌意大利飯和牛粒口感都幾好食 甜甜地但個人覺得有啲韌飯都係有啲硬 同埋 唔夠熱♡ 雙色芒果糯米飯藍色係蝶豆花 綠色係斑蘭 斑蘭個味出色啲本身見到個芒果白白地色 諗住伏左 應該唔多甜點知都👌🏻甜 加埋椰汁幾好味♡ 椰子咖啡呢杯係家姐既 試飲左嗒 出乎意料地好飲 椰子真係無得輸 椰味同咖啡好夾👍🏻♡ Hot

今日黎到家樂坊整完蛋糕 一番勞動之後 超級肚餓呀 search下有咩食 搵到呢度原來有間Morokok黃咖哩醬蘇炸脆軟殻蟹🦀以薑黃椰糖製作既黃咖哩醬香甜濃郁 炸軟殼蟹仲起脆漿裡面加左鹹蛋黃令到脆漿鹹香裡面有香口既蛋黃顆粒泰式柚子蝦沙律🥗以魚露同青檸做醬汁 充滿泰式風味 唔會有肥膩感 感覺清新泰式柚子大蝦千島醬薄餅🍤食呢個薄餅就好似食緊柚子大蝦沙律咁 上面鋪左一啲洋蔥同埋甘筍 豐富口感 充滿好多泰式沙律醬 食到魚露 青檸 辣椒 酸辣鹹香 食落開胃 魚露同青檸做醬汁 充滿泰式風味 唔會有肥膩感 感覺清新

朋友生日飯，樣樣都好食，但份量偏细。約會，打卡，閏蜜談心好地方！假日walk in要排隊最好先訂位！我們人多， 所以坐室內 但其實室外環境也很浪漫，坐地下，可以看戲，大多飲野為主。

喺eatigo見到晚市有半價優惠，就即刻book黎試下餐廳主打泰菜，但亦有一啲西式料理供應。晚市使用eatigo優惠必須每人最少叫一杯飲品。餐廳位於家樂坊，上到去裝修非常新， 聽員工講好似剛開兩星期左右，餐廳好大，而且幾靚，座位都非常多，餐廳有一處仲有dart game玩，適合同朋友聚會或家庭聚會。打開餐牌，食物其實唔算平，不過有半價就相對地非常抵我哋叫咗生蝦刺身，生蝦刺身都幾新鮮，而且食落幾好味，不過就偏細隻。另外再叫咗大蝦豚肉粉絲，粉絲夠入味，而且有兩隻大蝦都算爽口， 入面仲有菇同埋豚肉，料多，都幾惹味再加多咗個小食拼盤，小食拼盤份量比想像中多 分別有春卷、蟹餅、紙包雞及雞翼。我最鍾意食嘅係蟹餅，佢入面咬開有好多蟹肉，而且炸得香脆雞翼個味都充滿香茅味，整得唔錯。春卷都炸得幾脆，ok! 紙包雞味道就比較遜色，咬落去怪怪哋，有啲雪藏味，呢個唔ok。飲品我叫咗生薑蘋果茶，蘋果味唔重而薑就磨成碎粒，充滿薑味，都幾特別。另外嗌咗橙汁就普通，果汁先生feel~餐廳環境都幾舒服，半價嚟講超級抵食