URBAN Cafe (駱駝漆大廈第一座)

营业中

休息中

貓奴朋友生日，當然要帶他到貓迷至愛的Urban Cafe慶生。身為「愛二人餐的美食家」，我們二話不說就點了$328的二人套餐，當中有湯、有沙律、有主菜、有飲品，非常抵食！餐湯-西式忌廉湯，很creamy，好好味！沙律-清新沙律，作為主菜前的開胃小食，份量啱啱好！三重芝士肉醬闊條麵-芝士味香濃，肉醬份量豐富到好似唔使錢，吃得很飽滿！巴馬火腿拉絲水牛芝士手工薄餅-每人兩片，熱辣辣的芝士拉絲，好有打卡feel！小食拼盤-套餐加$28可嘆齊紐西蘭魚寶、爆谷雞塊和脆薯，夠惹味！最後，我們還點了梳打呢！埋單$399，好味！

係駱駝漆大廈到處都係outlet,係上面買完之後決定係個度食埋晚飯。我自己就黎睇貓貓，個環境又大又舒服。朋友就好欣賞佢個大電視 同時直播4個台🤣🤣佢就可以睇住電視嘆番餐。現時已經係QR code 落單一個二人餐就岩岩好先上沙律及餐湯沙律上有菠蘿粒，更加清新。再加上餐湯。主食方面煙三文魚水煮蛋黃金卡邦尼意粉三文魚，蛋汁好香好滑，仲係新鮮熱辣辣。煙肉，仲有吾少菇粒仲有夏威夷風情拉絲水牛芝士pizzaPizza 方便兩人分，每人都可以食兩件，上面有吾少菠蘿，而且都係新鮮做。加左個小食拼盤，有炸雞，魚柳仲有薯條。食下食下，睇住貓咪。飲品方面蜂蜜柑桔檸檬酸梳打菠蘿乳酸梳打。天氣涼在，但中午仍然好熱，梳打就岩曬

今日同女朋友撑檯腳 去左呢間餐廳食飯 之前同媽媽都食過 果次d野食都唔錯 所以又同女朋友再黎食門口佢會有鞋套供應 因cafe內有貓貓 所以餐廳環境都會非常乾淨衛生 我地坐低左就嗌左個二人餐(包左餐湯&沙律, 兩個main同兩杯drinks) 另外我地仲加多左$28配左個小食拼盤 d野食唔洗5分鐘就已經開始上檯 岩哂我呢d唔鍾意等既人食物質素我覺得比起我上一次食更加有進步 豬肋骨個火候控制得幾好 好juicy又唔鞋口 另外個risotto亦都係好好味 煮得比較偏軟 (岩我口味) 而且仲係素食黎 推薦素食者可一試

呢間係間😳 想一黎再黎既cafe啊😳野食好味，啲貓貓又可愛😩今日同fd兩個人去食，由於選擇太多樣樣都好吸引既關係😂我地揀佐二人餐～每份二人餐都會有兩份是日餐湯同埋沙律，今日係忌廉湯😳感覺味道好似比其他餐廳更西式😂都幾好飲想飲多幾碗tim😳另外沙律唔係用大量沙律醬而係甜醋，更開胃～主食方面我地揀佐日式青蟹籽藍青口芥末忌廉扁意粉同埋巴馬火腿拉斯水牛芝士手工薄餅，兩份都夠兩個人share黎食，好滿足啊😍意粉上面有兩隻大青口好新鮮，搭配醬汁好和味🥰意粉醬汁濃郁，但唔會食到好膩，仲有粒粒青蟹籽 有啲芥末味😳時不時有d芥末味又唔會衝鼻😋增加了味覺既層次享受，唔錯👍pizza啱啱焗出熱辣辣😍餅皮唔會過厚～有彈力🥰邊緣位焗到脆bobo😍唔會好硬！上面d番茄醬汁、煙肉、菠蘿份量恰到好處，想讚表面落左好多水牛芝士！！😍食到拉絲好滿足啊！另外有樣抵食就係加多少少錢有一份二人份小食😋入面有爆谷雞柳條、魚寶、同埋薯塊🍠份量好多食唔嗮😂全部都係啱啱炸出，外脆內軟！飲品方面嗌佐oreo脆脆朱古力雲朵冰沙同菠蘿雲朵冰沙🍍呢兩杯野飲帶到驚喜俾我地😳尤其係oreo沙冰值得一試！入口有濃厚既朱古力味同咬到粒粒冰同oreo碎

之前去過旺角個間，觀塘地方大好多，但d貓貓就無咁嗲。 2人套餐$298套餐份量好多，有餐湯、沙律、兩個主菜同兩杯飲品。 +$28小食拼盤估唔到小食拼盤有咁多，4個人share都得，有魚塊，炸雞柳條同薯條，全部都新鮮熱辣，口感脆口。 日式青蟹籽藍青口芥末忌廉扁意粉青蟹籽雖然睇落唔係好開胃，但食落又ok wor，芥末份量剛剛好，唔會蓋過忌廉味，取得平衡，同時都食到芥末同忌廉味，兩種味都幾夾。 夏威夷風情拉絲水牛芝士手工薄餅一上台就聞到好香芝士味，好足料，芝士味濃郁。 +$18抹茶奶凍+$18原味奶凍比一般奶凍大個，奶凍好滑溜，唔會太甜，原味奶味香濃，抹茶味濃郁。

平時去cafe 食野，好多都係野食整得好靚，但食物味道都冇咩特別。但係，呢間嘅餐飲係又好睇又好食😋🎃南瓜忌廉湯好味指數：👍🏻👍🏻👍🏻👍🏻👍🏻湯入面有滿滿嘅南瓜肉，令成個湯都勁香甜。混合左香滑嘅忌廉汁，簡直係完美。係絕對令人難忘嘅味道，成為必食餐單😻🥗沙律好味指數：👍🏻👍🏻👍🏻👍🏻有沙律菜、蕃茄仔同菠蘿。各樣材材都好新鮮，唔會有草青味道。再加上超香芝麻醬，好開胃。🍟小食拼盤（配沙律醬及茄汁）好味指數：👍🏻👍🏻👍🏻👍🏻炸薯角：口味帶點微辣，特別嘅螺旋簿身切法令整體更加香脆可口。炸魚柳：外脆內軟，魚肉入口化開。炸雞粒：脆卜卜，細細粒易入口。🍝即磨芝士黑松露菠菜大啡菇忌廉意大利飯好味指數：👍🏻👍🏻👍🏻👍🏻👍🏻入面有青椒，增加左香味同埋脆脆地嘅口感。而黑松露味唔會太重，與忌廉味互相配合。大啡菇味道都好香，而且有彈牙柔軟嘅口感。🍔安格斯牛肉手工竹碳漢堡配脆薯好味指數：👍🏻👍🏻👍🏻👍🏻👍🏻安格斯牛肉超級多肉汁，麵包顏色特別之外，仲好軟熟，仲有少少煙韌。鐘意食漢堡包嘅朋友仔一定要試下。入面嘅蕃茄新鮮多汁，正呀。🍹百香果檸檬梳打（左）及Oreo 脆脆朱古力雲朵沙冰好味指數：👍🏻👍🏻👍🏻👍🏻👍🏻百香果檸檬

好耐冇同媽媽出去食飯 上網見到呢間cafe有好貓貓 媽媽又好鐘意貓貓 就去左觀塘呢間cafe試下去到門外已經見到左右有兩部鞋套機 因為內裡好多貓貓會係地面走動 呢一個保護貓貓既舉動都好貼心 當晚我地叫左個二人餐 仲加左小食同埋甜品 ❤️南瓜忌廉湯&沙律: 湯好creamy同埋好重南瓜味 沙律都好爽脆同fresh❤️小食拼盤: 全都係香口既食物 每樣都熱辣辣 尢其薯仔片好好味❤️西班牙燒烤醬烤大豬肋骨: 豬肋骨烤得好冧滑 唔會"乾爭爭" 配菜既薯蓉亦好幼滑 比較重奶味 我地都好鐘意❤️挪威煙三文魚水煮蛋黃金卡邦尼扁意粉:最最最鐘意食就係呢個 一督開個流心蛋 蛋汁同卡邦尼結合左 真係食到停唔到口原味奶凍: 就咁食已經好正 再加埋忌廉 真係好邪惡凍奶茶: 奶味比較重 偏向我鐘意既港式奶茶食完之後我地都同d貓貓玩多左半個鐘先走

作為冇起養貓但又超鐘意貓嘅我已經成日都幫襯了～觀塘分店都已經係第2次嚟~同樣都係用QR Code下單，好似轉咗個新system，落單方便咗~同樣哋都係要咗個二人餐 $298，乜都有齊唔洗煩~超快就上咗個湯加沙律打個底先真係超好奇，點解個南瓜湯可以整到咁甜？每次飲親都停唔到😋🌙400次咖啡🌙洛神紅莓莓乾花茶個咖啡男朋友覺得濃味咗，花茶我就次次都叫呢款，可以消消滯~🌙小食拼盤 +$28肉丸味道都唔錯，不過本身二人餐個份量都好夠，如兩個女仔可以不用加🌙三重芝士肉醬意大利麵 芝士同肉醬個味道都超香😛男朋友對肉醬意粉都幾有要求，都覺得唔錯~🌙西班牙燒烤醬烤大豬肋骨上枱時已經烤得好淋，唔洗點用力切都已經自動離骨，配菜有翠肉瓜~🌙自家製抺茶香滑奶凍 +$18抺茶味淡淡哋，唔會太甜或太澀，係我鍾意嘅味道，所以左邊堆忌廉就冇乜作用雖然我份人都冇乜貓緣，不過可以見下貓貓影下相都已經好好🥰

今晚同老婆黎左間位於觀塘既樓上舖 (慶幸唔係開喺最多人等嗰座)，本身旺角有分店，呢間係新開無耐的。每個客人都要著鞋套，因為入面貓主子會周圍走，為大家同貓貓既衛生著想。我地張枱有主子小休中，抱歉要整醒主子了。野食唔算貴，仲有2/4人 set dinner可以揀。百香果蜂蜜梳打，甜度適中，仲有爆珠。Urban Café 精選特調咖啡，奶味較重幾似Latte。餐湯係粟米南瓜湯，又香又濃。沙津就落左醋更健康。小食拼盤有魚柳，雞粒同薯皇。煙三文魚牛油果酸忌廉墨西哥餅，睇落好似好dry，但味道好夾一啲都唔流。煙三文魚水煮蛋卡邦尼扁意粉，忌廉味好濃烈，而且餸都幾多，麵條幾煙韌。巴馬火腿水牛芝士手工薄餅，餅底唔厚有少少脆，火腿唔算咸。隻貓成餐飯都喺我老婆到訓左……