臺坊 (加拿分道) (已結業)

尖沙咀依d 旺區，想搵位食飯唔易。一個人想快快手食完又唔想食快餐，可以試下依間台灣餐廳。係厚福街，十分易去，食完坐車走好近。門口唔太起眼，入面唔係太多位。我6點幾都要坐左5~10分鐘先有位menu 唔花巧，一眼睇哂。其實好多野都想試，可惜一個人食唔到幾多野。小麥胚芽奶茶跟餐+$8正宗台灣味道，唔太甜。有d小麥胚芽，感覺健康d鹽酥雞肉燥飯$60尖沙咀黎講，唔算貴。正宗台灣貨色。坐我對面果個台灣人都會黎依到食。份量可以再多d, 不過味道一流。

餐廳主打台灣食物，有肉燥飯、牛肉麵、拌麵、冷麵，仲有蛋餅同小食，岩哂同朋友share食。店舖唔算大，大約10幾個座位，食客可以自成一角，慢慢食，亦有板隔開。當日晚市6點左右，已經有唔少食客，更多既選擇外賣添。叫左鹽酥雞肉燥拌麵($57)，芝士粟米蛋餅($40)，黃金芋圓波，小麥胚芽奶茶。鹽酥雞有4大件，脆身。雞肉有汁嫩滑，調味唔會過重。而食落口亦唔會覺得油膩。揀左肉燥拌麵，肉燥量好多，足以拌勻所有麵條。麵條屬硬身dd，個人接受亦鍾意硬身d既麵。就算男仔食，都夠飽。蛋餅必叫，因為餡料多到滿瀉之餘，餅皮香口，而且帶煙韌口感。仲用小煎pan裝起，好得意。芝士粟米既配搭永遠最夾，粟米甜，而芝士多到做到拉絲既效果，爆餡兼飽肚。芋圓波炸到變金黃色，圓碌碌，五粒既色澤都幾乎一樣。咬開係啖啖芋泥，芋泥較甜，而外皮煙韌，食多幾粒都唔覺熱氣。跟餐可以以優惠價配飲品，奶茶味濃郁，顏色較深，帶茶香。底部有大量胚芽，飲前記得要搖勻先。整體，值得一讚既係，食物味道調味唔錯，份量多，而且上菜速度快，即叫即整都快手，餸菜熱辣辣添。掛住台灣小食既朋友，可以解一解思鄉情懷。