娘惹廚房 (已結業)

尋日男朋友仔同我講話唔想食得咁meaty咁....我諗住去置樂食另一間小店點知 今日一見 佢就話好肚餓唔係我諗住嗰間咁泊低駕車 喺置樂嗰頭 行下行下意外發現呢間娘惹餐廳佢話冇乜食過 又唔駛等就入去試咗啦我哋叫咗個二人餐 $218 入面 前菜叻多叻多 抄芽菜 豆 椰菜 撈沙爹醬都好特別 幾好味雞肉串燒除咗沙爹醬 仲有個甜甜的醬 dip 下D串燒係即叫即燒的 👍🏿巴東牛肉唔辣的 牛肉好淋 👍🏿👍🏿印尼炒飯熱呼呼咁送上 好有wok 氣呢個二人餐 $218 仲有兩杯野飲 開心大發現

好幾年前吃過一次,印象有點模糊,這次一進入餐廳,發覺擴充了,空間寬闊了很多,中午時段有不少附近中學的學生哥來光顧,我和朋友分別點了梳多雞湯米和巴東牛肉飯,原來梳多湯底即是用黃薑,香芽,豬骨淆製而成的,一喝下去覺得酸酸和香料味很重,非常醒胃和很有異國風味,確實不錯,有喜出望外之感,而巴東牛肉炆得幾鬆軟和入味,醃製醬汁甜甜的,拌飯不錯,中午套餐價錢都合理,沒有偏貴,如果是學生的話,仲更加優惠,怪不得那麼多學生來光顧呢！😁

青善街一帶有不少特色食店，只是跟屯市始終有段步程，只會偶爾來到這小區尋味。娘惹廚房是較常光顧的一家，說地道當不及印尼餐廳，但在屯門區也算是很有特色。星期日下午前來吃午餐，水準卻是比以往失色不少，感覺娘惹廚房是味道不再了。時值假期午市的客人不算多，這附近一帶食肆競爭是愈來愈激烈了，沒有午市套餐只有單點餐牌也有一定影響。反正這天只是路過午飯而已，基本上能吃飽就好，沒有套餐也是問題不大。午餐還是簡單一碗湯麵就好，娘惹雞絲湯麵湯面浮着一層紅彤彤的辣油，賣相和味道都像極了泰式冬蔭公。酸酸辣辣的湯底配上海油麵，主角雞絲不多，除撒上點細碎蝦片增添地道特色外，就是平淡無奇的冬蔭公油麵吧！老公點了巴東牛肉，假日沒有套餐關係需要另配白飯。牛肉炆得鬆軟稔滑，黑醬油少了香料的味道，只是單一的濃甜，同樣是欠缺特色，水準無疑了退步了。娘惹廚房唯一不變的是價錢，二人的午餐只是$133。娘惹廚房雖未能維持以往的一貫水準，但還能堅持不加一這點確是值得欣賞的。

由細到大屯門都是邊境區域，給人的感覺是1. 有牛，2. 遠，3. 沒特色，根本沒有晃子吸引別人到此一遊，但其實對我而言，屯門的美食就如未被琢磨的寶石，單講牛腩牛雜已經好吃過_記太多，而有一間店我特別想為它發聲的是一間我的中學飯堂，一直水準如一的印尼食店—娘惹廚房，前幾天，我同幾位舊同學又來懷緬一下。娘惹必食推介: 峇峇炒飯, 炒得香口的飯粒，飯粒滿是惹味的醬料，醬料帶著點點微辣，美味極了，加上一隻燶邊煎蛋，甘香帶脆的蛋白邊加上濃郁蛋汁，拌飯一流！巴東牛肉飯，也是另一招牌，醬汁不像咖喱般帶辛味，卻又是濃郁，而牛肉燜得夠淋，食下食下只怕飯太少，不夠過癮。最後是炆豬肉飯，令人又愛又恨的五花腩，五五的脂肉分佈，別看汁是稀稀的，是多麼有香味而不會過咸，豬肉又吸收了汁的精華，無論色水同味道都是外表像是平凡，但內在卻是美麗，娘惹我愛你

本來諗住食馳名既泰菜，太多人等既關係我地決定轉戰隔離既娘惹菜！入面空間都唔算細，坐得頗舒服，亦適合傾計聚會。枱紙有介紹什麼是娘惹菜，平時呢到仲有油畫興趣班上，唔知係咪畫番娘惹菜呢😛巴東牛肉忟得好入味，d肉略嚴過熟，巴東汁送白飯好野味，食完肉都可以留起汁送飯！呢個秘製娘惹醬豬頸肉一級推介！ 個醬好好味，同豬頸肉好夾。炒菜就普普通通無咩特別。牛串燒肉質唔算十分嫩滑，但都可以。配上串燒醬，味道不錯。三寶龍炒面味道幾好，可惜略嚴太油。食落有d辣，唔食得辣既朋友仔就唔建議點。娘惹炒飯味道普普通通，同一般楊州炒飯分別不大，同埋蝦片唔脆。粟米餅唔係日日有得供應，煎得好香脆，有略重既香草味。五個人共食左$409，試左唔少菜都算幾抵！

之前都有食過呢間娘惹菜，但通常都兩個人。但通常都兩個人。今日慶祝父親節，4個人去食。黃薑飯只有星期六日先供應，所以每次都一定會食。今次黎食有驚喜，係大既黃薑飯！侍應姐姐一放落我張枱真係勁吸引！個個都手機食先！正！份量大概四個人倒，只係$180！平！另外亦都叫左一條烏頭魚$128！食落好入味，好新鮮！仲叫左加多加多同巴東牛肉。埋單每人平均大概150蚊，全日免收加一。

紀錄片《飲食男女》其中一個case, 最記得嘅bite係娘惹媽媽與一眾女廚師跟兒子在廚房煮餸，媽媽哈哈大笑地以印尼話指一般娘惹女士認為男士下廚會有臭腳味(這裡當然沒有)。娘惹是指嫁到東南亞的中國女子，而娘惹菜結合中菜及東南亞菜特色。中午落場時間嘗試打來訂位，一位男士很有禮貌指星期六日只有walk in. 八點左右到大若等了三張枱。樓面全是女士，其中位姐姐更是服務一流，處處溫柔細心，體現了娘惹姑娘的特質。 豬肉沙爹，$36半打，每串小小的，兩口吃完，這樣才正宗。充滿炭香，肉嫰，沙爹汁好味 牛肉沙爹，$36半打，用上美國安格斯牛肋肉，個汁同豬沙爹唔一樣，似燒汁，唔同汁夠細心有驚喜，但自己偏好豬多啲 粟米餅，hidden menu唔知幾錢，侍應姐姐特別叫廚房做嘅，但同我喺其他印尼餐廳食開嘅唔一樣，我出面食係大大塊似炸粟米洋蔥餅，好香脆，然後點個好好味嘅酸辣汁。呢度嘅似煎魚餅，唔知邊個先係正宗，但個人喜歡前者。加多加多，$48，即印尼沙律，有啲豆角、芽菜、椰菜、薯仔、青瓜、烚蛋、蝦片，其實件事有啲hea, 賣相有點難登餐廳之堂，侍應姐姐話平時個汁會淋上面，但佢見我哋同席有小朋友，擔心個汁有少辣

今次特意為了工人姐姐食印尼嘢。致電訂位時服務員很溫柔的告訴我星期五至日均不設訂座。揸車前往到達時間七點半左右，周圍附近有三個停車場及很多錶位但都全滿，等了半小時左右才幸運地泊到位。一行四人行入舖頭，不難找亦不是想像般多人，還有數張吉枱。此時店務員給我們一張枱，但看到隔離大枱有個牌寫住留座，真搞不懂。坐下後叫姐姐叫菜，她就叫了一個雞串燒、牛串燒、巴東牛肉（沒有跟白飯，最後我也是另外加一個）、雜錦黃薑飯、加多加多其實係沙律（甜飯條切一件件與芽菜、黃芽白等跟辣花生醬撈勻）--串燒每碟六串，每串跟一根手指般長，牛肉跟的是甜的醬、雞串跟的時甜辣花生醬。--黃薑飯裡面有很多香料，我個人頗喜愛，但不太適合小朋友。--巴東牛肉肉質不乾，汁頗惹味淋飯一流，小朋友都愛吃，但在這裡竟沒跟白飯，姐姐說這款餸在任何地方食都會跟飯的，但這裡要另叫。--加多加多，將所有撈埋一齊食頗特別，但甜飯太稔我不太喜歡。另外還叫了一杯玫瑰花椰果茶（不太記得實在名字）很特別味道不錯值得一試、椰汁紅豆冰紅豆夠稔但沒特別、珍多冰這個真的要試，這裡飲到的和泰國版或越南版不同，它是用椰奶沖出來，顏色是啡色的，味道似兒時喜愛那種椰子糖，感

在香港，娘惹菜並不是好多間，而大間的餐館更只有屯門一間，而本人本著今年目標，是帶那位可愛又有趣的友人試全香港特色菜，美食為目標，當然要去試下，其實什麼叫娘惹，好簡單，即是東南亞人加華人的後代女子做出來的菜式，既有東南亞特色，又有華人風味一起，地方好大，因為早，仍未有客人入座牆上有不同的畫裝飾餐牌內每一樣都好吸引，一位好友善的店員常常都詳細解釋，給我們意見，我地就聽了意見，點了一些招牌菜，和等(小)朋友到處參觀，拍照第一道菜，加多加多上桌先，又稱娘惹沙律，店員話其實是日常小食來，不算沙律，呢味菜，十分好味，甜得來帶少辣，真係想食完再叫多次，有蝦片，芽菜，同其他雜菜混合而成的第二道菜就是的星期日，同假日先有的什錦黃疆飯，店員話，如不是當地大節日，都未必日得食，必試，好豐富的材料。有雞，蝦片，牛，同類似蝦餅，飯本身有椰香，加埋黃疆，好開胃，店員教我地等埋巴東牛肉一起食，味覺會更上一層，我地當然等埋第三道菜，巴東牛肉，肉牛選用美國肥牛，每一件大大件，夠淋，汁料都是遍向椰香加甜，少辣，可能當地很愛椰香味，試了拌黃疆隻吃，果然味道很夾第四道菜是娘惹串燒，有雞，牛，豬可選，我地選了豬，雞，同市面的串

有朋友來屯門, 問我屯門有咩好食......真係r爆頭! 哈哈諗起之前排小曼谷時見到呢間餐廳, 今次就一於去呢到試下!!入到黎, 先知"娘惹"既意思, 原來係印尼同中國人通婚後生的女兒,. 而娘惹菜, 就集合左印尼同中國菜既特色! 幾特別!! 我地一行4人, 唔記得左係叫2個二人餐定係一個4人餐了~~ 梳多海鮮湯.....係幾好飲既! 但唔覺有海鮮.....芽菜最多!同埋有d味精湯既感覺! 一大碗for2個人, 飲完又飽左1/3.加多加多, 即係印尼沙律, 少少辣, 一般. 同平時食既沙律好唔同! 串燒! 好味! d醬好好食, 不過略嫌細串左少少!巴東牛肉, 極力推介!!! 個汁好好味!!! 超好送飯既一個餸!!! 而且牛肉好"淋", 又冇筋, 好正!仲叫左"羅什雞", 見佢個名幾得意, 就試下. 但掛住食, 都唔記得影相喇! 一個辣辣地既汁, 加上雞件, 都幾好味架! 不過唔食辣既朋友就唔係好頂得順了~ 

第一次食印尼菜, 雖然賣相不甚討好但原來味道可以不錯呢!!而且店鋪只收現金,不收加一; 價錢相當化算.價錢: $68 /2隻秘制醬汁, 用荷葉及鍚紙包再焗醬汁帶點辣, 肉質彈牙及有蝦膏散發著濃郁蝦味, 很不錯!價錢: $58 /條做法: 跟虎蝦一樣味道: 需要配以醬汁一併食用才能食出魚中帶醋的味道價錢: $58 /碟牛肉很林滑; 醬汁味道濃郁而不膩 (如配以飯一併食用會更滋味)一碟份量太少; 每人一碟就差不多了味道帶甜很好吃, 如單一食就沒什特色.如配以巴東牛肉汁就超級好味... 結括: 價廉物美, 可以再次惠顧 (讚!!) 

朋友打電話去book枱, 承讚好禮貌老闆娘很好人, 為我們推介各種食物加多加多, 很惹味, 本人第一次食, 感覺很新奇, 亦很好吃巴東牛肉, 之前喺東大街食過, 但這裡做法應該傳統啲, 用左牛腩, 東大街就用左牛蹍, 各有風味, 但個人比較喜歡牛腩, 好淋, 汁好好食牛肉和雞肉沙爹, 醬汁不夠惹味, 牛肉太靭爪哇炒飯, 蛋黃還是流質的, 和炒飯mix 埋一齊幾好食, 可以再mix 巴東牛肉的汁, 惹味爪哇爆炸豆腐, 真的很爆炸, 汁很辣, 老闆娘教我們將芽菜等釀入豆腐中, 但真的很辣牛奶玫瑰梳打, 印尼特飲, 老闆娘話要成杯變粉紅色才好喝的, 因為吃完辣豆腐, 感覺好細杯, 不夠解辣呵追加豬頸肉, 好juicy, 又有青瓜同菜, 同埋啲醬汁一齊食, 很清新, 一點也不油膩可以再來呵~

是日到朋友屯門家打牌, 晚飯就選了這間娘惹菜, 見評語不俗.我們7點多打去book 位, book 8點. 走到過去見好多人在店外等. 我們還想好在我們有book 位. 什麼??? Book 了位都要等? 原來打去book 位只是有9折 (這個倒沒聽過呀), 但是也要等. 嘩! 是什麼天理呀? 不如你不給我9折而讓我們直接進去吧!門口叫號數的應該是老闆娘, 態度得好, EQ都很高, 有很多人鬧為何等了很久都無位, 她都好有耐性解釋. 但試想想一群飢餓的猛獸怎會聽什麼解釋, 慳返啖氣好過吧...她在門口叫number, 但mark 低人客名的一張紙只有1-20個nos. 第二張紙又重新由1開始數起. 如果多過20台人排隊就會有重覆number, 真的好混肴. 難怪很多人等時都投訴. 幸好勝在有個體面的老闆娘. 但如果改一改個system, 就不用給多人問候了.食物點了烤鯖魚, 加多加多, 串燒, 巴東牛肉等, 不記得名字…本身想叫鰂魚, 但沒有, 老闆娘推介鯖魚, 所以一試. 味道不錯, 有很香炭燒味. 但條魚就細條了一點. 不夠喉呢!加多加多的醬汁不錯, 帶點辣, 但始終這裡是香港,

好奇怪 今日雖然落雨 但係都好想出下街 可能因為天氣轉涼左少少最後決定上Openrice 睇下屯門有乜食 出去食返個飯見到 嘩 娘惹居然一個負面都冇 咁就一於去試下~去到 7點鍾左右 可能因為早啦 冇乜人 見到佢入面唔多枱 枱同枱之間都幾闊落 環境都幾乾淨 令到我可以好安心咁坐低 一坐低 就有位姐姐埋尼招呼 態度語氣都好好 比起其他食過既餐廳都熱心好多 滿意!睇餐牌 好多野我都想試 可惜我地得2個人.. 試唔到幾多最後叫左-加多加多可以話係必食之選 好食!-串燒 半打 雙拼(雙拼要加2蚊) 3支雞 3支豬串燒反而冇咩特色.. 味道麻麻 有點失色-沙薑海鮮炒飯炒飯 味道幾好 唔多油 唔會好似旁邊間小X谷咁食到成口油 幾乾身 正-巴東牛肉味道唔錯 好香椰奶味 牛肉比較林 唔韌 每件牛都連氣一塊比較大既肥膏 唔怕肥既我覺得好食! 怕肥人仕可以注意 其實叫既時候都已經覺得太多 我地2個人都唔係大食 但係最終都食得哂總括尼睇 除左串燒比較失色之外 食物質素好 服務 環境都好好 臨走埋單仲有薑糖食

其實想好耐...但冇咩動力...不過到最近O係OPENRICE睇到個食評,同BF湊巧提議去食,就決定去試下!!!點左好多野食但印象最深係~~~ 巴東牛肉!!!因為我對牛肉係麻麻,但呢度煮得好好食,令我食指大動!!仲有個鹽燒虎蝦!!話就話係鹽燒,但重加左好似柚皮既野,令個汁酸酸地,正!!!一定會再去!!!最後一定要讚既係..個樓面姐姐!!!真係令人有賓至如歸既感覺,好有禮貌!!!