野玩田店 (已搬遷) 新店位置

近幾個星期也在工作應酬中渡過，連續吃了好幾餐西餐，大魚大肉，牛扒也吃了幾次。趁著今天和朋友相聚，特別選了一間比較Light的餐廳。野玩田店位於尖沙咀K11商場，地鐵站出發不用五分鐘便到達，地點十分方便就腳。餐廳裝修簡單，十分有空間感，感覺舒服。我們一行二人叫了四樣菜分享。巴黎汁焗時蔬(⭐⭐⭐⭐💢)首先上枱的是焗時蔬，包括了青瓜，蘿蔔，甘筍仔，西蘭花等等。有別於快餐店吃到的焗飯，時蔬明顯焗得比較短時間，蔬菜吃起來還是鮮嫩多汁，保住本身營養。所謂的巴黎汁吃起來有點像咖哩，加上上面的芝士，吃起來十分惹味可口。 本地大啡菇紅菜頭伴牛油果Pizza(⭐⭐⭐⭐💢)這個薄餅是即叫即製的，上枱時還是熱辣辣。材料包括了大啡菇，紅菜頭和牛油果等等。薄餅是薄身的，餅邊吃起來是脆口，而裏面就煙煙靭靭，不太濟。 本來以為素食的Pizza會十分單調，但不同口感的蔬果吃起來味道層次感豐富，完全不會覺得比下去。鹽焗本地盲鰽配黑蒜炒菜(⭐⭐⭐⭐⭐)另一主菜就避開了紅肉，叫了這一個本地盲鰽。盲鰽上枱時被厚厚的海鹽蓋住，店員兩三下手勢便敲碎面頭的鹽殼，把魚切開。魚肉吃起來幼嫩，而且有微微的鹹香。連平日不愛吃魚的朋友也停不了

聖誕新年，每日都都大魚大肉，打邊爐燒烤，樣樣齊，真係要食清啲，Detox下。明查暗訪之下，搵到尖沙咀K11 Natural嘅野玩田店Something Wild The Farm，主打健康路線，聽聞仲自家種迷你菜，加入菜式當中。餐廳以木系同綠草為主調，充滿田園氣息。去到餐廳門口，即刻見到一排排自家種嘅紫芥蘭頭，仲分唔同日子。店員話佢哋會用呢啲迷你菜嚟煮食，認真係最新鮮。麵包籃麵包籃內有餅乾條同麵包。麵包好軟熟，好香芝麻同蜜糖味，餅乾條非常香脆。燒焗本地黑毛豬鞍架 (12oz) 及扒菠蘿配燒汁我哋叫咗精選本地農場系列嘅本地黑毛豬鞍架，非常厚身。切落去嘅時候，肉汁不斷流岀嚟，鮮嫩多汁。黑毛豬無咩加醃料，入口食得出黑毛豬本身嘅肉味，一啲都唔韌，加埋燒菠蘿，清新香甜，正。煙三文魚闊條手造意大利麵手造闊條麵入口彈牙，掛起晒啲蕃茄醬。加埋煙三文魚同蕃茄肉，真係好開胃。牛油炒栗子剝晒殼嘅栗子，粒粒都好大粒，入口仲有輕輕牛油味，唔錯。巴黎汁焗時蔬話明係健康餐，呢碟巴黎汁焗時蔬非常豐富，有唔同顏色嘅蔬菜，有西蘭花、紫椰菜、椰菜花、粟米仔、青瓜、露笋等。蔬菜新鮮焗起，吸收晒巴黎汁嘅精華，加埋芝士好惹味。

野玩田店 - 好特別嘅店名, 令人好奇. 準時7點到達, 大概有3-4成客人. 店內裝修及擺設簡潔, 一大排玻璃窗, 很小間隔, 亦有放一D 盆栽植物點綴, 令人感覺開揚及清新.  奈何枱與枱之間距離非常之近, 傾計都唔敢太大聲, 以免騷擾到隔離枱.  另外, 店內中間位置有張長方型大枱, 大細約如一張大會議枱, 眼見大部份2-3個人一組組坐, 而中間沒有間隔, 抬頭就望到對面食客, 面對面有D尷尬. 食物方面, 選擇唔算太多, 但種類都平均, 而且份量唔小. 飲品及甜品選擇好多, 而且都比較特別. 今次我地2個女仔叫左3樣嘢, 食完真係好飽, 份量足夠3個女仔食.  下次可以叫多D朋友試其他款式.服務都好好, 招呼快亦有禮貌.