GOGO Rock (已結業)

終於開返晚市，搵間扒慶祝下😎😎餐廳環境黑黑地好有feel，好岩朋友吹水飲杯野巴黎牛油蘑菇焗田螺 ⭐️⭐️⭐️⭐️好少見田螺係用蘑菇做底，代替螺殼，牛油味好香，薯容好有口感，有少少薯仔粒🥔，但味道偏淡，加返少少蒜蓉焗就一流啦威靈頓牛柳 ⭐️⭐️⭐️好香脆酥皮，包住巴馬火腿同蘑菇醬，但牛柳有點過熟，un左少少，薯菜姐係薯容，同埋味道都偏咸，同埋個汁係燒汁，同威靈頓牛扒唔係好夾，但整體呢個價錢食到算可以接受

中午同朋友去旺角攞貨，再順便食晏。攞貨附近有間餐廳叫「Go Go Rock」，之前上網見到佢有下午茶時段任食，已經想試。雖然今日唔係，但見啲午餐都好抵食😄，所以決定幫襯。一入餐廳，經理就非常熱情招待，佢哋仲好有防疫意識，客人坐低前會再次消毒枱面。環境正正常常啦，感覺有啲似港式酒吧餐廳🎸，因為色調偏暗加用上黑白色地磚，不過都稱得上好整齊。餐廳有做午市套餐，共六款選擇，每款均可以自由搭配飯、意粉或薯菜。價錢介乎$58至$98不等，免收加一服務費。主菜以外，仲有湯、沙律同飲品，咁多嘢食絕對稱得上係一個完整嘅「套餐」🍽。套餐嘅沙律唔係求其比幾條菜你，而係設置咗一個自助沙律吧比客人自取，該區域仲要好乾淨！沙律款式比想像中多🥗，而且仲會補充。雖然餐牌寫每人只可拎一次，但我相信你真係好想食，佢都唔介意你再攞。我哋每款都夾咗啲試吓，包括自製凱撒沙律、螺絲粉、蛋、車厘茄同粟米青瓜等。當中嘅德國薯仔沙律超正🇩🇪🥔，薯仔粒混合洋蔥同脆煙肉粒，再夾埋沙律醬同醋，味道微酸又鹹鹹哋，好想再食啊！不過店員話主菜仲好食，叫我哋收手先。是日餐湯亦大有驚喜，顏色似粟米南瓜湯，但飲落會發現浸味好特別，從未飲過。我哋真係飲極

：旺角新開餐廳 ▫️巴黎牛油蘑菇焗田螺($68)田螺味道唔算突出 不過底下嘅薯蓉好香好綿滑 吸哂牛酒蘑菇田螺嘅香味✨ ▫️紅蝦海膽天使麵($168)日本海膽好creamy 天使底下收埋好多紅蝦濃濃蝦味 超鮮甜 ▫️香煎鵝肝拼牛柳($248)鵝肝好香 牛柳切開仲係粉紅色 嫩嫩的 配菜有焗薯仔 紅蘿蔔 翠肉瓜 好好食 ▫️另外+$58就有餐湯 什菜沙律 紅白酒一杯 .Go Go Rock旺角砵蘭街180號地下A號舖.#gfood_mongkok

Go Go Rock旺角砵蘭街180號地下A號舖今日約左朋友去左旺角睇戲，睇完之後當然要去醫肚啦，朋友就極力推介呢間新開張無幾耐既西餐廳，佢話無論服務同食物質素都唔錯，所以就決定黎試下餐廳係砵蘭街，如果地鐵站或者朗豪坊行過黎只須2分鐘，非常方便，最適合約埋三五知己黎開餐一入到餐廳見到呢個擺蠔同酒既Corner位已經雙眼發光餐廳而家做緊推廣好抵，只係$124蚊已經可以試到半打即開生蠔再配埋2杯酒，而生蠔既質素絕對唔差架，食落好creamy ,充滿海水味，非常新鮮今日既餐湯係雜菜湯好足料，而沙律既菜都好新鮮，配埋醬汁一齊食好fresh主菜我揀左肉眼牛扒，選擇左5成熟，粉紅嫩肉超多肉汁，而且牛肉味好重，食落又唔會太多筋，好正。朋友就揀左食燒羊柳，望落都好吸引，我都試左少少，除咗嫩口之外，食落都唔會覺得好大陣羊騷味，好難得 田螺墊住係蘑菇上面焗好有新意，而且焗得非常香，配合埋薯蓉一齊食，簡直係一流呀最後當然要食埋甜品同埋餐茶啦，非常滿足

今晚同男朋友食西餐。呢間餐廳有生蠔食，但我地無叫，另外叫左五樣野食同一杯雞尾酒。法式蒜蓉包即叫即做，口感香脆。巴黎牛油蘑菇焗田螺有六隻，已經脫晒殼，釀係蘑菇到，下面鋪住邪惡既薯蓉。黑松露醬蝦球意大利粉creamy兼有黑松露味，蝦有三隻。香煎肥肝拼牛柳幾好食，鵝肝肥美，牛柳五成熟，口感唔韌，有牛味。伴碟有翠玉瓜、番茄、紅蘿蔔同薯仔。朱古力心太軟配雪糕超級流心，外脆內軟，雪糕係雲尼拿味，好美味。叫左杯雞尾酒Sangria一齊飲，男女都岩飲，幾易入口。