Pici

营业中

休息中

呢間主打手工意粉嘅餐廳 之前聽過朋友極力推薦，我自己都成日推薦比其他朋友，因為真係好好食今日前菜叫左吞拿魚牛油果他他，布袋芝士同海鮮辣蕃茄燴湯吞拿魚牛油果他他好清新，而且有洋蔥加咗喺上面，非常開胃。布袋芝士配上火箭菜好好食。海鮮辣蕃茄湯更加係出乎意料，食唔到辣嘅我都想一飲再飲，辣蕃茄配青口好好食。主菜今日食左慢煮牛面脥寬帶麵 燉煮八爪魚醬意式雲吞慢煮牛面脥寬帶麵係呢間餐廳入面我最鍾意嘅主菜，非常非常好食，牛炆到好冧，麵嘅硬度剛剛好，醬汁十分香，食極唔厭。燉煮八爪魚醬意式雲吞味道好特別，紅醬開胃，皮嘅口感都好好。甜品試晒意式奶凍同tiramisu 好鐘意奶凍果醬入面有種柑橘類嘅味道，酸酸甜甜好解膩。tiramisu 嘅咖啡味好香，中間蛋糕咁嘅口感好正。最後講吓飲品basil lemon tea，都係我好鍾意呢度嘅一款特飲，basil嘅特別味道令到本身普通嘅檸茶變得更好飲更香。總結黎講食物質素非常高，而且環境舒服。服務態度亦十分好，員工會關心客人覺得食物點，而且好nice。喺附近睇完戲肚餓的話好推薦入去試吓。

相信鍾意食西餐嘅人對Pici一定唔陌生好多人都係慕手工意粉名而來不過試完就覺得佢哋嘅前菜似乎吸引啲🤫.晚餐四人餐 $758三前菜+三意大利麵+四飲品不過大部份菜式都要再加錢😂⁉️.重點推介:🧀炸松露水牛芝士 +$10炸皮唔會太厚 勁大嚿芝士拉哂絲cheese lovers必點!.🐟吞拿魚牛油果他他 +$15生吞拿魚夠新鮮 有少少胡椒點綴好好食😋.🍝松露細扁麵 +$18似乎係每枱都會叫嘅pasta雖然係好簡單pasta加松露片但已經好好味 唯獨係有啲咸.同場加映🧀布袋芝士 +$15🦐大蝦海鮮濃汁黑細麵 +15☕️Tiramisu +$15呢幾款屬正常發揮(有少少嫌Tiramisu唔夠咖啡味).最失望:🐱意式辣肉貓耳朵麵貓耳朵太硬 覺得會消化不良嘅硬😂雖然意式辣肉聽落好惹味但個汁底食落其實好淡😕(唔怪得佢係少數唔使加錢嘅菜式🤭).*晚餐限時75分鐘短到以為食快餐🤡