珍寶王國 (已結業)

黄竹坑的珍寶海鮮舫 絕對係合理的旅遊景點 因為有朋朋自遠方來 要食野樂乎 加上其實自己上都未去過而家有MTR 去到黃竹坑站行過去都只係10-15分鐘路程 好方便 去到碼頭坐5分鐘去到海鮮坊 未入到去朋友仔都已經影咗好多相午茶時段去到2點 1點幾先去到所以唔算多人 等一陣都可以入坐了鹹魚雞粒炒飯 - 過百蚊一個炒飯 其實唔算好抵食 但味道方面其實唔差 鹹魚都幾香花鵰醉雞- 酒味幾香 但雞有啲老 唔滑唔太入味沙爹金錢肚- 味道口感都可以 帶子腸粉 - 腸粉係我最推介的 帶子好鮮甜 腸粉好滑好滑 四寶滑雞扎珍寶王國成日都比人感覺好貴 下午飲茶的價錢其實係還好

朋友們今天跟我去慶祝牛日，我建議去了一個好耐無去過的地方(上次去已是3、4歲)中午12點到到，唔駛等位，由於之前問左有經驗人士得知2/F的價錢比較大眾化，因此想都無想就跑左上去。環境唔錯，坐位唔迫，而且侍應夠，唔駛三吹四請先有人理你，而且有禮。由於之前問過人，斑腩飯是必食的，咁之後點了幾個點心，如下圖蝦餃和菠菜唔錯，用料夠，而且食得出係即蒸的帶子腸粉都合格啦珍珠雞係扺食，38蚊有3隻，而且有蝦，和少肥肉到押續的斑腩飯，嘩！堅係斑bo，肉質一流，超級推介

星期天正巧香港仔舉辦漁民展，一家人到許久沒有去過的珍寶海鮮舫。先乘免費船，第一眼便看到多龍吐珠的陳設：我部被安排到2樓，在等位期間，可以欣賞壁畫：我們一家原被安排坐在沒有海景的位置﹝船中間﹞，但後來親切的帶位小姐替我們轉位，讚！我們叫了帶子腸粉：帶子粒很細，但很鮮味，豉味汁亦'較'得剛好，甜甜的配合帶子粒很清新！想不到這裡也提供盅頭飯，我們於是點了鳳爪排骨飯。飯蒸很剛好，粒粒分別而不會太濕；鳳爪偏瘦，肉地不夠，而排骨醃得很入味！馬拉糕：一看馬拉糕的顏色便知有點失敗，偏淡，不夠味，但可幸焗得很鬆軟：干蒸牛肉：現在已沒有多間酒樓飯店提供干蒸牛肉了，馬上叫一籠回味回味！牛肉沒有下發粉，原味十分，而'硤'汁的酸味能完全吊出牛肉味，非常可口！蝦餃：大路點心。這兒做到皮薄而蝦亦很大粒，很足料，而且咬下去有點彈破的感覺，足見蝦非常新鮮！

一向都覺得珍寶王國係遊客食店，又貴又唔好食。難得我這新界人出省，所以就去試一試。呢度啲蝦餃好大隻，啲蝦好彈牙。我覺得佢既肉絲炒麵最正，啲麵脆卜卜，個汁唔會大杰，味道啱啱好可惜係佢地既奶黃包無得揀流心，但好香奶味其他點心都足料個帶子腸粉就淡味左少少。總括嚟講，呢度俾我想像中好，以呢度的環境及食物質素，價錢都算合理，下次有朋友嚟香港玩都可以介紹佢地

細細個珍寶「陪著」我長大,隨著時代變遷,部份模式已轉型。NN年的今天重臨,確實不少片段空湧而至!未夠1:00,三樓的「大廳」需輪候一個鐘,唯有落二樓「龍軒」,不用等。「龍軒」空間闊落；枱上有轉盤；中國風味的餐具盛盤,實在太for遊客了。老實說,撇除價錢,我也寧願到三樓,回味惜日風味.......。Anyway點心好快到。跟序:-雷沙湯圓,好細粒,真係好湯圓口感(非軟de de的大粒雷沙糯米糍),芝麻餡不夠麻香,味道一般。-鮮蝦腐皮卷,平時食,只有蝦,同腐皮,但這個仲有蝦汁鎖著,好juicy!-干炒牛河,menu上廚師推介。炒得算乾身,好有鑊氣,但牛肉無乜牛味。-松茸雜菌粉果,餡唔夠多,所以被澄麵皮味搶左。其實個餡幾重松茸味架!-帶子腸粉,腸粉都係屬厚粉類。但帶子幾大粒吓!仲係鮮帶子,好甜呢!-山竹牛肉,無乜特別。-蛋黃雞包仔,皮厚,好多咸蛋黃,肉餡少,試唔真。-流沙奶黃包,唔流心,但好多咸蛋黃/咸蛋沙。皮唔鬆軟。如果包,可以俾番個籠佢,少少保溫,咪更有風味!改革後,以為價格高不可高攀。最後平均價又ok噃,而且大家仲夠飽架!p.s.茶位@$12