六本木日本料理

营业中

休息中

⭐️老細好靚仔，老細好靚仔，老細好靚仔📣老細見到我係咁影相，問我係咪會打食評，佢話嘢食唔重要，唔講都得，最緊要記得話老細好靚仔🧏🏻‍♂️ 幫緊你幫緊你🫡🦪 室津生蠔 $66性價比高，對得住價錢，算大隻同新鮮又脹卜卜，偏咸，後尾再encore左一隻過下口癮。🍤 海老雲單天婦羅 $138幾有趣嘅食法，紫蘇葉包住海膽同埋蝦，不過熟咗嘅海膽冇咗嗰種鮮甜，唔似食緊海膽，蝦彈牙，整體飽滿。🦢 鵝肝帶子卷 $148好大粒鮮甜嘅帶子，一口一件好滿足，不過少少蓋過左鵝肝，食到鵝肝嘅口感，但係味道偏淡，比帶子搶左味。🥩 牛肉他他燒 $188效果好仙氣，冰鎮上枱，牛肉他他撈埋啲蒜蓉辣蘿蔔同洋蔥都幾有風味，外層有燒烤過嘅味道，牛肉係生嘅但唔會幾渣，幾有口感。🦀 香芒軟殼蟹卷 $128正常發揮，芒果鮮甜，軟殼蟹夠脆，size適中可以一啖啪落口。🧈 玉子燒明太子 $88用鐵板上，出哂煙，好岩打卡📸。玉子偏甜同埋唔會鞋，好開胃。明太子都幾多，少辣🌶️🍘 燒年糕 $32甜甜地，脆脆地，好軟糯，不過認為可以再脆啲，有少少淋🍦 炸雪糕 $88好似係舖頭名物，特色野黎🤣，咁樣睇好似菠蘿油🤣。建議一上要即食，我影多幾張相外層淋左雪

通常係ssp都係食平野多，估唔到都有咁高質素既日本野👍🏻（當然價錢都會相應貴少少）食物選擇非常多，由刺身到壽司手卷到一品料理到串燒到飯麵全部有齊。我地兩個人都order佐幾多野😂最愛係佢個鰻魚玉子燒，帶子鵝肝卷同雞胸軟骨串燒！玉子燒超級好食，d蛋燒得啱啱好，好嫩滑🤤帶子同鵝肝既組合第一次見，估唔到咁夾！雞胸軟骨係手寫板上既menu，好味到食完一串唔夠喉即刻叫多一串😙餐廳客人都唔少，好多係一家大細一齊黎，人多可以試多d野～

買完電腦就周圍搵下野食，行過寶血醫院果便諗住靜d, 見呢間日本料理個名熟口熟面就撞左入去喇，一見到個操唔純正廣東話既台灣老闆，我先醒起原來係之前荔枝角果間個裝修格局比之前靚左，比之前果間多左d日本居酒屋感覺，老闆話呢度同日本最唔同既係……………………你可以用廣東話叫餸……………………(我想反白眼lor)不過老闆話而家轉左居酒屋，佢考緊唔知咩牌學多d專業清酒知識咁，你想知既話，你問佢，佢會blahblahblah咁教，我朋友係真心長知識，但我既得著係老闆教品酒，仲請我飲幾杯，佢話而家興搞d品酒party咁，都有d心郁想join下

白色情人節去咗深水埗嘅居酒屋食飯，呢間餐廳我真係高度推薦，最正嘅係佢哋嘅台仔老細Vincent哥😍 老細一路都滿場飛，不論生客定熟客，佢都會去傾吓計，搞吓gag咁，連我呢啲害羞嘅小妹妹，短短一餐飯已經打開哂心扉💘講返食物，帶子鵝肝卷 $128，每舊都有一大塊帶子喺頭頂，好有鮮味，中間鵝肝size唔太大，唔會好油膩，食落成舊都好鮮～左口魚邊壽司 (2貫) $68，其它壽司店食嘅左口魚邊都偏薄身，但係呢到嘅有厚度之餘，唔影響佢爽口嘅口感，炙燒完之後，好大陣香味傳入我的鼻😚芝士玉子燒 $68 必點！圖入面係已經切左一舊出嚟，見到入面嘅芝士不停湧出嚟，我嘅心情都非常澎湃🤩 味道嚟講，芝士唔會話太濃味，唔會掩蓋住玉子嘅甜味～軟殼蟹天婦羅 $88 嘩！係好厚肉嘅原隻軟殼蟹😍 外層炸得好鬆軟，裡面就係軟殼蟹比較爽嘅口感，一隻蟹，兩種口感，佐酒必點！北海道炸赤蝦BB $68 平時見到赤蝦都係大大隻，BB都係第一次見，炸得好香口，成隻都可以食得落肚，佐酒一流！荔枝豚肉串 $30 好特別嘅配搭，用薄薄嘅豚肉包裹住荔枝肉，又甜又咸咁，大家再想像吓荔枝嘅口感，爽爽哋，咁嘅配搭好清新、好過癮！牛舌 $46 平時

位於長沙灣六本木料理，裝潢有日本格調，門面用原木包住，兩旁更掛上一排燈籠🏮，很有特色﹗開放式廚房可以俾客人見到師傅整刺身同壽司帶子鵝肝卷$88:帶子大大粒夠鮮嫰，鵝肝甘美，口感豐富。荔枝豚肉串$30:豚肉卷住荔枝，兩者好match。荔枝可以減去豚肉油膩，有驚喜~推介安格斯牛肉串$48:入口唔韌唔老，而且帶嚼勁，牛味出色推介芝士玉子燒$68:芝士玉子燒放鐵板上，係上枱時冒住煙發出「吱吱」聲響，玉子燒香甜，一咬仲爆芝士添~~拖羅蓉手卷$88:拖羅蓉肉質肥美明太子茶漬飯$128:茶漬飯味道豐富又有淡淡茶香，重點係有好大件明太子，鹹鮮惹味~送既赤蝦BB十分香脆惹味﹗鯛魚湯稻庭烏冬$98:鯛魚湯濃郁，烏冬彈牙居酒屋刺身新鮮，串燒出色，可以同朋友一齊靜靜地傾計同享受美食。店舖仲貼心送上髮圈同髮夾俾長頭髮女客人，服務周到，值得一讚﹗