廳2 (已結業)

因為已經book 左位,所以就唔洗等。一入到去比個碗既擺設吸引左，係做得幾精緻。叫左好多野黎share食個人覺得個喇沙算係叫咁多種野入面算係正常偏好食，個湯底都係入味，但D魚蛋配料就失色左D。正正常常既小籠包 無咩特別因為係朋友食個鮑魚飯，所以個味道就唔太清楚啦香茅豬扒 普普通通個鰻魚都係幾好食既，我鐘意佢個汁，味道適中。雞軟骨都香口個豬扒好難嘴嚼。呢個意粉個味芝士味好濃，個真係好好好咸！食完要飲好多水叫左個常餐，都唔係有咩特別，但個牛角包係好食既。總括所以既食物，就係會推薦個喇沙同個鰻魚。其他就真係好麻麻同埋好貴。環境就還好，但其實lunch都幾嘈下，想搵個清靜D既環境就唔推薦去啦。

長沙灣至荔枝角一帶的工業區，週六日水靜河飛，很多食肆索性在星期日休息，如果在假日搵嘢食，這區的選擇實在不多。最近喜見有一間叫「廳2 (Tang2)」的餐廳，居然在週日也營業，實在方便了這一區的居民。廳2外在似酒樓，望望菜牌，又有些西餐菜色，究竟是賣什麼呢?內在環境是近年流行的工業風，混合了Café 及工廠食堂的風格，既有中式酒樓常見的圓桌，又有Café 的二人座位。食物既有點心和麵條，又有咖啡、漢堡和三文治，根本就是玩緊中西Fusion。20150830_095713000_iOS點了全天供應的常餐 ($84)，即是All day breakast。內容有黑松露炒蛋、煙三文魚、牛角包、薯角、雜菌、腸仔、沙律菜，牛角包端上時還是暖的，亦做得鬆脆，而炒蛋則有點過熟，其他的配菜還可以。常餐還包咖啡/茶，和一碗仔濃魚湯米線，魚湯並不算很濃，只能說是清甜，魚湯的鮮味也只是一般。這中西合璧的常餐份量足，質素屬於中上。還叫了幾款特色點心，泡菜豚肉燒賣 ($18)，雖然的的式式，但泡菜足料且爽口又帶微辣和酸甜，燒賣也做到軟腍，很易入口。番茄牛肉窩貼 ($18)，內涵是混了番茄醬的碎牛肉，很鬆軟而帶酸甜

呢頭係工廠區，幾乎冇好食又好坐的餐廳。好消息好消息！最近終於新開左一間。餐廳有少少工業風，有木、鏡、灰同黃色做主題，好fresh 好young！事不宜遲，打開menu睇睇先。連本menu個設計都好精緻、入面啲圖片好靚呀。西餐的代表不得不講呢個燒豬鞍伴蘋果醬！份量好大，幾個好朋友share 就最適合不過。我未見過豬肉居然可以咁soft咁多汁，完全唔洗靠其他調味料都可以好好味。師傅配的蘋果醬都好創新，酸酸地、果香同肉味好match，更加帶出豬的香濃。至於中式當然係點心啦，雖然只有5、6款，但款款都幾有水準bo！小龍包上枱時熱辣辣，皮超薄，但夾起又唔會散。咬落湯汁真係充滿陣陣的龍蝦味，真材實料呢。番茄牛肉窩貼都唔錯，有少少唔夠脆，但充滿番茄味，如果可以食到粒粒番茄肉較佳。蔥油餅個presentation超新穎，係圓波波黎唔係一塊塊。食落相當驚喜，肉碎同蔥好香，加埋喺酥皮面的芝麻，好有傳統蔥油餅的優點、但又減少了「痴牙」同「油淋淋」的缺點。之後個all day breakfast 真係好抵食呀，仲配搭個魚湯米線，真係夠曬fusion！黑松露炒蛋好濕潤，啲炒菇菇好入味。我尤其鐘意個牛角包，因為好