麻辣風雲 (已改名) 查看

成日見人黎打卡，加上我都鍾意食川菜，自己都心郁郁想黎🤣幾年前係荃灣食過lunch，但係荃灣店已不在🥹今次試佢嘅dinner，除左裝修帶點古風，仲播住啲宮廷風嘅音樂，濃濃嘅中國風🥢荔枝蝦球$108蝦球有8粒，掛滿係裝飾樹上，外型似足荔枝，加埋乾冰襯托，即刻影多幾張相📸雖然外貌係荔枝，但係入面係冇荔枝嘅🤣蝦肉彈牙爽口，蘸上甜酸汁幾開胃🥢炸饅頭$58呢到另一個打卡菜式🤩諸葛亮「草船借箭」，夠晒有氣勢，饅頭隻隻金黃色，外脆內軟，食落唔會有油膩感🥢干鍋 $248配料至少揀5款，有十幾款可以自選，我揀左豚肉、牛肉片、特色牛肉餅、肥腸同椰菜，本身干鍋都有萵荀、椰菜花等等嘅配料，份量都幾多，好有川式風味，辣得過癮😋🥢四川掂掂麵$68可以自選辣同麻嘅程度，味道香辣惹味，麵質較軟身，容易吸湯，建議要快食小菜$9/位

麻辣風雲🌊旺角店，就係瓊華10樓，地點方便，環境好大好寛敞，裝修幾grand而保持中國風特色🏮啲杯碟都好靚，麻辣川菜你諗到既都有，酸菜魚、水煮魚、涼菜等😮‍💨飲杯啤酒就開始挑戰麻辣🔥時令推介：🌴荔枝蝦球🌴上枱個賣相真係哇哇聲，周圍枱都望住，因為啲蝦球好似荔枝咁掛住樹上而出晒煙咁✨太吸晴，荔枝蝦球，外面好脆，口感好彈又爽，味道好好👍🏻🐡酸菜魚🐡超大盤，上枱好香，魚片量多到浮晒係面，湯底都算係金湯，飲落幾香又夠味，風味十足🥹魚片好滑，肉質好味，配埋酸菜食仲正👍🏻萵苣同粉條都浸到好入味，幾唔錯既酸菜魚👏🏻🥘干鍋🥘充滿川菜味道既外型，必食腐皮+四季豆！超入味，掛晒啲麻辣汁，好好味🫶🏻牛肉其實都好正，同麻辣味好夾，蓮藕都唔錯，白豬仔午餐肉係個人推介之選😆整體相當唔錯既川菜，鍾意食麻辣既真係必試，酸菜魚首推🤤真係可以掀起風雲既麻辣風雲👻

鍾意食辣嘅我🌶️🌶️🌶️見到得意打卡able嘅主題川菜點可以唔去？佢嘅菜式令我諗起讀書時期某一套台劇以三國為主題 唔知大家有冇啲回憶嘅味道😆🤣😆🌶️荔枝蝦球🌶️炸饅頭🌶️麻辣干鍋(肥腸、牛柏葉、廣島蠔、椰菜花、薯粉）🍹1.8L 水蜜桃雜果茶 🌟想試好耐嘅川菜餐廳，一心諗住打卡為主，無諗過味道都咁高質，特別係荔枝蝦球相當有驚喜，有外觀到口感都好正，外邊粒粒脆卜卜，蝦球相當彈牙，出色👍🏻麻辣干鍋辣度十足，配料選擇都好多，竟然有廣島蠔，係好新穎嘅配搭，而且材料仲好新鮮，要激讚個薯粉又粗又煙靭，加上麻辣好match👏🏻最令人震驚嘅係1.8L水蜜桃雜果茶 ，早前有推廣活動，用優惠價就可以換購，無諗過咁巨大🤣

今日朋友想挑戰麻辣野，比佢地酸菜魚所吸引而來，座位好闊落，好有中國古式風味，仲好幸運可以坐到店內唯一嘅涼亭特色枱。炸饅頭 $58, 係招牌小食，用木制戰船上碟，造型相當有氣勢，炸得熱辣辣又香脆，配煉奶真心無得輸。主角酸菜魚 $268，碟頭一樣大大件，足夠4至5人分享，選用生魚，魚片份量超多，肉質幼滑得黎挺身爽口，澄海酸菜味道香，清爽，不會過咸，湯頭加入青胡椒，花椒，味道麻麻香香，配芽菜同粗身薯粉，吸收香濃湯汁，後悔沒有加30蚊加配額外薯粉。香辣茶葉炒蝦 $188，炸過嘅茶葉味道有點似炸九層塔，蝦仁炸得咸香，帶辣勁，惹味。干鍋係比較特別嘅菜式，可以自選醬汁辣度同蒜度，除左基本蔬菜配料，可自選最少5款配料，我就揀左勁蒜小辣，美國肥牛，特色牛肉餅，鴨血，肥腸，豆干，茄子，一大盤上枱，份量真係好誇張，夠5至6人分享。味道惹味蒜味濃。甜品係黑糖脆炸糍粑 $58, 見到出菜量，目測基本上全場客人都會叫1碟，炸脆嘅糯米糍粑，配上微甜黑糖醬同黃豆粉，熱辣辣香脆軟糯，相當滋味，叫多碟都絕對可以清哂。大部份菜式都係川辣嘅，遇到想食辣野或者酸菜魚嘅日子時，第一時間就會諗起呢度。