松記糖水店 (已結業)

糖水真係香港人唔可以缺少嘅一部分吖！特別係熱天，熱辣辣嘅天，如果可以係室內吹著涼爽嘅空調，歎一碗甜甜嘅糖水，真係比神仙我都唔做吖！松記係我比較鐘意嘅糖水鋪之一，同聰嫂一樣，價廉物美，值得一來！雪糕楊枝金露，我最最鐘意嘅雪糕，＋買香甜嘅芒果，彈牙嘅小丸子，香濃到不得了吖，柚子粒又脆脆地，爽吖！！糖不甩比較少食，因為我對d糯米消化唔係幾好，不過我幾鐘意糖不甩嘅，雖然好甜又好快膩，不過糯米糰霖滑又有嚼頭，成隻都卑薑糖水煮入味，再去碌碌香噴噴嘅花生粉，好食到流口水吖，我依家發覺我手上嘅粟米好冇味吖，好像食糖不甩！幻彩明珠，麻麻地，各種水果嘅大團圓，酸酸甜甜，水果夠新鮮，透明嘅小丸子夠彈牙，不過就係覺得唔夠甜。

今日同朋友去咗銅鑼灣食飯，食完飯之後我哋覺得意猶未盡，朋友就提議去附近嘅松記食埋糖水先再返屋企。雖然之前未食過松記，不過朋友試過覺得OK，所以就提議去嗰度食糖水。去到松記之後室內環境同一般茶餐廳差唔多，我哋一齊睇咗Menu之後分別叫咗幻彩珍珠同佢最出名嘅綿綿冰試吓，綿綿冰揀咗芒果味而配料就揀咗爆豬同可可米；至於幻彩珍珠其實就係雜果配西米露加涼粉等左冇幾耐就黎到啦！個綿綿冰真係好大份，我哋睇到都覺得興奮！而幻彩珍珠同想象中差唔多冇咩特別。。。綿綿冰既芒果味香濃而且一層層嘅冰塊入口即溶，有做到軟綿綿嘅感覺係幾好味！不過對比其他糖水店來講其實又冇咩話特別好食嘅感覺，不過至少做到合格嘅標準咁囉！

百食不厭又便宜的甜品店松記我食了十年啦,近來開始寫食評,等我都SHARE下平時鐘意食佢D咩先!平時去開都係深水埗的老店,CWB都開左分店,早陣子都去了幫襯質量不變但似乎比九龍區店貴小小(無計啦,港島區咩都貴過人,我覺得可以接受的)門口永遠係好多人等,不過人流快,都係等10分鐘左右就可以入座啦 三重心太軟 $39份量適中,不多不少,味道比得上大餐廳所做的,朱古力味極濃,加入凍冰冰的雪糕一起食,是完美之配搭,(雪糕有多種味選擇)但有心理準備係製作需時 豆腐綿線冰+紅豆+爆珠$39強烈建議人多才好點,好大碟,一上桌見到都好開心,味道又濃又香,爆珠是益力多味,酸酸的好醒胃 幻彩明珠$19是我每次必點的,才19蚊,成碗都係新鮮的水果,滿滿的芒果汁入面有涼粉,黑珍珠和明珠!仲可以加淡奶令口感更滑不過CWB店好似比深水埗店小了一條芒果條(我心水很清呀,希望店主可以加番啦)多謝收看

時不時在銅鑼灣吃完飯後, 總有一些意猶未盡的感覺, 那就決定徒步走到鵝頸橋底那邊, 誓要將幻彩明珠消滅 還記得早兩年前想吃到幻彩明珠的話, 就要專程去到九龍那邊才可以品嘗得到, 現在近多了!! 每次來我亦都只會叫幻彩明珠, 從來都沒有試過其他, 專一嗎? 今晚人太多了, 所以只好買外賣回家吃吧! 雖然是外賣, 但份量絕對不會因而有改變, 還有點迫爆的感覺! 最喜歡它很夠料, 有多款瓜, 奇異果, 芒果, 涼粉, 黑珍珠還有很有咬口的大粒珍珠, 再加上一些奶, 奶可以隨你喜歡加與不加, 但個人覺得加奶才是重點, 加了奶是比較香滑的, 但肚子受不了的就要考慮考慮呢. 生果非常新鮮又夠多, 每次吃完都感覺份外滿足

晏晝去完cafe玩左5粒鐘..好肚餓..之後揀左去松記食糖水啦..去到等位..好熱呀好彩鋪頭出面有menu睇..唔係都幾難過終於入得去..我太肚餓啦..要order兩個甜品我嗌左椰汁紫米露+雪糕..(比我發現左咁叫..係比嗌雪糕紫米露平一蚊架)同埋..佢既椰汁紫米露唔係好甜..溝左雪糕之後..個甜度岩岩好糖不甩..幾好食..係呀,糖不甩係無餡架..我地4個人..咬之前係咁話入面有冇餡另外我仲order左木糠布甸另外我d fds就嗌左..

晚飯後，想與朋友找個地方一邊談天，一邊飲東西或吃甜品。因為知道這店出名，又未試過，故來這裡一試。幻彩明珠($23)：材料份量十分多，西瓜多件、哈蜜瓜／蜜瓜／奇異果／芒果各一件、涼粉多粒及大量西米和黑珍珠，加芒果汁及花奶。水果算新鮮，只是芒果不是當造，所以略酸。整體味道OK，但不是太特別，勝在豐富及健康。六寶湯圓($18)：六粒不同的湯圓，奶皇／紅豆／芝麻／花生／綠茶奶皇／紫米奶皇各一粒。湯圓很細粒，皮不煙韌，餡也不香滑。每粒咬一半，明明看到是什麼餡，但吃起來卻沒有那種餡的味道，例如我吃了一粒奶皇，看到是黃色餡，但只有少許甜味，完全沒奶皇香味也不滑。說實在，食品價錢雖不貴，但味道一般，不是想像中那麼特別，或許是我期望過高。而且地方不大，枱椅之間沒太多空位，比較侷促和嘈吵，所以不能舒舒服服地談天。

又再一次去食松記，　同友人食完晚餐，　行完＄１０店，　又係時候食甜品。我必食的幻彩明珠：仍然係多生果、生果夠新鮮，　芒果汁好味，　花奶夠多夠香。最緊要食夠凍。友人食：（熱）＂煲＂雪梨，　麻麻地，　太多水，　好＂希＂，　唔多夠味。坦白說，　服務真係比剛剛開時差了點。不過，　無損我去食幻彩明珠，　再唔係，　咪ｔａｋｅ　ａｗａｙ囉。

在銅鑼灣找甜品店，不是易事。 不是中式甜品，就是價錢貴得很的西式餅店甜品店，幸好有了松記，多了選擇。 一行三人晚上八點多吃飽飯來到，時間尚早， 不用等位。 叫了幻彩明珠 ($23) 和哈佬 （$2X），這店各款甜品都比其他分店貴幾蚊。 又難怪... 始終銅鑼灣人流極旺，租金極貴，惟有轉給消費者。 幸好材料也充足，不過價錢偏高，未必常來吃了。 總括而言是很不錯！惟有要彈是環境坐得很不舒服，又極其狹窄，吃完後都難以和朋友再聊天吹水，要快快走了... =_="

吃過壽司刺身，要同事付鈔為我慶祝生日，為表謝意，請他們去吃糖水，有人提議去「松記」。座落在過海天橋附近，這晚雖然大雨滂沱，但竟然有不少捧場客。看著彩色圖文並茂的餐牌，甜品種類之繁多，令人有花多眼亂的感覺，真是難以抉擇，大家花了十分鐘才拿到主意，點了下列甜品：紫米露湯丸 用紫糯米煲好加椰汁和芝麻湯丸，不太甜，湯丸好味。芝麻糊湯丸 芝麻糊有芝麻香，但顏色出奇地深黑，甜度合意。芝麻糊豆腐花 一黑一白，豆腐花並不是超滑，要加點糖水才夠甜，黑白配兩者亦夾。幻彩明珠 像是個生果拼盤，有芒果，西瓜，蜜瓜，木瓜等，加上芒果汁，珍珠，很清爽怡人。椰汁喳渣 有芋頭，幾種豆，椰汁，好味。愈夜愈多人，糖水店確是一門好生意。

早幾日喺time square 睇完戲見到對面有間糖水店原來係松記糖水，見門口有些人等位但不算太多，便即管去試試。可能係地方大座位多，等了約6分鐘很快便到我了。叫咗個招牌推介幻彩明珠，嘩！夠份量，有多種鮮果、大西米，黑珍珠及涼分等，感覺很清爽，還有很多芒菓汁及一些香滑的奶淋上面，味道奇妙地配合，吃了這個後已令我很滿足，因為份量真的不少呢！眼見左右食客點了多款不同的糖水，每款都好夠份量，下次真的要多帶幾個朋友一齊來試多幾款至得！

今天獨個兒行銅鑼灣，經過松記糖水，入內吃甜品。我叫了咖啡木糠布甸，幻彩明珠咖啡木糠布甸：布甸味道唔太甜，食落感覺很似食雪糕咁....味道都OK...幻彩明珠 ： 用料豐富，有不同的水果、涼粉等等，大大碗很抵食，最啱夏天消暑。

同朋友打完邊爐之後再去食甜品，向銅鑼灣方向行見到有間松記入去試下同長沙灣果間一唔一樣。打開餐牌，見到好似多款式過長沙灣果間。多o左石榴味棉花冰。叫o左幻彩明珠，芒果益力多棉花冰同埋糖不甩食。芒果益力多棉花冰幾大份同埋好多花生粒，幻彩明珠都係咁好味(d芒果幾甜)，同埋最欣賞佢d糖不甩，整得大大粒，好似d鹹蛋黃咁(Yummy)見到隔離檯d貴妃茶同埋腐竹雞蛋糖水好似幾正咁~不過食唔落喇~下次再試

銅鑼灣店新開張，八卦黎試下。Menu 很豐富，新式傳統都有供應，亦highlight左d熱賣甜品。 總係鍾意試新野，今日亦想要d生果product，就要左幻彩明珠。幻彩明珠好豐富，樣樣都有d，有生果、黑珍珠、大明珠等等，多到滿瀉哂，有d生果不合時令，選擇生果個陣靈活一點會好點。友人要了芒果琉璃，好多好多琉璃，個芒果汁椰汁略略少了點，撈一半琉璃也不夠，好似好齋禁樣，此品還是適合琉璃狂熱者。未試過呢到既傳統糖水，不過以新款野計，就一般啦。