School Food (已結業)

週日約左朋友去屯門睇早場戲$50確係抵睇，睇完響屯門市廣場搵野食，一時無咩心水經過就去左這間，下午一點半去到無咩人唔駛等位幾好，價錢都算大眾化。點左三樣野食，二百埋單算係咁。紅葉花卷7件 ($45)賣相退步左以前去食花卷放得好靚，依家連花卷頭尾都放上碟而且仲好鬆散，但味道就唔差，蟹肉青瓜味道清新有軟硬口感！蕃茄海鮮年糕($82)比想像中好味，茄汁唔酸好濃味，年糕好煙韌彈牙，有蝦有蜆多配料，令整體味道豐富。廚師卡邦尼年糕 ($75)卡邦尼汁好濃郁，食落好creamy，沾上年糕好美味，做得好出色，每次來都一定會食，值得推介。

之前係食開沙田新城廣場嗰間既schoolfood, 不過佢執左之後就冇點食過了，今次去開屯門，再去試番，果然冇令我失望！我都幾中意呢類型既餐廳，韓國餐廳？但又有d 西餐成份喺入面，款式又多元化！希望遲d 開番多d 分店！講番正題，今次我地就叫左餐牌入面呢個叫"紳士先生",個名好得意呀，但入面其實就係餐肉黎，外面有蛋包住，而包住既除左有餐肉外，仲有芝士，味道好夾好好食。之後仲叫左個廚師卡邦尼年糕，年糕好煙軔好好咬口，食落去好creamy,口感好豐富，但份量就真係少左d, 自己一個食都唔夠飽🤔😅

今晚約了另一半去屯門吃飯，我們沒有打算吃什麼，只是碰碰運氣，看到有心水想吃就去了。走到School Food 餐廳門外, 發現如果加入storellet做follower, 就有半客蛋圈紳士先生送，我和另一半商量後, 我們以反正沒有蝕本心態就去試試。今次只是我第二次來School Food, 記得第一次正式和另一半拍拖約會就是去School Food, 當時大家還未拖手, 用餐過程大家十分緊張，又不會說話，我點什麼食物另一半都okay我倆本身都很愛吃蛋圈, 韓式蛋圈也不例外, 雖然優惠只送半客，但已足夠令我們吃得很滋味，味道確實不錯的，免費得來不會馬虎今晚第一推介是火爆雞肉鐵鍋飯, 服務員在我們點餐的時候已提醒我們這個鐵鍋飯會很辣，我知另一半很愛吃很辣, 所以我照樣點這個飯，吃的時候果然非常辣(我個人來講), 接近噴火境界不過我想說的是味道確實很捧很野味, 刺激到味蕾，還有好吃的是雞肉，很有燒烤感覺第二推介的是廚師卡邦尼年糕, 芝士年糕相信吃慣韓式年糕不用我解釋都知道那種感覺，奇妙之處是這個卡邦尼年糕用粉絲做配角，非常有驚喜，粉絲加芝士原來是非常夾的享受完這餐飯, 大家非常滿足, 最重

今天跟男朋友出街行了一個下午, 晚餐突然又想食school food可能因為是星期日多人出街, 6點幾去都要排隊, 等了半個鐘~又是限時75分鐘, 看了看餐牌, 當然又是例牌的烏卒卒+卡邦尼年糕啦好入味的魷魚~ 雖然個樣唔多靚, 不過好好食, 我次次去school food都一定會叫卡邦尼年糕是另一最愛, 可是今天有少少失準, 我覺得D汁稀了, 如果可以"傑"D會好好多最後一個是第一次食的水凍麵估唔到有驚喜WOR, 我一直以為水凍麵食落似稻亭烏冬淡淡地無咩味, 點知食落先知係酸酸甜甜, 好開胃~如果下次再食school food一定會再試, 新歡 ><3個菜連加一HKD237, 不過食完男朋友唔多夠飽

以前去親都要等好耐先有位，今次尸去到等左陣就有位，算係快。一坐低就發現對上一次食school food，已經係好耐以前嘅事，所以今次再去，已經轉左新menu，所以今次叫多左幾款新野試下。食物overall尼講一般般，卡邦尼年糕﹑水冷面同炸雞都唔錯，海鮮飯味夠濃，拉絲雞翼有效果，不過芝士無咩味，但有辣味搭夠。而菜一燒同豆腐鍋可以Blacklist，菜一燒啲菜太苦，同醬汁唔係太夾，而豆腐鍋就毫無特別之處，同埋好淡，不值一試。

食咗School food咁多年，除咗鍾意食佢嘅辣味茶色之外，我最鍾意食嘅就係卡邦尼年糕，有好多朋友唔鍾意食，話覺得佢啲味道太濃，有啲蘇蘇地嘅奶味，我就啱啱相反，我最鍾意食啲奶味濃芝士味重嘅食物，但有一樣不足，冇得揀卡邦尼年糕芝士嘅濃度，如果有得揀就正

今晚我們去咗屯門市廣場嘅「School Food」食晚飯！我們叫咗水冷麵、烏卒卒「墨魚」、大發牛肉拌飯、廚師卡邦尼年糕、香煎牛肉餡餅、紅豆蜜瓜雪山同鳳梨艾菲！水冷麵嘅麵質非常爽滑彈牙，酸酸嘅醬汁相當醒胃！烏卒卒「墨魚」嘅賣相係烏卒卒，但味道真係好好味，飯卷入面嘅墨魚粒亦好嫩滑彈牙！大發牛肉拌飯嘅色澤同賣相都幾吸引，將所有材料撈埋一齊食，都幾惹味！廚師卡邦尼年糕嘅年糕非常煙韌彈牙，醬汁嘅芝士味好濃郁，味道亦好香甜，但唔會好膩，真係超好味！香煎牛肉餡餅嘅餅煎得好乾身同好香脆，牛肉嘅肉味亦好香濃，真係非常好味！係本人嘅必食推介！紅豆蜜瓜雪山嘅賣相極之精緻同吸引，蜜瓜嘅味道相當香甜，加埋雪糕同碎冰一齊嚟食，真係超正！