School Food (已結業)

周日约左朋友去屯门睇早场戏$50确系抵睇，睇完响屯门市广场揾野食，一时无咩心水经过就去左这间，下午一点半去到无咩人唔驶等位几好，价钱都算大众化。点左三样野食，二百埋单算系咁。红叶花卷7件 ($45)卖相退步左以前去食花卷放得好靓，依家连花卷头尾都放上碟而且仲好松散，但味道就唔差，蟹肉青瓜味道清新有软硬口感！蕃茄海鲜年糕($82)比想像中好味，茄汁唔酸好浓味，年糕好烟韧弹牙，有虾有蚬多配料，令整体味道丰富。厨师卡邦尼年糕 ($75)卡邦尼汁好浓郁，食落好creamy，沾上年糕好美味，做得好出色，每次来都一定会食，值得推介。